Plast er ekki ómissandi, - það er stutt síðan það var ekki til.

Uslinn, sem plast er þegar farið að valda í lífríki hafsins og byrjuð að teygja sig upp á land  er skýr vísbending um að aðgerðir til varnar mega ekki bíða. 

Ástæðan liggur í augum uppi og er tvíþætt:

Plastið endist svo lengi, tekur jafnvel aldir að brotna niður. Það plast sem þegar er komið í umferð verður ekki upprætt nema að mjög litlu leyti. 

Hin ástæðan er sú, að það er tiltölulega stutt síðan plastið var fundið upp, og hið mikla tjón sem það hefur samt valdið á þessum stutta tima, er váboði fyrir framtíðina, nema hart verði brugðist við. 

Út því að það var hægt að komast hjá því að nota plast fyrir aðeins tæpri öld, ætti nútíma hugvit og tækni að geta leyst úr þessu viðfangsefni. 

 

ESB leggur til bann við plastumbúðum

Athugasemdir

[Hábeinn (IP-tala skráð) 25.6.2018 kl. 08:45]

Það er auðvelt að hætta að hugsa og láta sig berast með fjölmiðlafárinu. En þegar grannt er skoðað þá er tjónið af plasti ekki mikið.

[Ómar Ragnarsson, 25.6.2018 kl. 19:03]

Það heitir sem sagt að "hætta að hugsa" að reyna að reikna út hve mikið af plasti verður búið að moka í lífríki hafanna á þeim öldum, sem það verður að brotna niður í náttúrunni. 

Maðurinn, sem er með dulnefnið Hábeinn, hefur tekið upp merki manns, sem skrifaði drjúgt hér á síðuna þangað til Hábeinn tók við og er hér á afar svipuðu róli og Hilmar var, enda hugsanlega sami maðurinn. 

Hilmar sagði hér í athugasemdum að vegna þess komandi kynslóðir væru ófæddar, séu þær ekki til og því berum við enga ábyrgð á afleiðingum gjörða okkar. 

[Hábeinn (IP-tala skráð) 25.6.2018 kl. 20:50]

Þú ert furðulega fljótur að misskilja hlutina og leggja mönnum orð í munn. Sérstaklega þegar þú verður uppvís að því að segja eitthvað verulega heimskulegt, vanhugsað eða ferð með augljósar lygar.

Það vill svo til að plast er ekki eitrað og þó það sé sóðalegt að sjá þá er skaðinn af því svo til enginn. Það heitir sem sagt að "hætta að hugsa" að láta sig berast með fjölmiðlafárinu og láta af allri rökhugsun.

Og ég er ekki Hilmar þó þér sé einhver friðþæging í því að ímynda þér að allir sem þér eru ósammála eða enda á rangfærslur hjá þér séu sami maðurinn. En ég get vel skilið hvers vegna Hilmar hætti að reyna að rökræða við þig. Og tek með fyrirvara þína túlkun á því sem hann kann að hafa sagt.