Hvers vegna líðst þessi "hefð" ofbeldis endalaust?

Hlutfallslega fámennir en harðsnúnir hópar stuðningamanna tveggja knattspyrnuþjóða hafa komið nokkur konar hefð á það að þeir geti beitt hundruð þúsunda friðsamra áhorfenda og áhugafólks um knattspyrnu því ofbeldi, sem felst í því athæfi, sem fótboltabullurnar svonefndu hafa fengið að stunda áratugum saman sem eins konar hefð í tengslum við þessa vinsælustu íþrótt heims.

Í landi hefðanna, Bretlandi, hefur þetta ástand verið ein af hefðunum, því að enginn raunverulegur vilji virðist vera fyrir því að taka í taumana.

Nú hlýtur að vera komið að því að eitthvað róttækt verði gert í þessum málum.

Þetta gengur ekki lengur.  

Enn læti í enskum stuðningsmönnum

Athugasemdir

[Elín Sigurðardóttir (IP-tala skráð) 13.6.2016 kl. 09:21]

Byssur eru sem sagt ekki vandamálið eins og Obama vill meina?  Eru boltar vandamálið?  Er kannski bara að sjóða upp úr?  Þá þurfa náttúrulega einhverjir búrókratar að kokka upp einhverja róttæka lausn.  Mega þeir ekki bara ákveða úrslit leikjanna?  Svona eins og í Eurovision?  Þá þarf fólk ekki einu sinni að hafa fyrir því að mæta til að horfa á leikinn.  Málið dautt.

[Ragna Birgisdóttir, 13.6.2016 kl. 13:13]

Hefur Obama einhversstaðar sagt að byssur séu aðalvandamálið einar og sér? Er hann ekki að tala um að breyta byssulöggjöfinni í USA og aðkomu fólks í að eiga byssur? Vita ekki allir með hausinn í lagi að á bakvið skot úr byssu er manneskja sem stjórnar gjörningnum. Sama bullið þegar að talað um að bankarnir steinsteypukubbaldar ráði vöxtum í bankakerfinu. Það eru mannanna verk eins og sæmilega greindir menn og konur ættu að vita.

[Elín Sigurðardóttir (IP-tala skráð) 13.6.2016 kl. 13:28]

Af hverju eru Bandaríkin að senda þungavopn til Evrópu?  Hvað er eiginlega að gerast í hausnum á Obama?  Veit hann ekki hvernig vopnin virka?  Er hann undir meðalgreind?  

http://www.mbl.is/frettir/erlent/2015/06/23/senda_thungavopn_til_evropu/

[Þorsteinn Briem, 13.6.2016 kl. 17:25]

Geðhjúkrunarfræðingur og kokkur í fangelsi

[Þorsteinn Briem, 13.6.2016 kl. 17:35]

Breskar boltabullur í Frakklandi - Geðhjúkrunarfræðingur og kokkur í fangelsi

[Ómar Bjarki Kristjánsson, 13.6.2016 kl. 17:54]

 Er nefnilega dáldið furðulegt að sjá þetta.

Eg hef nu fylgst með ýmsum stormótum í fótbolta, - og ég er hissa á að sjá stærðargráðuna í þessum óeirðum.  Rígfullorðnir karlmenn látandi eins og hálfvitar.

Það er miklu meiri umfjöllun um þetta víða í erlendum fjölmiðlum heldur en hér.  Td. á Sky News þar sem kom vel fram, að mínu mati, að algjört stjórnleysi virtist ríkja kringum England vs. Rússland leikinn, - m.a. slagsmál og óeirðir inná sjálfum leikvanginum!  Eg ætlaði ekki að trúa því þegar ég sá það.  Sko núna, 2016.   Ég man bara ekki eftir að hafa séð svona á stórmótum.  Ekki inná leikvanginum.