Hver verður fyrst, Hekla, Grímsvötn, Bárðarbunga, Öræfajökull eða Katla?

Minnsta kosti fimm eldstöðvum á Íslandi sem taldar eru upp hér að ofan er "að verða mál" og gæti til dæmis Hekla gosið hvenær sem er með aðeins klukkustundar fyrirvara að dómi vísindamanna. 

Grímsvötn eru virkasta eldfjall Íslands, gusu 1998, 2004 og 2011 og klukkan tifar. 

Bárðarbunga virðist vera í undirbúningsfasa undir næsta gos á eftir Holuhraunsgosinu og vaxandi jarðhiti er farinn að brjóta bráðnunarvatni farveg í gusum undir Dyngjujökul. 

1999 til 2010 bættist Eyjafjallajökull í hóp eldfjalla í ham, en yfirleitt hefur verið langt á milli eldgosa í því fjalli svo að honum er "ekki mál" að því er virðist. 

Og nú minnir aukin leiðni í Múlakvísl á einhvern lengsta óvissu- og meðgöngutíma eldfjalls hér á landi, þar sem er Katla. 

Hugsanlega varð smágos í henni 1955 sem setti mikið hlaup í Múakvísl og hefur kannski lengt biðtímann eftir henni eitthvað. 

En á næsta ári verður öld frá Kötlugosinu 1918 og sú gamla gæti alveg tekið upp á því að stela "sjóinu" frá öllum hinum eldfjölunum og aldarafmæli fullveldisins og frostavetrarins mikla 1918 með því að gjósa hressilega og hrella miklu fleiri en 1918 þegar engin flugvél hafði enn flogið á Íslandi. 

Lyktin finnst enn við Öræfajökul

Athugasemdir

[B.N. (IP-tala skráð) 17.11.2017 kl. 20:53]

Ómar hvað með Kverkfjöllin er ekki komin tími á þau ?

Baldvin Nielsen

[Ómar Ragnarsson, 17.11.2017 kl. 23:04]

Nei, það er ekki svo að sjá. Stærð þeirra bendir til að þau hafi verið mikilvirk fyrrum, en vegna þess hve afskekkt þau eru, er lítið vitað um virkni þeirra á sögulegum tíma. 

[Hábeinn (IP-tala skráð) 18.11.2017 kl. 00:37]

Hvaða eldgos stóðst síðast excel æfingar sófajarðfræðinga með skeiðklukku? Af hverju komu Surtsey, Vestmannaeyjar, Gjálp, Holuhraun, Fimmvörðuháls, Eyjafjallajökull o.fl. ykkur sérfræðingum í næsta gosi á óvart? Getur verið að kaffikorgur og kindagarnir dugi eins vel til að spá til um næsta gos og dagatalning?

[Þorsteinn Briem, 19.11.2017 kl. 17:19]