Íslands þúsund ár

27.3.2018 | 13:13

Sérstaða Íslands frá 1949.

Við inngöngu Íslands í NATO 30. mars 1949 fengu vitrir ráðamenn því framgengt að sá fyrirvari væri bókaður um inngöngu í NATO að Íslendingar hefðu sjálfir engan her og myndu ekki hafa.

Í frumvarpi stjórnlagaráðs segir í 31. grein: "Herskyldu má aldrei í lög leiða."

Ákvæðið um sérstöðu Íslands í NATO helgaðist af smæð þjóðarinnar. Norðurlandaþjóðirnar eru 15 til 20 sinnum fjölmennari hver þjóð en Íslendingar og stóru Evrópuþjóðirnar í kringum 150 til 250 sinnum fjölmennari.

Mikilsvert er að athuga þetta vel þegar gengist er undir alþjóðlegar skuldbindingar og þess vegna er gott að sérstöðunni sé haldið vel til haga varðandi aðgerðir gegn rússneskum yfirvöldum.

Því að sem dæmi um óhagkvæmni smæðarinnar má nefna hve herfilega við fórum út úr því að taka skilyrðislaust þátt í refsiaðgerðum gegn Rússum vegna innlimunar Krím.

Hlutfallslegt tjón okkar miðað við aðrar þátttökuþjóðir í þessum aðgerðum varð margfalt meira, ekki hvað síst vegna þess, að þegar valinn var gildissvið aðgerðanna, gátu áhrifamestu þjóðirnar haft áhrif á útfærsluna til þess að lágmarka fórnir sínar.

	Taka mið af stærð Íslands
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

"Frontex helps border authorities from different EU countries work together."

"The agency was set up in 2004 to reinforce and streamline cooperation between national border authorities.

In pursuit of this goal, Frontex has several operational areas which are defined in the founding Frontex Regulation and a subsequent amendment."

Frontex - Mission and Tasks

"Landhelgisgæslan tekur þátt í Frontex-verkefninu í gegnum Schengen-samstarfið en tuttugu og fimm Evrópuríki eru fullir þátttakendur þess.

Kjarni Schengen-samstarfsins felst í annars vegar að tryggja frjálsa för einstaklinga um innri landamæri samstarfsríkjanna og hins vegar að styrkja baráttuna gegn alþjóðlegri afbrotastarfsemi."

Fulltrúar Landhelgisgæslunnar í stjórnstöð Frontex

Þorsteinn Briem, 27.3.2018 kl. 14:59

Þú eyðir hér athugasemd sem ekki hefur birst áður og allir eru búnir að lesa í dag en skilur eftir athugasemd sem hefur birst áður, Ómar Ragnarsson.

Ég get ekki annað en hlegið að öllu þessu rugli í þér, aumingja karlinn.

Þorsteinn Briem, 28.3.2018 kl. 00:00

Er nú mælirinn ekki skekinn, troðinn og fleytifullur?

Þorvaldur S (IP-tala skráð) 28.3.2018 kl. 08:32

Jú, Þorvaldur, þetta er spurningin hvort farið er að reglum um bloggsíður eða ekki.

Ég þekki engan bloggsíðuhöfund sem hefur látið annað eins yfir sig ganga árum saman og þessi bloggsíða hefur mátt þola.

Steini telur reglur um bloggsíður ekki eiga við sig, heldur sé hans ritstjórnarvaldið í einu og öllu.

Þegar ég tilgreini hvað ég fari fram á við gesti mína, hælist hann um að ég skuli ekki vilja eyða því sem eftir er ævinnar í að sitja yfir blogginu mínu dag og nótt til þess að reyna að stöðva.

Í ofanálag bætir hann í ef eitthvað er af yfirgangi sínum.

Nú neyðist ég til að loka á hann á þessari síðu.

Og vegna viðbragða hans síðast, í fyrrasumar, er ég aðeins að tala um þessa einu bloggsíðu mína, - aðrar koma mér ekki við og hann hlýtur að vera ánægður með það, eins slæm eins og skilja má á honum að honum að mín bloggsíða sé.

Hann hefur væntanlega aðgang áfram að tugum annarra bloggsíðna að ekki sé nú talað um að hann opni eigin síðu sem mun þá væntanlega bera af öðrum.

Ómar Ragnarsson, 28.3.2018 kl. 09:18