Uppgjöf fyrir áskorun 21. aldarinnar.

Það hefur löngum loðað við okkur Íslendinga að okkur lætur ágætlega að búa til eitthvað nýtt en er gjarnt að gleyma því að það kostar fé að reka og viðhalda eignum, hvort sem það eru bílar eða hús. 

Þegar á að fara í einhverja ferð á bíl, til dæmis að skreppa fram og til baka milli Akureyrar og Reykjavíkur, er eldsneytiskostnaðurinn oftast einn tekinn með í reikninginn og sagt til dæmis, að ferðin á bílnum kosti um 15 þúsund krónur og að með því sparist meira en helmingur, miðað við að fara í áætlunarflugvél. 

Þetta er hugsun frá degi til dags, sem stenst ekki þegar dæmið er gert upp til fulls, því að vitað er að hlaupandi viðhalds-, viðgerðar- og slitkostnaður að viðbættu verðfalli á bílnum vegna aksturs er enn meiri en eldsneytiskostnaðurinn.

Þegar mun meiri ferðatími er tekinn með í dæmið verður tap á bílferðinni. 

Og þá er enn eftir að gera ráð fyrir fastakostnaði, svo sem tryggingum og afskriftum vegna aldurs bílsins. 

Þegar öllu er saman haldið verður umræddur ferðakostnaður ekki um 15 þúsund krónur, heldur minnst 80 þúsund krónur og ferðin orðin miklu dýrari en ef flogið væri, jafnvel þrefalt dýrari ef vinnutap er tekið með í reikninginn. 

Nákvæmlega sama hefur verið að gerast á Landsspítalanum í hálfa öld. Ekkert fyrirbyggjandi viðhald í gangi, heldur skyndireddingar og bráðabirgðaviðgerðir, og skemmdirnar vaxa stundum með veldishraða aðgerðarleysið er algert í of langan tíma. 

Ég bað Ragnar, son minn, sem er byggingafræðingur með skemmdir og viðhald húsa sem sérgrein, að líta á mbl.is greinina og segir hann greinina vel unna. 

Gróflega reiknað hefði með því að byrja fyrir 15-25 árum að leggja minnst 300 milljónir króna árlega inn á sérstakan reikning sem fyrirbyggjandi viðhald og tilfallandi viðhald væri kostað af, verið hægt að koma í veg uppsafnað ófremdarástand af því tagi sem nú blasir við.  

Þessi hrikalega reynsla veldur síðan því að ályktað er sem svo, að fyrst ekki gekk betur í þessum bútasaumi og plástraviðhaldi en raun ber vitn, muni ganga enn verr ef farið verði í að reisa nýjan spítala frá grunni.  

Með svona röksemdafærslu er hringnum lokað og girt fyrir að hægt sé að takast af nokkru viti á við eina af helstu áskorunum og viðfangsefnum 21. aldarinnar að hafa hér heilbrigðiskerfi sem standist samanburð við kerfið hjá þjóðum, sem keppa við okkur um mannauð. 

Áskorunin er þeim mun brýnni, að samfelld og mikil fjölgun aldraðra er þegar í gangi og blasir við framundan, þannig að það eitt kallar á aðgerðir sem standi undir nafni. 

P. S. Í athugasemd við pistilinn er því haldið fram að nýr spítali gæti ekki orðin ein bygging. Það vill svo til að ég skoðaði Landsspítalann í Osló 2005 og hann er ein bygging, sem liggur í stórum boga utan um aðkeyrsluna eins og sést á meðfylgjandi mynd. 

Inni í hluta af spítalanum liggur gangur, sem líkist göngugötu í borg, þar sem sjúkrastofur og fleira eru báðar hendur. 

Raki, mygla og yfirgefin hús

Athugasemdir

[Gunnar Rögnvaldsson, 1.1.2017 kl. 23:29]

Gleðilegt nýtt ár Ómar.

Þegar þú í síbylju talar um "okkur Íslendinga" þá veistu vel að það getur aðeins að staðið fyrir eigin reikning. Þinn reikning. Enginn einn maður getur sífellt talað um "okkur Íslendinga".

Þessar myndir gætu verið úr næstum hvaða barnaskóla sem er á Norðurlöndum. Og þær gætu einnig verið frá næstum hvaða sjúkrahúsi sem er á Norðurlöndum og víðar. Myndirnar segja lítið um heilbrigðiskerfið, frekar en blóðsull á skurðarborðum. Það er lítið að heilbrigðiskerfi okkar annað en sósíalismi. Og jafnvel hann má lækna.

Kveðjur

[Þorsteinn Briem, 2.1.2017 kl. 00:00]

Hluti af byggingunum sem nú eru á Landspítalalóðinni við Hringbraut verður rifinn.

Nýtt sjúkrahús á höfuðborgarsvæðinu á öðrum stað en við Hringbrautina yrði ekki einungis eitt hús byggt í einum áfanga frekar en nýbyggingar Landspítalans við Hringbraut.

[Ómar Ragnarsson, 2.1.2017 kl. 01:32]

Þegar læknaliðið verður veikt vegna myglu og húsaskemmda er þetta ekki boðlegt. 

Pistillinn fjallar reyndar um að það sé ódýrara og hagkvæmara að standa jafnóðum að nauðsynlegu viðhaldi í stað þess að vera að gera þetta að öllu leyti dýrara og verra með því að bregðast aldrei við fyrr en allt er komið í óefni. 

