Þarf að fljúga á sama tíma að og frá Hvassahrauni og Reykjavíkurflugvelli.

Fyrir um sex áratugum var rætt um flugvallarstæði norður af Hvassahrauni. Flugmálastjóri bauð þá flugráði að koma í flugferð, þar sem flogið var aðflug að hrauninu og einnig í sömu flugferð að og frá Reykjavíkurflugvelli. 

Það var allhvöss aust-suðaustanátt og því ókyrrt í báðum aðflugi og fráflugi á báðum stöðunum. 

Í aðflugi og fráflugi að vallarstæðinu í hrauninu varð svo ókyrrt að flugráðsmenn fylltu ælupokana í vélinni og enda þótt ókyrrt væri líka í aðflugi og lendingu á Reykjavíkurflugvelli var það hátíð miðað við ósköpin suðurfrá. 

Þar með varð þetta dautt mál þar til að nógu langt er nú um liðið að það á að byrja aftur á því sama. 

En þá verður líka að fljúga í sömu ferðum að og frá Reykjavíkurflugvelli og að og frá brautum í Hvassahrauni. 

Öðruvísi verður ekki hægt að bera saman, hve oft verði ófært til flugs á þessum tveimur flugvöllum. 

Veðurathuganir í Hvassahrauni að hefjast

Athugasemdir

[Þorsteinn Briem, 23.11.2016 kl. 01:23]

Ef ekki verður flugvöllur í Hvassahrauni verður innanlandsflugið flutt á Keflavíkurflugvöll, þar sem flugvöllur verður ekki áfram á Vatnsmýrarsvæðinu.

[Þorsteinn Briem, 23.11.2016 kl. 01:27]

15.12.2015:

"Ef svo fer fram sem horfir gæti hraðlest úr Vatnsmýrinni til Keflavíkurflugvallar verið komin í gagnið eftir átta ár.

Sveitarfélögin á höfuðborgarsvæðinu hafa möguleikann til skoðunar."

"Fluglestin - þróunarfélag ehf. hefur uppi áform um hraðlest úr Vatnsmýrinni til Keflavíkurflugvallar.

Það yrði raflest sem nær 250 kílómetra hraða og því tæki ferðin suður með sjó 15-18 mínútur.

Að hraðlestinni standa Fasteignafélagið Reitir, Landsbankinn, Ístak, Þróunarfélag Keflavíkurflugvallar Kadeco og Efla."

Hraðlest á milli Keflavíkurflugvallar og Umferðarmiðstöðvarinnar (BSÍ) eftir átta ár

[Þorsteinn Briem, 23.11.2016 kl. 01:27]

7.7.2014:

Hraðlest á milli Keflavíkurflugvallar og Umferðarmiðstöðvarinnar (BSÍ) skilar allt að sextíu milljarða króna ábata - Ferðatíminn um korter

[Þorsteinn Briem, 23.11.2016 kl. 01:30]

"... nýju vélarnar [Bomb­ar­dier Q400] geta flogið allt að 25% hraðar en Fokker F50 vélarnar."

Innanlandsflugið verður hugsanlega fært frá Reykjavík til Keflavíkurflugvallar með skemmri flugtíma í innanlandsfluginu og hraðlest á milli vallarins og Umferðarmiðstöðvarinnar (BSÍ) á Vatnsmýrarsvæðinu.

Steini Briem, 25.4.2016

[Þorsteinn Briem, 23.11.2016 kl. 01:30]

"Flestir flugfarþegar eru karlmenn á aldrinum 30-35 ára, sem nota flugið vegna vinnu eða viðskipta.

Tæplega helmingur ferða er greiddur af einkafyrirtækjum og opinberum aðilum.

Keflavíkurflugvöllur er vel í stakk búinn til að taka við innanlandsflugi, reisa þyrfti nýja flugstöð eða finna henni stað í húsnæði sem til staðar er á vellinum."

