Hvernig gat þessi maður komist þangað sem hann er kominn?

Ofangreind spurning á mjög líklega eftir að vefjast fyrir sagnfræðingum framtíðarinnar varðandi það að Donald Trump skyldi "afreka" það að verða forseti Bandaríkjanna. 

Nú er hann  búinn að vera í níu mánuði í embætti og listinn yfir uppákomur af öllu mögulegu tagi hjá honum lengist og lengist stanslaust, 

Og miðað við svo margt af því sem safnast á þennan lista virðist lítil von til þess að þessu muni linna. 

Trump grætti ekkju hermanns

Athugasemdir

[Haukur Kristinsson (IP-tala skráð) 18.10.2017 kl. 14:18]

Á líka eftir að vefjast fyrir íslenskum sagnfræðingum framtíðarinnar hvernig ómenntaður krakki á fimmtugsaldri gat orðið forsætisráðherra Íslands.

[Hörður Þormar (IP-tala skráð) 18.10.2017 kl. 14:38]

Það ætti að setja það sem skilyrði í næstu stjórnarskrá að þeir séu a.m.k. doktorar.

[Kolbrún Hilmars, 18.10.2017 kl. 15:09]

Nærtækasta skýringin hlýtur að vera sú að kjósendur vildu "eitthvað annað".

[Ómar Ragnarsson, 18.10.2017 kl. 19:37]

Líklega mikið til í þessu, Kolbrún. Einn stærsti galli lýðræðisins í Bandaríkjunum hefur verið spilling þingmanna og óheftur aðgangur auðmanna og valdahópa til þess að hafa áhrif á þingmenn með gríðarlegum fjáraustri til þeirra. 

Eitt af því sem Trump lagði á borð fyrir kjósendur var að það þyrfti að rísa gegn þessu og mótframbjóðandi hans virtist ekki vera neitt á þeim buxum að gera það. 

Hið hlálega var að Trump, sem sjálfur er spilltur og hefur löngum minnt á máltækið um að margur verði af aurum api, skyldi verða sá frambjóðandi sem gaf stærstu loforðin í þessu efni. 

[Þjóðólfur á Kamri (IP-tala skráð) 18.10.2017 kl. 20:22]

Mér varð á mörg verri skyssa,

verði þeim að því að flissa,

ég lét leið og lönd,

að lauma lúku í hönd,

og leiddi mig sjálfan að pissa....

 

http://www.mbl.is/frettir/innlent/2017/10/18/sigmundur_thurfti_a_salernid/