Tómt prump. Djók.

Hér um árið var mælistöð fyrir loftmengun frá Grundartanga fyrir norðaustan staðinn, en norðaustanátt er mjög algeng og oft ríkjandi vindátt á langtímum saman á svæðinu. 

Að sjálfsögðu berst engin mengun á móti vindi, þannig að mælingar á mengun sem barst í átt til Akraness voru ekki framkvæmdar í raun ef þetta voru einu mælarnir. Mælingin var sem sagt tómt prump í þeirra orða fyllstu merkingu. 

Í ofanálag var mengunarvöldunum sjálfum falið að sjá um mælingarnar. 

Ef slíkt er talið sjálfsagt væri það gott skref í sparnaðarátt fyrir ríkið að bifreiðaeigendum sé sjálfum falið að mæla útblástur bíla sinna. 

Nú virðist stefna í það að enginn muni vita hvort yfirleitt kemur nein mengun frá verksmiðju United Silicon í Helguvík af því að mengunarmælingarnar hafi verið tómt prump. 

Það var sem sagt verið að mæla mengun á tímabili þegar ríkjandi vindátt stóð frá byggðinni og enginn möguleiki var á að mengun, sem kæmi frá verksmijunni gæti mælst í Keflavík. 

"Tómt prump" er hér notað sem viðeigandi orðalag þar til annað betra finnst. Kannski orðið djók, sem Jón Gnarr notaði stundum þegar hann var borgarstjóri í Reykjavík.  

Mistök í mælingum í Helguvík

Athugasemdir

[Hábeinn (IP-tala skráð) 30.3.2017 kl. 12:31]

Frá upphafi mælinga og kvartana hefur verið bent á það að lykt og mengun sem finnst þegar vindáttir standa að verksmiðjunni geti ekki verið frá henni. Andstæðingar verksmiðjunnar hafa gefið lítið fyrir þau rök að mengun og lykt berist ekki móti vindi og kvartað áfram hvernig sem vindátt var. Ofurmannlegt lyktnæmi hörðustu andstæðinga verksmiðjunnar hefur komið mörgum Keflvíkingum á óvart.

[Jón Steinar Ragnarsson, 30.3.2017 kl. 16:07]

Spurning hvort einhverjum hugnaðist sú snilld að setja mengunarmæla allan hringinn í stað þess að vera með einn áveðurs við "ríkjandi vindátt".

Lýðskrum náttúruverndar tekur á sig margar myndir. Nú eru þeir sem hæst tala um hana á þingi ábyrgir fyrir því að á hreina tæra íslandi, brennum við meira af kolum árlega en þegar kolakynding var almenn hér forðum daga.

Þegar skaðinn er skeður þá er biðröð í pontu alþingis til að lýsa heilagri hneykslan og sjálfshelgun, en ekki orð um lausnir eða stefnubreytingu. Þingsetan snýst jú orðið um egó þingmanna framar heill fjöldans.