Innanlandsflug um Keflavíkurflugvöll, möguleikar og samfélagsleg áhrif - Atvinnuþróunarfélag Suðurnesja, janúar 2014

[Þorsteinn Briem, 23.11.2016 kl. 01:32]

Ákveðið hefur verið að hraðlest gangi á milli Keflavíkurflugvallar og Umferðarmiðstöðvarinnar (BSÍ) við Hringbraut:

Steini Briem, 8.10.2016

[Þorsteinn Briem, 23.11.2016 kl. 01:37]

7.9.2013:

"Það eru skýr hagkvæmnisrök fyrir því að þétta borgina í stað þess að halda áfram að þenja hana út, nýta þannig betur fjárfestinguna í gatna- og veitukerfum, draga úr umferð og auðvelda fólki að ganga, hjóla eða nota almenningssamgöngur til að ferðast á milli staða.

Kannanir sýna að nýjar kynslóðir borgarbúa vilja frekar búa þétt en dreift.

Í þriðja lagi fylgir flugvellinum ógn við öryggi borgarbúa með stöðugu lágflugi yfir íbúðahverfi.

Sú ógn fer vaxandi ef umsvif á vellinum aukast með fjölgun ferðamanna. Völlurinn er líka orðinn frekari á umhverfi sitt en áður, eins og áform um fyrirferðarmikil lendingarljós og fellingu gamals skógar á útivistarsvæðum borgarbúa sýnir.

Völlurinn er raunar á alls konar undanþágum frá öryggisreglum, sem ekki þyrfti ef hann væri annars staðar."

Hjarta á röngum stað - Ritstjóri Fréttablaðsins

Ákveðið hefur verið að Landspítalinn verði áfram við Hringbraut, samkvæmt deiliskipulagi sem samþykkt var af borgarstjórn Reykjavíkur 13. desember síðastliðinn, Reykvíkingar starfa flestir vestan Kringlumýrarbrautar og þar er nú verið að þétta byggðina.

Deiliskipulag fyrir Landspítala við Hringbraut samþykkt

Og þeir sem starfa bæði og búa vestan Kringlumýrarbrautar, til að mynda á Vatnsmýrarsvæðinu, geta gengið eða hjólað í vinnuna í stað þess að fara þangað akandi frá austurhluta Reykjavíkur, sem veldur mun meiri innflutningi á bensíni, meira sliti á götum og bílum, meiri mengun, mun fleiri árekstrum og slysum.

[Haukur Kristinsson (IP-tala skráð) 23.11.2016 kl. 01:38]

Hvað dugar hraðlest á milli X og Y á mettíma ef þú þarft að bíða í klukkutíma eða tvo eftir að lestin dröslast af stað. Think about that Steini.

[Þorsteinn Briem, 23.11.2016 kl. 01:39]

Ómar Ragnarsson 2.4.2015:

"Á sínum tíma hefði verið skárra að reisa sjúkrahúsið í Fossvogi meðan enn var þar nægt landrými og aðeins einn spítali kominn í stað allra húsanna, sem komin eru á Landsspítalalóðinni.

En nú er orðið of seint að reyna að gera þetta í Fossvoginum.

Við innanverðan Grafarvog er stórt autt svæði við Keldur. Sömuleiðis hjá Vífilsstaðaspítala."

Ómari Ragnarssyni finnst sem sagt allt í lagi að Landspítalinn sé langt frá miðju íbúafjöldans á höfuðborgarsvæðinu en flugvöllur fyrir höfuðborgarsvæðið megi engan veginn vera það.

[Þorsteinn Briem, 23.11.2016 kl. 01:39]

Vífilsstaðir eru langt frá miðju íbúafjöldans á höfuðborgarsvæðinu og einnig landfræðilega, þannig að flytja þyrfti langflesta íbúa á höfuðborgarsvæðinu, þar sem flestir landsmenn búa, mun lengri leið að sjúkrahúsi á Vífilsstöðum en við Hringbraut.

[Þorsteinn Briem, 23.11.2016 kl. 01:42]

Að sjálfsögðu þarf Haukur Kristinsson aldrei að bíða eftir flugi eða lestum.

