"Farðu og finndu eitthvað á hann."

Ofangreind orð fengu flug í umræðu hér á landi í kringum síðustu aldamót varðandi fyrirbæri, sem líka fékk heitið smjörklípuaðferð.

Hún felst í því að leiða umræðu og athygli í ákveðnu máli inn á nýjar brautir á afvegaleiðandi hátt.

Óvenju mikið hefur verið um það í aðdraganda þessara forsetakosninga að haldið hafi verið á lofti neikvæðum áróðri í garð sumra frambjóðenda, jafnvel á mörgum vígstöðvum dag eftir dag.

Tengd frétt um ásakanir á hendur einum frambjóðandanum er dæmi um þetta.

"Farðu og finndu eitthvað á hann", smjörklípan, felst í því þegar fræðimaður á í hlut, að fara rækilega í gegnum það sem eftir hannn liggur, og af því að fræðin felast í þessu tilfelli í nefna mismunandi hliðar á sagnfræðilegum viðfangsefnum, er hægt að finna eitthvað, sem búa má til alhæfingu um sem hina einu skoðun fræðimannsins.

Já, eða rithöfundarins ef svo ber við.  

Nú eru innan við tveir sólarhringar í kosningar og þá hyllast þeir, sem þessari aðferð beita, til að beita henni, ef ekki gefst ráðrúm til andsvara.  

„Ólafur fór stundum á ystu nöf“

Athugasemdir

[Elín Sigurðardóttir (IP-tala skráð) 23.6.2016 kl. 15:20]

Það er nú erfitt að toppa RÚV sem finnur það á fólk að það hafi ekki nógu mikið fylgi til að leiða umræðuna og athyglina á ákveðnar brautir á afvegaleiðandi hátt.  Þú sagðir sjálfur hér á þessari síðu að endurtekin upphlaup og læti Ástþórs trufluðu fólk í umræðum um mikilvæg mál.  Það má vel vera að stríð sé smámál í þínum huga en það er ekki þar með sagt að allir séu sama sinnis.

[Þorvaldur S (IP-tala skráð) 23.6.2016 kl. 16:38]

Hana nú! Hún er aðdáandi Ástþórs! Loksins er hann fundinn!

[Elín Sigurðardóttir (IP-tala skráð) 23.6.2016 kl. 18:34]

Ert þú aðdáandi Davíðs Þorvaldur S ? 

[Þorvaldur S (IP-tala skráð) 23.6.2016 kl. 21:18]

Fyrr kysi ég andskotann en Davíð. Hann er þó heiðarlegur í störfum sínum og fer ekkert í felur með ætlun sína. Og þó eiga þeir sennilega það sameiginlegt að hafa fundist Íraksstríðið feikilega fyndið þótt aðeins annar þeirra hafi sagt um það brandara opinberlega.

[Elín Sigurðardóttir (IP-tala skráð) 23.6.2016 kl. 21:37]

Hann er nú líklega ekki eini Natósinninn í framboði þó að það hafi ekki þótt taka því að spyrja - enda nauðaómerkilegt mál þegar öllu er á botninn hvolft.  Þjóðinni kemur það ekki við.  Henni kom það heldur ekki við þegar henni var troðið í EES.  Andri Snær treystir Vigdísi sem treysti Davíð.  Síðan á Ástþór að vera ómögulegi maðurinn í þessu öllu saman?  

[Ómar Bjarki Kristjánsson, 23.6.2016 kl. 22:47]

 Let's make the bastard deny it aðferðin.

Annars með hann Davíð, að þá er merkilegt að sjá hann núna í framboðsstellingum.

Ekki sannfærandi en kemur miklu betru fram núna en fyrrum, að hann er bara leikari mestanpart.  Svona pólitísk fígúra.

Efast um að hann meini neitt með því sem hann er að segja.  

Hann er meira svona talsmaður ákveðins hóps, hins svarta íhalds,  SFS, stórfyrirtækja o.s.frv.  Og það er í sjálfu sér athyglisvert því þegar hann byrjaði í gamla daga auglýsti hann sig sem ferskan, nýjan blæ, opnun, víðsýni o.s.frv.