Nútíma skylmingaþrælahald?

Útskýringar Zinidine Zidane á því, af hverju hann vill láta af störfum sem knattspyrnustjóri stórliðsins Real Madrid, vekja hugleiðingar um hlutskipti bestu knattspyrnumanna heims. 

Krafan "brauð og leikar" frá tímum Rómverja og Colosseum er ekki ný. Hún snýst um það að kreista fram úr tiltölulega fámennum hópi afburða íþróttamanna eins mikla skemmtun fyrir lýðinn og mögulegt er. 

Þeir verða að vera reiðubúnir til ítrustu fórna til þess að viðhalda hinu mikla sjónarspili. 

Á okkar tímum bætist við hið gífurlega fjármagn sem þetta skapar í gegnum fjölmiðla. 

Kröfurnar til leikmanna eru á marga lund ómannlegar. Ef þeir eru í sterkustu landsdeildum knattspyrnunnar þurfa þeir að sýna toppleik og vera í toppformi í fáránlega mörgum krefjandi leikjum, annars vegar í bikarkeppni og hins vegar í mörgum tugum leikja í úrvalsdeildunum. 

Þegar álagið er mest neyðast þjálfararnir til að taka áhættu með því að hvíla þá leikmenn, sem mest eru píndir, en það getur bitnað illilega á leikjum og gengi liðanna. 

Þar að auki geta ofþjálfun og leikþreyta valdið því að mönnum aukist hætta á meiðslum eða hnignun getu, 

Þegar ótrúlegt gengi Real Madrid í keppni við þau allra bestu í Evrópukeppni er borið saman við gengi liðsins í innanlandskeppni á Spáni, læðist sá grunur að, að Zidane hafi forgangsraðað verkefnunum til þess að ná sem bestri útkomu í baráttunni um eftirsóttustu bikarana. 

Síðan er á það að líta að ofan á framangreint bætast allir landsleikirnir vegna þátttöku í HM og EM auk vináttulandsleikja. 

Sé svo að kröfurnar til leikmanna jaðri við þrælahald, er skiljanlegt að Zidane ói við að halda áfram á þessari braut, sem rænir stundum vallargesti á Spáni ánægjunni af því að sjá sín bestu lið keppa í hámarksgetu. 

Þótt Real Madrid hrósaði sjáldgæfum sigri í Kiev, sló það aðeins á ánægjuna að meginástæðan var hvernig markvörður Liverpool gaf Real hreinlega sigurinn með einstæðum mistökum. 

Án þeirra var staðan 1:1 eftir venjulegan leiktíma. 

Og kannski er undirliggjandi ástæða uppsagnar Zidane sú, að hann vilji hætta á toppnum, vegna þess að varla er héðan af um annað að ræða en að leiðin gæti legið niður á við.  

Leikmennirnir þurfa á breytingum að halda

Athugasemdir

[Einar S. Hálfdánarson (IP-tala skráð) 31.5.2018 kl. 14:09]

Vísvitandi og hættuleg atlaga Sergio Ramos Að Salah sem hann hefur áður sýnt burði til er ástæða ósigurs Liverpool. Bragðið er bannað í júdó! Samherjar hans fengu áfall og Klopp ræddi um það í hálfleik. Þessi ungi markmaður stóðst ekki álagið og var nýbúinn að fá olnbogaskot frá áðurnefndum Sergio Ramos þegar hann gerði´mistökin óskiljanlegu; nema þetta sé haft í huga.

[Ómar Ragnarsson, 1.6.2018 kl. 08:16]

Tyson reyndi þetta ssma bragð á Botha og var fyrirlitinn fyrir athæfið. Það sýnir á hvaða plani það er.