Hin hliðin: Bretland deilir og drottnar.

"Rule, Britannia!" er vinsæll baráttusöngur Breta og notaður bæði af breska sjóhernum og landhernum.

Það eru tvær hliðar á því fyrirbæri, sem Boris Johnson lýsir varðandi meginlínur átaka í Evrópu í gegnum aldirnar.

Sú hliðin, sem snýr að Bretum, hefur birst í því, að þeir hafa ævinlega snúist hernaðarlega gegn hverju því ríki á meginlandinu, sem hefur sýnst líklegt til að verða stórt og öflugt og ógna sterkri stöðu Breta.

Sjálfir settu Bretar síðan á stofn víðfeðmasta heimsveldi allra tíma, sem var efst í huga Winstons Churchills á stjórnmálaferli hans, samanber ein fleygustu ummæli hans 1940 um "the finest hour", stærstu stund Breta og breska samveldisins.  

Meginatriði utanríkisstefnu Breta hefur verið að viðhalda jafnvægi og valddreifingu í álfunni og halda ríkjum álfunnar sem flestum og smæstum.  

Þess vegna hafa þeir átt í styrjöldum við nær öll ríki álfunnar og réðust meira að segja á Kaupmannahöfn á Napóleonstímanum.

Þeir hafa líka, á einhverjum tilteknum tíma, verið í hernaðarbandalagi með nær öllum ríkjum álfunnar.

Þegar þeir gengu til liðs við Stalín 1941 var Winston Churchill minntur á fyrri hrakleg ummæli hans um harðstjórann og fjöldamorðingjann Stalín og rússnesku kommúnistana.

Churchill svaraði því til að ógnin af Hitler væri slíks eðlis, að jafnvel þótt hann þyrfti að ganga í bandalag við djöfulinn í neðra gegn Hitler, myndi hann áreiðanlega geta fundið einhver falleg orð til að segja um Kölska í neðri málstofunni.

Að þessu sögðu er hins vegar sjálfsagt að geta þess, að framlag Churchills og Breta gegn einræði og kúgun var ómetanlegt þegar litlu munaði að mesta villimennska í sögu Evrópu legði álfuna undir sig á árunum 1940-42.

Líkir ESB við vegferð Hitlers

Athugasemdir

[Elín Sigurðardóttir (IP-tala skráð) 15.5.2016 kl. 09:20]

https://www.almasdarnews.com/article/panama-papers-data-leak-king-saudi-arabia-sponsored-netanyahus-campaign/

http://www.timesofisrael.com/iran-preparing-another-holocaust-netanyahu-charges/

[Hörður (IP-tala skráð) 15.5.2016 kl. 10:07]

Copy paste  ..............There Are Only 22 Countries in the World That the British Haven’t Invaded.....

[Ómar Bjarki Kristjánsson, 15.5.2016 kl. 12:09]

Það er auðvitað alveg ótrúlegt að menn skuli nefna þessa samlíkingu í samhengi við ESB.  Napóleaon og Hitler.

Þessi samlíking er samt ekki óþekkt og td. hefur ótrúlegasta fólk dregið Hitler fram í samhengi skuldavandamála sumra ríkja.  Og ákveðinn aðili, mektarmaður, dró þessa samlíkingu fram hér uppi í eina tíð.

[Þorsteinn Briem, 15.5.2016 kl. 13:06]

"Stórríkið":

"Í reglum Evrópusambandsins er tiltekið að velta sambandsins megi ekki vera meiri en 1,27% af þjóðarframleiðslu aðildarríkjanna en hún er nú rúmlega 1%.

Evrópusambandið fer með samanlagt 2,5% af opinberu fé aðildarríkjanna og ríkin sjálf þar af leiðandi 97,5%."

[Þorsteinn Briem, 15.5.2016 kl. 13:07]

Nefndarálit meirihluta utanríkismálanefndar Alþingis um aðild Íslands að Evrópusambandinu:

"Um 45% af útgjöldum Evrópusambandsins renna til landbúnaðar í aðildarríkjunum og 39% til uppbyggingarsjóða."

[Þorsteinn Briem, 15.5.2016 kl. 13:09]

"Fjórfrelsið gildir á öllu Evrópska efnahagssvæðinu og það felur í sér frjáls vöru- og þjónustuviðskipti, frjálsa fjármagnsflutninga og sameiginlegan vinnumarkað.

