Íslands þúsund ár

22.12.2016 | 09:40

"Þegar jörðin þiðnar..."

Rússneska máltækið "þegar jörðin þiðnar koma ormarnir upp" sannast enn og aftur á svonefndum samfélagsmiðlum.

Þegar netið og netmiðlarnir komu til sögunnar, auk möguleikans til að senda smáskilaboð, varð til dásamlegur og þarfur vettvangur fyrir aukin ættar-, vina- og fjölskyldutengsl.

En því miður fann þar einnig farveg fólk, sem nærist á alveg sérstaklega illskeyttum svívirðingum og árásum úr launsátri, nær alltaf undir nafnleynd.

Þetta er nýr veruleiki, sem við verðum að horfast í augu við og takast á við.

Sem betur fer vega kostir netsins og miðlanna enn sem komið er þyngra en gallarnir.

	Hvattur til að fyrirfara sér
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 09:50 | Facebook

Athugasemdir

Þegar þessu liði er svarað í sömu mynt, til að mynda þessum "Þorvaldi S", ganga þeir af göflunum og best að láta þessi ummæli þeirra eiga sig.

Eða þá eyða þeim ef hægt er og kæra til lögreglu ef menn nenna að standa í því, til að mynda sífelldar árásir brjálæðingsins Jóns Vals Jenssonar.

Þorsteinn Briem, 22.12.2016 kl. 10:32

Ég er svo bjartsýnn að ég vona að flestir sem senda svona telji sig vera að grínast með einhverjum hætti.

Sumt grín er bara þannig að það þarf að vera öruggt að allir sem heyri viti að það er grín og betra ef flestum þyki fyndið. Sé það ekki alveg öruggt er það í besta falli ljótt, getur orðið stórhættulegt.

ls (IP-tala skráð) 22.12.2016 kl. 11:37

Þegar jörðin þiðnar koma ormarnir upp. Þegar spillingin eykst og um leið ójöfnuður og óréttlæti koma ormarnir upp. Þegar bigotry eykst og um leið hatursorðræða í garð minnihlutahópa, flóttafólks og þeirra sem eiga bágt koma ormarnir upp. Þegar narzissmus kapítalismans eykst, þegar markmið lífsins er að græða og grilla koma ormarnir upp.

Haukur Kristinsson (IP-tala skráð) 22.12.2016 kl. 12:50