Plús: Endurupptaka gerð möguleg. Mínus: Að taka mál Erlu ekki með.

Sambandið á milli ungrar konu og nýfædds barns er líklega dýpsta, tilfinnigaríkasta og viðkvæmasta samband á milli tveggja einstaklinga, sem hægt er að ímynda sér. 

Og aðeins konur geta vitnað um slíkt samband. 

Þótt ákvörðunin um að gera endurupptöku mögulega marki tímamót í íslenskri réttarfarssögu, er sá ljóður á, að mál Erlu Bolladóttur skuli ekki verða endurskoðað líka. 

Öll kurl eru ekki komin til grafar um svívirðilega meðferð hins karllæga lögregluríkis gagnvart Erlu, sem fylgt var eftir í gegnum alla rannsóknina og málsmeðferð fyrir dómstólum. 

Forsendurnar fyrir dómnum yfir henni á sínum tíma voru augljóslega rangar vegna þess hve málsmeðferðin öll var hræðileg frá upphafi og bjagaði alla möguleika til að leggja rétt mat á aðstæður hvers sakbornings fyrir sig, ekki síst Erlu. 

Farþegi í bíl sem ekið var á Guðmund

Athugasemdir

[Þorvaldur Sigurdsson (IP-tala skráð) 24.2.2017 kl. 20:00]

Orsök þess að Erla er ekki með er augljós og auðskilin. Hún var ekki dæmd fyrir aðild að hvarfi Geirfinns og Guðmundar.

[Þorsteinn Briem, 24.2.2017 kl. 20:04]

Í dag:

Gætu lagt úrskurðinn fyrir dómstóla

[Ómar Ragnarsson, 24.2.2017 kl. 20:23]

Þorvaldur, þetta er ekki næg ástæða, vegna þess að hún átti ekki aðild að málinu, en þurfti samt að sæta skelfilegri meðferð sem leiddi hana í ógöngur. 

[Þorvaldur S (IP-tala skráð) 24.2.2017 kl. 21:06]

Vissulega er það rétt, hún þurfti að sæta skelfilegri meðferð. En hér er tekist á um Guðmundar og Geirfinnsmál og annað ekki. Hún var sýknuð af þeim sakargiftum og þar með er því máli lokið. Póstávísanasvindlmál og mál um rangar sakargiftir voru ekki inni í þessu dæmi, enda blandast engum hugur um að þar átti hún hlut að máli.

[Þorvaldur S (IP-tala skráð) 24.2.2017 kl. 21:08]

Og ekki má heldur gleyma því að þessi úrskurður nefndarinnar er enginn fullnaðarsigur fyrir þá dæmdu. Hæstiréttur á eftir að heimila endurupptökuna og síðan að dæma í málinu, sýkna eða sakfella eftir atvikum.

[Anna Sigríður Guðmundsdóttir, 24.2.2017 kl. 22:52]

Sekt hönnuð en ekki sönnuð, með misbeitingar-valdakúgunar-aðferðum.

Nú er verið að hanna sekt á 20 ára grænlenskan útgerðar-þræl, sem er sagður sitja í fangelsi á Íslandi vegna gruns um morð? Sama gamla spillingar-lögmanna/dómara-hönnunin? 

Einangrunar-fangavist vegna hönnunar-gruns um morð? Og kona á Grænlandi, (sem ekki vill koma fram undir nafni?), er sögð hafa sakað sama mann um að hafa nauðgað sér fyrir 6 árum síðan? Þá var þessi Grænlenski útgerðarþræll 14 ára?

Morðvopnið er okkur sagt að sé ferskvatn, og dánarorsök drukknun?

Morð án sjónarvotta að morði? Ferskvatn sem olli drukknuninni er væntanlega án fingrafara?

Hönnuð sekt, en ekki sönnuð sekt.

Ísland er ekkert skárra í dag, tæpum 40 árum eftir þessi mannorðsmorð á varnarlausum ca. 20 ára ungmennum.

Allir eru saklausir af grun um morð, uns sekt um morðverknað er SÖNNUÐ!

Ísland er svartamarkaðs-dópsölu-millilöndunar-mafíu Eyja. Eyja án siðmenntaðra réttarfars-ráðandi lögmanna og embætta.

Það er ekki verkefni á ábyrgð Landsbjargar-yfirmanna á Íslandi, að safna lífsýnum fyrir Ameríska erfðagreiningar-glæpafyrirtækið. Það er misnotkun á traustu Landsbjargar liðsheildinni, að leggja slík pólitísk spillingarverk á herðar þessara virðingarverðu björgunarsveitanna dyggu félaga.

Glatað traust er erfitt að endurheimta. Höldum björgunarsveitunum utan við pólitíska verkefna-hönnunar-spillingu embættanna. Einhverju verður að vera hægt að treysta áfram, á eyjunni mannorðsmorða/embætta/sjóðaráns-spilltu.

M.b.kv.

[Guðmundur Bjarnason (IP-tala skráð) 24.2.2017 kl. 23:10]

Ákveðnir aðilar frábiðja sér umræðu um sjálfan sig.

Klúbb mennirnir fengu á sínum tíma bætur og vilja ekki ræða þetta mál frekar.

Hvað segir þetta okkur?

[Eyjólfur Jónsson, 26.2.2017 kl. 18:01]

Anna Sigríður, þú hefur þinn fasta vínkil til allra mála sem þú bloggar um. Þú tekur án undantekningar upp hanskan fyrir minnimáttar og eins þessa sem engin hjálpar til að verja og styðja, svo haltu þessu góða striki góðan.