Hvert ætlaði ökumaðurinn að forða slysinu?

"Fram, fram, fylking, / forðum okkur hættum frá..." var stundum sungið hér í gamla daga. 

Við sungum að sjálfsögðu ekki: "Fram, fram, fylking, / forðum hættum okkur frá..."

Nú sér maður í frétt að ökumaður hafi ætlað að forða slysi. 

Í söngnum í gamla daga var sungið um að að við ætluðum að forða okkur frá hættum. 

En í umræddri frétt er sungið um að forða slysinu frá einhverju, sem ekki er nákvæmlega tilgreint. 

En nefndur er ljósastaur, og þar með virðist ökumaðurinn hafa ætlað að forða slysinu frá staurnum og láta það gerast annars staðar.  

Ökumaðurinn hafi sem sagt ekki ætlað að forðast slysið eða afstýra slysi, heldur forða slysinu frá sér. Sem þýðir samkvæmt orðanna hljóðan að hann ætlaði ekki að koma í veg fyrir slysið, heldur færa það til og láta það gerast annars staðar. 

Að forða slysi frá einhverju getur varla verið annað en bull, fullkomlega órökrétt. 

Þessi pistill er skrifaður til þess að hægt sé að forðast mistök á borð við umrædda setningu. 

Hann er ekki skrifaður um það að forða mistökunum, - forða mistökunum frá einhverju. 

Nema þá að segja hvert eigi að forða þeim og hver eigi þá að sjá um að þau gerist.  

 

Ætlaði að forða slysi en valt

Athugasemdir

[Þorsteinn Briem, 22.11.2016 kl. 21:56]

Hvaðan er leikurinn Fram, fram fylking upprunninn og textinn sem sunginn er í leiknum? - Vísindavefurinn

[Þorsteinn Briem, 22.11.2016 kl. 23:41]

Held að Davíð Oddsson ætti að lesa Moggann.

"Fjár­magns­flutn­ing­arn­ir fara oft fram und­ir fölsku yf­ir­skini, t.d. sem launa­greiðslur, og þannig halda þess­ir milli­gönguaðilar stund­um hluta fés­ins eft­ir fyr­ir sig."

Hvers vegna þá ekki "fésmagnsflutningarnir"?!

[Ómar Ragnarsson, 23.11.2016 kl. 05:56]

Maður missir nú bara fésið við að sjá svona lagað.