Víða mesti hátíðisdagur ársins.

Sú var tíð að sjomannadagurinn í Vestmannaeyjum var jafnvel meiri hátíðisdagur en Þjóðhátíð Vestmannaeyja og víða um land var dagurinn mesti hátíðisdagurinn á þeim árum, sem vertíðinni lauk í maí og aflakóngar voru krýndir í framhaldinu á sjómannadaginn.

Þótt dagurinn sé á morgun, byrja hátíðahöldin víða á föstudag, eins og hér á Patreksfirði, þar sem við Helga erum stödd í dag og njótum góðs veðurs og hátíðarstemmingar. 

Myndin er tekin nú rétt í þessu af hluta gesta á útskemmtun á íþróttavellinum, sem er rétt við höfnina og árnaðaróskir færðar þeim, sem geta glaðst yfir góðum skerf til þjóðarbúsins eitt árið enn. 

 

Enginn Hafnarfjörður án hafnarinnar