Íslendingurinn: Verður að láta á það reyna. "Vaskur maður er..."

Nú eru komnir nokkrir dagar síðan það var gefið út og birt í fjölmiðlum, að óveður myndi skella á í gærkvöldi og að fjallvegir yrðu ófærir. 

Hert var á þessu eftir því sem nær leið og marg ítrekað að leiðinni austur fyrir fjall yrði lokað um kvöldmatarleytið. 

En það er landlægt hjá okkur, að taka sem minnst mark á svona löguðu og "láta á það reyna." 

Og fyrir bragðið þurfti að kalla út björgunarsveitir til þess að bjarga á annað hundrað bílum, sem sátu fastir. 

Þeim, sem lentu í þessum hremmingum er hugsanlega bara létt ef marka má upphaflegu hugsunina því að þeim varð að ósk sinni að æða af stað í anda textans um Sigurð sjómann, "virðir hvorki boð né bönn, / vaskur maður er..." eða hvernig það hljóðaði nú nákvæmlega. 

En lýsir fyrirbrigðinu vel. 

Hitt er hins vegar óvíst hvort allt björgunarsveitarfólkið, sem þurfti að berjast tímum saman við að bjarga þessu hreystifólki er jafn ánægt með þetta fjöldatiltæki.  

Rúmlega hundrað bílar sitja fastir

Athugasemdir

[Ragna Birgisdóttir, 2.2.2018 kl. 11:45]

Auðvitað á að sekta þetta lið duglega sem hunsar viðvaranir og lokanir.Algörlega með ólíkindum hvernig fólk með frekju og yfirgangi reynir að ganga eins langt og það kemst þrátt fyrir viðvaranir yfirvalda. Maður á ekki orð.

[Guðmundur Jónsson, 2.2.2018 kl. 17:41]

Þetta er heimatilbúinn vandi. Hellisheiði er búínn að vera lokuð í blíðu og góðri færð í marga daga á þessum vetri og þau sem nota þennan veg regglulega eru því hætt að taka marka á lokunum.

Það var sennilega ástæða til að loka í gær en þá var það gert of seint og með því að snúa öllum við á Sandskeiði sem aftur olli umferða teppu á bakaleiðinni og flestir sem sátu fastir voru í reynd fastri vegna þess að umferðin tvöfaldaðist á suðurleiðinni eins margoft hefur gerst áður.