[Þorsteinn Briem, 23.11.2016 kl. 01:44]

Hættan á flugslysum er einna mest við enda flugbrauta.

[Þorsteinn Briem, 23.11.2016 kl. 01:45]

[Þorsteinn Briem, 23.11.2016 kl. 01:45]

1.3.1986:

"Segja má að kraftaverk hafi átt sér stað í gær, þegar Fokkervél með 41 farþega missti afl á öðrum hreyfli og hætt var við flugtak.

Flugvélin fór fram af flugbrautinni út á Suðurgötuna, sem liggur við vesturenda brautarinnar, og stöðvaðist á miðri götunni."

Fokkervél fór út á miðja Suðurgötuna

3.8.1988:

"Þrír menn fórust er kanadísk tveggja hreyfla ferjuflugvél fórst skömmu fyrir lendingu á Reykjavíkurflugvelli skömmu fyrir klukkan 17 í gær.

Flugvélin stakkst á nefið á milli brautarenda og Hringbrautar og sprakk strax í loft upp."

Flugvél stakkst á nefið og sprakk í loft upp steinsnar frá Hringbrautinni

16.10.1990:

"Ekkert hefur enn komið fram við rannsókn á flaki flugvélarinnar sem hrapaði í Skerjafjörð síðastliðinn laugardag.

Flugmaðurinn lést í slysinu. Hann var reyndur flugmaður, með 400 flugstundir að baki.

Flugvél hrapaði í Skerjafjörð

23.4.1997:

"Mikil mildi þykir að enginn skyldi slasast þegar tveggja hreyfla flugvél brotlenti við Reykjavíkurflugvöll í gær, rétt við Suðurgötu.

Bílar höfðu örskömmu áður ekið um götuna."

Brotlenti við Suðurgötuna

9.8.2000:

"Eins hreyfils flugvél af gerðinni Cessna hrapaði í Skerjafjörð, rétt vestan við Nauthólsvík, á mánudagskvöld."

Flugvél hrapaði í sjóinn rétt vestan við Nauthólsvík

[Þorsteinn Briem, 23.11.2016 kl. 01:49]

Forsendur varðandi Keflavíkurflugvöll hafa breyst mjög mikið.

Árið 2012 fóru 2,38 milljónir farþega um völlinn, um 44% fleiri en árið 2009.

Keflavíkurflugvöllur árið 2012 - Staðreyndir og tölur

Um 647 þúsund erlendir ferðamenn komu og dvöldu hér á Íslandi árið 2012, um 31% fleiri en árið 2009.

Og um 96% erlendra ferðamanna sem dvelja hér á Íslandi koma hingað um Keflavíkurflugvöll.

Um 622 þúsund erlendir ferðamenn komu því til landsins um Keflavíkurflugvöll árið 2012 og dvöldu hér á Íslandi.

Og um 95% erlendra ferðamanna komu þá til Reykjavíkur, eða um 615 þúsund.

Þar að auki fóru um 63% þeirra sem eru búsettir hér á Íslandi til útlanda árið 2012 og að meðaltali fóru þeir þá tvisvar til útlanda.

Um 322 þúsund manns voru búsettir hér á Íslandi í árslok 2012 og þar af leiðandi voru þessar ferðir búsettra hérlendis til útlanda um 408 þúsund árið 2012.

Um 64% þeirra sem búsettir eru hér á Íslandi búa á höfuðborgarsvæðinu, frá Kjalarnesi til Hafnarfjarðar, um 206 þúsund manns, og því fóru þeir væntanlega í um 261 þúsund ferðir til útlanda árið 2012.

Og tiltölulega fáir búsettir hérlendis fljúga beint til útlanda frá Akureyri og Egilsstöðum eða ferðast með ferjunni Norrænu.