Að auki kveður samningurinn um Evrópska efnahagssvæðið á um samvinnu ríkjanna á svæðinu í til dæmis félagsmálum, jafnréttis-, neytenda-, umhverfis-, mennta-, vísinda- og tæknimálum."

[Þorsteinn Briem, 15.5.2016 kl. 13:10]

"EES-réttur öðlast ekki bein réttaráhrif með sama hætti og bandalagsréttur.

Hins vegar er skylt að taka hann í landslög í þeim mæli sem nægir til þess að hann geti öðlast sambærileg áhrif að þessu leyti og bandalagsréttur."

Stefán Már Stefánsson lagaprófessor, Evrópusambandið og Evrópska efnahagsvæðið, bls. 168.

[Þorsteinn Briem, 15.5.2016 kl. 13:11]

"Schengenríki sem ekki eru í Evrópusambandinu (Noregur, Ísland og Sviss) hafa engin formleg völd þegar ákvarðanir eru teknar sem varða samstarfið og hafa í raun aðeins kost á því að taka upp þær reglubreytingar sem því fylgja eða segja sig úr því ella."

Schengen-samstarfið

[Þorsteinn Briem, 15.5.2016 kl. 13:13]

Eiríkur Bergmann Einarsson forstöðumaður Evrópufræðaseturs Háskólans á Bifröst:

"Til að mynda er Svíþjóð aðeins gert að innleiða hluta af heildar reglugerðaverki Evrópusambandsins.

Og ... okkur Íslendingum er nú þegar gert að innleiða ríflega 80% af öllum þeim lagareglum Evrópusambandsins sem Svíum er gert að innleiða."

Það er nú allt "fullveldið".

Og enginn stjórnmálaflokkur, sem á sæti á Alþingi, vill segja upp aðild Íslands að Evrópska efnahagssvæðinu.

[Þorsteinn Briem, 15.5.2016 kl. 13:17]

23.11.2011:

"The European People's Party er langstærsti hópurinn á Evrópuþinginu en hann er bandalag hægri- og miðflokka.

Blái liturinn táknar að mið-hægri ríkisstjórnir fari með völdin í viðkomandi ríki:"

[Þorsteinn Briem, 15.5.2016 kl. 13:22]

"Til­raun­ir kín­verska fjár­fest­is­ins Huangs Nu­bos til þess að kaupa jörðina [Grímsstaði á Fjöllum] fóru út um þúfur um árið og hef­ur jörðin verið aug­lýst til sölu á Evr­ópska efna­hags­svæðinu."

Enginn stjórnmálaflokkur sem á sæti á Alþingi vill segja upp aðild Íslands að Evrópska efnahagssvæðinu.

Útlendingar geta eignast allar jarðir hér á Íslandi og helminginn af öllum aflakvóta íslenskra fiskiskipa strax í fyrramálið ef þeir nenna því.

[Vilhjálmur Örn Vilhjálmsson, 15.5.2016 kl. 14:22]

Og Steini Breim 12 stig fyrir að eyðileggja umræðuna- enn einu sinni.

[Ragna Birgisdóttir, 15.5.2016 kl. 14:35]

Steini fær 12 stig fyrir að benda á staðreyndir :)Flestir aðrir keppendur hér eru löngu fallnir úr keppni vegna drullu og skítkasts út í hann og Ómar Ragnarsson.

[Elín Sigurðardóttir (IP-tala skráð) 15.5.2016 kl. 15:15]

Hann datt reyndar í róbótagírinn núna.  Óþarfi að hrósa honum fyrir það.  Er það rétt heldurðu Vilhjálmur að Sádi Arabía standi að baki Netanyahu?

[Ragna Birgisdóttir, 15.5.2016 kl. 16:20]

Elín ..ef Elín er....alltaf skemmtileg 

[Hilmar Bjarnason (IP-tala skráð) 15.5.2016 kl. 19:24]

Hvers vegna í ósköpum skrifar þessi maður, Steini, ekki eina langa færslu í stað þess að skrifa ca. 10 með mínútu millibili?  Þetta er svolítið undarlegt svo að vægt sé til orða tekið.