Misjafnir tossalistar. Fjölga byssum til að minnka dráp með þeim?

Svonefndir tossalistar segja misjafnar sögur af þeim sem nota þá. Vafasamt er að tossalisti Trumps á fundi með eftirlifendum skotárásarinnar hafi orðið honum til framdráttar, vegna þess hvert innihald hans var. 

Og merkilegt er að forsetinn skyldi snúa listanum að viðstöddum og þeim myndavélum, sem voru á staðnum, en ekki að sjálfum sér. 

Sýnir merkilega sjálfhverfu að því leyti, að engu er líkara en að hann hafi haldið, að af því að hann sá ekki hvað stóð á honum, myndi listinn koma betur út fyrir hann en ella, en í staðinn gaf hann færi á að flestir aðrir en hann sæu hann og undruðust, hvað á honum stóð. 

Tossalistar hjá Bandaríkjaforsetum er svosem ekki nýtt fyrirbrigði. 

Þekkt varð það, þegar aðstoðarmenn gaukuðu litlum miða að Ronald Reagan Bandaríkjaforseta, þegar hann var í kvöldverðarboði hjá Íslendingum, en á þeim miða stóð að hann ætti ekki að gleyma loftferðasamningum BNA og Íslands og ívilnunum Kana varðandi Icelandair. 

Þetta misheppnaðist alveg. Reagan skildi hvorki upp né niður í því sem stóð á miðanum, enda kom síðar í ljós að hann var kominn með fyrstu einkenni Alzheimerssjúkdómsins sem varð honum síður að aldurtila. 

Það er táknrænt fyrir stefnu meirihluta á Bandaríkjaþingi og Donalds Trumps, að koma fram með tillögur um að vopna bandaríska kennara, en einmitt það mun að sjálfsögðu stórauka sölu á skotvopnum vestra og gagnast þeim, sem bera fé á bandaríska þingmenn með himinháum styrkjum til þess að fá þá til að ganga erinda byssuframleiðenda. 

 

Tossalisti Trumps vekur athygli

Athugasemdir

[Húsari. (IP-tala skráð) 22.2.2018 kl. 23:36]

Sæll Ómar.

Auðvitað vekur það furðu að Trump skuli
ekki bíða eftir því að allir skólanemar
verði komnir undir græna torfu og helst
að öll skólahús hafi verið sprengd í loft upp
áður en gripið er til aðgerða.

Einar átján árásir frá áramótum og þarf auðvitað
að bregðast við slíku.

Það kann Trump öðrum betur, talar það mál sem þeir skilja
sem að baki slíku athæfi standa og tekur síðan á málum 
af festu og öryggi.

Í pólitísku skæklatogi geta menn svo teygt þetta út og suður
en einkennilegt er það að það skuli skipta meira máli en
öll þau mannslíf sem í húfi eru.