Ef reiknað er með um 600 þúsund ferðum þeirra sem búsettir eru hérlendis á milli höfuðborgarsvæðisins og Keflavíkurflugvallar, fram og til baka, og um 1,2 milljónum ferða erlendra ferðamanna þessa leið, fram og til baka, voru þessar ferðir því um 1,8 milljónir árið 2012.

Ferðaþjónusta hér á Íslandi í tölum árið 2012 - Ferðamálastofa í apríl 2013

Far með flugrútunni á milli Keflavíkurflugvallar og Umferðarmiðstöðvarinnar (BSÍ) í Reykjavík, um 50 kílómetra leið, kostar um tvö þúsund krónur aðra leiðina og rútan er 45 mínútur á leiðinni.

Og 1,8 milljónir ferða árið 2012 fyrir tvö þúsund krónur hverja ferð eru samtals um 3,6 milljarðar króna, eða um 72 milljarðar króna á 20 árum.

Hins vegar er reiknað með að hingað komi og dvelji hér á Íslandi um tvær milljónir erlendra ferðamanna árið 2023, eftir níu ár.

29.11.2013:

""Ástæða þótti til að skoða málið og kanna hvort raunhæft sé og hagkvæmt að ná háhraðatengingu á milli Keflavíkurflugvallar og miðborgar Reykjavíkur," segir Runólfur Ágústsson.

Framkvæmdin kostar 106 milljarða, að mati hópsins.

"Þá er við það miðað að lestin fari frá Keflavíkurflugvelli að Hafnarfirði og þaðan neðanjarðar síðustu 11-12 km að miðborg Reykjavíkur."

"Ef að allt gengur upp gæti þessari framkvæmd verið lokið upp úr 2020 og þá yrði farþegafjöldinn 3-4 milljónir á ári," segir Runólfur."

Háhraðalest milli Keflavíkurflugvallar og Reykjavíkur kostar 106 milljarða króna

Steini Briem, 7.7.2014

[Þorsteinn Briem, 23.11.2016 kl. 01:58]

Þyrlur eru notaðar hér nú þegar í miklum mæli, til dæmis til að sækja slasaða menn langt út á haf, og það oft í slæmum veðrum. Einnig upp á hálendið og ekki eru nú margir flugvellir uppi á hálendinu eða í hverjum dal allt í kringum landið.

Ef maður slasast til dæmis alvarlega í Skíðadal í Dalvíkurbyggð, sem hefur nú komið fyrir, yrði hann sóttur þangað á þyrlu en ekki flugvél, og þyrlum mun fjölga hér með aukinni velmegun á næstu áratugum, eins og ætlunin hefur verið undanfarin ár.

Rúmlega 70% þjóðarinnar búa við sunnanverðan Faxaflóa, frá Akranesi að Garði, og þurfi að flytja fólk á Landspítalann er það flutt þangað með sjúkrabíl eða þyrlu en ekki flugvél. Og margt slasað fólk hefur verið flutt á Landspítalann af Suðurlandi með þyrlu en ekki flugvél, til dæmis fólk sem slasast hefur í umferðarslysum.

Við þurfum því engan veginn heilan flugvöll við Landspítalann. Þar er nóg að hafa þyrlupall, líkt og þann sem er við Landspítalann í Fossvogi, áður Borgarsjúkrahúsið.

Steini Briem, 4.11.2009

[Þorsteinn Briem, 23.11.2016 kl. 02:15]

Þyrlur Landhelgisgæslunnar sinna frá Reykjavík sjúkraflugi á Suðvesturlandi, Suðurlandi, Vesturlandi og Norðvesturlandi og langflestir Íslendinga búa á þessu svæði.

Einnig sjúkraflugi á hafinu allt í kringum landið.

Og þar að auki sjúkraflugi sem ekki hefur verið hægt að sinna með flugvél frá Akureyri, til að mynda á Vestfjörðum.

Ísafjörður er nær Reykjavík en Akureyri og Vestmannaeyjar eru mun nær Reykjavík en Akureyri.

Landhelgisgæslan á nú þegar góða sjúkraflugvél og getur allt eins átt sjúkraflugvél á Akureyri, enda vill Gæslan nú sinna öllu sjúkraflugi hér á Íslandi og á hafinu í kringum landið.