Ég sé engan skammarlegan sósíalisma í því að stunda eðlilegt viðhald á eigum fólks. 

En hér að ofan virðist því haldið fram að hægt sé leggja niður allt viðhald. 

Sjúkrahúsið í Osló er ein bygging en ekki margar. 

[Gunnar Rögnvaldsson, 2.1.2017 kl. 05:10]

Nei Ómar.

Hér að ofan var þér sagt að þú getur ekki talað í síbylju um "okkur Íslendinga" í þínu nafni. Ég er ekki þjóðnýttur enn og neita að skrifa undir "okkur" hjá þér.

Það er einmitt svona sem fer fyrir því sem enginn á. Svona fer fyrir því sem sett er í þjóðareign, sem er þitt helsta baráttumál. En gjörðu svo vel. Þú átt þessar byggingar. Til hamingju með það. 

En ég minni á að byggingar eru ekki heilbrigðiskerfið.

Og þegar um opinbera starfsmenn er að ræða þá geta þeir bara gert tvennt þegar þeim finnst hlutirnir ekki nógu góðir eða eru uggandi um stöðu sína: 1) kvarta fyrirfram og í síbylju undan of miklu álagi til að koma í veg fyrir að þeim sé sagt upp þegar það þarf að laga reksturinn til, eða að melda sig veika. 

Hér á Íslandi er rekið heilbrigðiseftirlit, vinnueftirlit og allskonar eftirlit. Varla eru þessar byggingar undanþegnar því eftirliti. 

Afsakaðu að ég skuli ekki taka undir sönginn um "ónýta Ísland" og "ónýta heilbrigðiskerfið". Ég geri það nefnilega ekki, vegna þess að það er alger þvættingur að heilbrigðiskerfi Íslendinga sé lélegt. Og ég þori vel að fullyrða að ástand opinberra bygginga er síst verra hér en á Niðurlöndum sósíalismans. Þar eru hlutirnir í miklu verra ástandi og niðurslitnari enda er sósíalisminn þar meiri og sterkari.

Kveðjur

[Elín Sigurðardóttir (IP-tala skráð) 2.1.2017 kl. 06:45]

Raki og mygla er ekkert í samanburði við unga fólkið sem er að hrynja niður vegna misnotkunar lyfja allt í kringum okkur.  Ég vil ekki halda uppi heilbrigðiskerfi sem skilar af sér dauðum börnum.  Mig langar til að vekja athygli á viðtali við Þórarin Tyrfingsson í Reykjavík síðdegis á Bylgjunni 29. desember sl. þar sem hann fjallar um akkúrat þetta - dauð ungmenni.  

http://www.visir.is/section/MEDIA98&fileid=CLP51131

[kristinn geir steindórsson briem (IP-tala skráð) 2.1.2017 kl. 06:49]

mest af byggíngum landspítalands muna standa samhvæmt áætlinum. nú hef ég ekki sé þessar kosnaðaráætlanirþ það er ekki okkar sterkasta hlið að gera kosnaðaráætlanir. mindi ætla að viðhaldskosnaður muni fara 30-50%. framúr kosnaðaráætlun. það væri hægt að kaupa sjúkrahústeikníngar frá sambærilegum löndum mörg ný og flott sjúkrahús á öðrum norðurlöndum. hvernig menn ætla að koma öllum þessum fjölda starfsmana til og frá vinu tala ekki um ef borgarspítalinn verður seldur han er víst stæðsta seljanlega eign spítalans. það virðist ekki vera áhugi meðal meirihluta borgarstjórnar að bæta flæði umferðar á svæðinu. ef ný spítali verður reistur austarlega í borginni géta tómar stofnbrautir nýst betur 

[Elín Sigurðardóttir (IP-tala skráð) 2.1.2017 kl. 07:55]

Á meðan Landspítalinn lítur út eins og dópistabæli þá vill landlæknir loka Kumbaravogi.  Hvaða grín er það?

http://www.mbl.is/frettir/innlent/2016/12/29/kumbaravogi_verdur_lokad/

[Ómar Ragnarsson, 2.1.2017 kl. 11:57]

Greinilega er á ferðinni alveg nýr skilningur á hugtakinu sameign. Ég hef alltaf staðið í þeirri trú að í skilgreinginu á sameign væri ég í hópi annarra Íslendinga sem ættum öll saman eignir ríkisins.

En nú er ég sakaður um frekju með því að telja mig í hópi Íslendinga og sakaður um að vilja eiga Landsspítalann einn!  

Samkvæmt þessu má ég alls ekki segja "strákarnir okkar" um landsliðið. Nei, það telst vera frekja af minni hálfu og að í því felist að ég heimti að ráða einn öllu um þá. 

[Ragna Birgisdóttir, 2.1.2017 kl. 13:32]

Vonandi þurfa nokkrir hér að ofan ekki að nota læknisþjónustu og liggja síðan á göngum spítala umvafin myglu og skemmtilegheitum. Dettur einhverjum í hug nema kjánum að okkar fremstu læknar séu að koma fram með ástandið á Landsspítalanum í fjölmiðlum bara sér til yndis og ánægju? Þvílík forheimska.

[Elín Sigurðardóttir (IP-tala skráð) 2.1.2017 kl. 13:46]

Ég vil ekki eiga eða reka dópistabæli.  Þórarinn lítur á dópistana sem sína eign. Hann segir það sjálfur í viðtalinu.