"Rauða bókin" í staðinn fyrir "bláu bókina"?

Sú var tíðin á áratugum saman hér í den, að fyrir kosningar var á dagskrá borgarmeirihlutans "bæklingur, sem dreift var inn á öll heimili í Reykjavík" eins og það er orðað í tengdri frétt á mbl.is. 

Á timum langs tímabils bæjarstjórnar- og síðar borgarstjórnarmeirihluta Sjálfstæðisflokksins var hinni umdeildu "bláu bók" dreift og olli ævinlega miklum deilum og umtali. 

Á þeim tímum voru engar bitastæðar skoðanakannanir gerðar þannig að aldrei kom fram hvaða viðhorf Reykvíkingar höfðu til þessarar veglegu útgáfu né heldur hvaða áhrif útgáfa "bláu bókarinnar" hafði á það hvernig fólk kaus. 

Nú má sjá svipaða umræðu um bæklinginn um húsnæðismál, sem dreift var í morgun, og um bláu bókina á sínum tíma. 

Deilt er á það að útgáfan skuli vera nálægt kosningum. En dæmið hefur snúist við: Sjálfstæðismenn eru núna í minnihlutanum en vinstri flokkar í meirihluta, en þetta var öfugt lungann af 20. öldinni.  

Segja meirihlutann misnota aðstöðu sína

Athugasemdir

[Þorsteinn Briem, 17.10.2017 kl. 22:46]

Dagur B. Eggertsson borgarstjóri síðastliðinn föstudag:

"Við erum stödd í stærsta uppbyggingarskeiði í Reykjavík frá upphafi.

Mikil þörf er á íbúðabyggingum til að mæta aukinni þörf fyrir húsnæði í höfuðborginni en lykilatriði í þeirri uppbyggingu sem nú stendur yfir er samvinna við traust leigu- og búseturéttarfélög sem rekin eru án hagnaðarsjónarmiða.

Þessi félög hafa fjárhagslega burði til að fara í uppbyggingu, enda stefnum við á að 2.500-3.000 leigu- og búseturéttaríbúðir fari af stað á árunum 2014-2019."

Nú þegar liggja fyrir staðfest áform um 4.145 íbúðir með þessum félögum:

1.000 íbúðir í samstarfi við verkalýðshreyfinguna, 1.340 námsmannaíbúðir, 470 búseturéttaríbúðir, um 450 íbúðir fyrir eldri borgara, 135 hjúkrunarrými, 110 sértæk búsetuúrræði og um 640 félagslegar íbúðir.

Allt um þetta hér.

[Ófeigur Örlygsson (IP-tala skráð) 17.10.2017 kl. 23:08]

Vonnandi fellur vinstrimeirihlutinn í borginni næsta vor.
Þessi þéttingarstefna bitnar á lífsgæðum og fækkar grænum svæðum.

Því má t.d. ekki Vatnsmýri veri óbyggð og ósnortin?

Í Vatnsmýrinni er t.d. einstök náttúra, dýra og fuglalíf inn í miðri borg.

Öll þessi þéttingarstefna hefur gert aðgengi að borginni verri, meiri umferðartafir og verri samgöngur.

Það er eins og meirihlutinn, sem reyndar býr svo til allur í 101, vilji gera borgina að sínum einkagarði og dreymi um að gera Reykjavík a lítilli New York, sem nota bena gerir það að verkum að borgin er búinn að missa öll sín séreinkenni og sjarma.