Þyrlur Landhelgisgæslunnar geta flogið á um fimm kílómetra hraða á mínútu en flugvél Gæslunnar, TF-SIF, getur flogið á átta kílómetra hraða á mínútu.

Flugvélin er sérhönnuð til eftirlits-, leitar-, björgunar- og sjúkraflugs, hún þolir 36 hnúta hliðarvind (um 19 m/sek), þarf einungis 1.300 metra langa flugbraut og flugþolið er tíu klukkustundir.

Steini Briem, 14.11.2013

[Þorsteinn Briem, 23.11.2016 kl. 02:19]

Í langflestum tilfellum eru sjúklingar fluttir með sjúkrabíl að Landsspítalanum af öllu höfuðborgarsvæðinu.

Þar að auki eru sjúklingar á Suðurlandi, Vesturlandi og Norðvesturlandi nú þegar fluttir á Landspítalann með þyrlum.

Og í fjölmörgum tilfellum eru sjúklingar á öðrum landsvæðum einnig fluttir þangað með þyrlum, auk allra þeirra sem sóttir eru af hafinu allt í kringum landið í alls kyns veðrum.

"Fastur kostnaður flugsviðs Landhelgisgæslunnar er um 80-85% af árlegum rekstrarkostnaði sviðsins og að mestu óháður því hversu margar flugstundir loftfaranna eru.

Það þýðir meðal annars að fækkun eða fjölgun flugtímanna fer ekki að hafa áhrif fyrr en hún er orðin veruleg."

Ársskýrsla Landhelgisgæslunnar 2003, bls. 9-10

Steini Briem, 14.11.2013

[ls (IP-tala skráð) 23.11.2016 kl. 09:26]

Vonadni hlífa flugfélagsmenn farþegum við óþarfa aðflugstitringi við Hvassahraunið meðan þeir eru að mæla, en það er ástæða til að taka undir með Ómari að þeir verða að mæla aðflug að Reykjavíkurflugvelli á sama tíma til að geta borið almennilega saman.

[Brassi briem (IP-tala skráð) 23.11.2016 kl. 14:46]

4 ban­an­ar, vel þroskaðir 
1 bolli dökkt súkkulaði
1-2 msk. hnetu­smjör 
1/​2 bolli hnet­ur, saxaðar, – má nota kó­kos, mús­lí eða annað 

Skerið ban­ana í tvennt og end­ana af. Stingið íspinna­spýtu ofan í hvorn hluta.

Frystið hlut­ana í 35 mín­út­ur að lág­marki til að auðveld­ara sé að súkkulaðihjúpa þá. Vatn og súkkulaði eru óvin­ir og því er best að ban­an­inn sem er vatns­mik­ill ávöxt­ur sé fros­inn.

Bræðið súkkulaði og hnetu­smjörið sam­an. 

Dýfið ban­anapinn­un­um ofan í súkkulaðið og hyljið þá vel.

Veltið pinn­un­um upp úr hnet­um og frystið aft­ur. Gætið þess að setja bök­un­ar­papp­ír und­ir pinn­ana áður en þeir eru fryst­ir.

[Sigurdur Hjaltested (IP-tala skráð) 23.11.2016 kl. 16:08]

Brassi er med thetta.

Gód uppskrift.

[Ómar Ragnarsson, 23.11.2016 kl. 17:16]

Í hundraðasta og eitthvað skiptið er mokað hér inn á síðun 18 athugasemdum, sem eru tuttugu sinnum lengri en pistillinn minn, koma efni hans ekkert við og sumt af því hreint bull eins og að miðja byggðar á höfuðborgarsvæðinu sé við Klambratún á sama tíma og um um það bil 40 þúsund manns búa fyrir vestan túnið en 160 þúsund austan þess. 

Í pistlinum, sem er mjög stuttur, er aðeins talað um það hvernig best yrði staðið að mælingum vegna flugskilyrða við Hvassahraun, - ekkert annað en þetta flugtæknilega og mælingartæknilega atriði. 

Í athugasemdunum 18 er ekki minnst á þetta atriði. 

Lesendur síðu minnar eru búnar að kvarta margsinnis yfir þessu hér á síðunni án nokkurs sýnilegs árangurs, heldur fer þetta versnandi ef eitthvað er.  

Þetta gengur ekki lengur. 

Hér er því síðasta aðvörun. Ef þetta gerist einu sinni enn á þennan grófa hátt, mun ég neyðast til að þurrka það út.  

[Sigurdur Hjaltested (IP-tala skráð) 23.11.2016 kl. 18:43]

Flottur Ómar.:)

[Hallgrímur Hrafn Gíslason, 23.11.2016 kl. 19:54]

Kæri Ómar, er ekki hægt að stilla bloggið þannig að þegar Steini Briem bloggar hér inn komi tilvísun inn á hans blogg, þannig að þeir sem eru áhugamenn um copy paste geti farið inn á hans blogg

[Hallur (IP-tala skráð) 23.11.2016 kl. 20:06]

Er Steini ekki bummerang

[Matthias Arngrimsson (IP-tala skráð) 23.11.2016 kl. 20:49]

Skarplega athugað Ómar.  Mér skilst einnig að vaninn sé þegar ný flugvallarstæði eru könnuð þá séu gerðar veðurrannsóknir á mismunandi stöðum við svæðið í 3-5 ár.  Held að sjúklingar í sjúkraflugi geti ekki beðið svo lengi.  Myndi annars hafa litlar áhyggjur af Steina Briem. Við erum löngu hættir að lesa hans athugasemdir, en verst hvað maður þreytist í puttanum við að rúlla yfir hann ;-)

[Ómar Ragnarsson, 23.11.2016 kl. 22:29]

Í gær hrósaði ég Steina fyrir þarfar, hóflegar og málefnalegar upplýsingar sem hann veitti í sambandi við einn pistil minn.

En þegar svo er komið að lesendur þessarar síðu eru orðnir næstum sjálfvirkir við það að rúlla yfir athugasemdir hans ætti það að vera honum ljóst, að hann og síðan tapa við það að þessi viðbrögð lesendanna séu orðin algeng. 

Ég tel það ekki neina árás á þátttöku hans hér á síðunni þótt ég grisji frá risavaxna copy-paste hauga af athugasemdum hans, þegar koma umræðuefninu ekki við, heldur lít ég á hlutverk mitt þannig, að það líkist hlutverki próarkalesara hjá bókaútgefanda. 

Því að það að halda úti svona síðu er svipað og hjá bókaútgefanda. 

[Frosti Heimisson, 24.11.2016 kl. 15:04]

I guðs bænum hentu Steina út. Maður missir allan þráð þegar maður reynir að lesa í gegnum þetta án þess að lesa copy/paste-ið hans. Menn kunna alveg á Google. 

[Snorri (IP-tala skráð) 24.11.2016 kl. 15:38]

Hann er búinn að eyðileggja síðuna þína.  Svokallaður fylgifiskur og afæta.  Gjörsamlega óþolandi.  Ekkert mál að blokkera hann.  Problem solved!

[Helgi Jónsson (IP-tala skráð) 24.11.2016 kl. 16:17]

Ég veit ekki Ómar, mér finnst Steini vera mjög málefnalegur og þetta með hraðlestina styð ég heilshugar.

[Gunnar Th. Gunnarsson, 24.11.2016 kl. 21:21]

Mjög margt af því sem þú bloggar Ómar, finnst mér mjög áhugavert og að sama skapi áhugavert að sjá athugasemdirnar. Athugasemdir Steina eru hins vegar ekkert annað en sóða og subbuskapur í athugasemdarkerfinu og ég hverf á braut og nenni ekki að rúlla niður þessa vitkeysu. Skruntakkinn á músinni minni ofhitnar þegar Steini er í stuði.