Gullaldir geta komið og farið án þess að fyllilega sé hægt að útskýra það.

Það gildir stundum um svokölluð gullaldartímabil svipað og um veðrið, að það geta komið uppsveiflutímabil og niðursveiflur sem fylgja ekki endilega efniviðnum í þau. 

Á árunum 1946-1960 kom fágæt uppsveifla í frjálsum íþróttum á Íslandi, sem birtist meðal annars í þremur Evrópumeistaratitlum og í því að senda flokk á EM 1950 þar sem íslensku þátttakendurnir áttu möguleika á að fá átta verðlaunapeninga, þótt aðeins þrír ynnust. 

Það varð að vísu niðursveifla milli 1952 og 1955, en Vilhjálmur Einarsson sá að mestu um að framlengja frjálsíþróttavorið fram yfir 1960. 

Munurinn á árangri HM liðsins í fótbolta var mjög svipaður og á EM, en á EM féllu tvísýn atriði með okkur en ekki á HM. 

Skagamenn áttu einstakt gullaldarlið í fótbolta á sjötta áratugnum, miðað við stærð bæjarins, og erfitt er að útskýra það til fulls. 

Gullöld íslenskra íþrótta lokið?

Athugasemdir

[Húsari. (IP-tala skráð) 1.7.2018 kl. 13:28]

Sæll Ómar.

Miklir hæfileikamenn koma fram og þeir
hrífa aðra með sér og heildin er tilbúin að gefa allt af sér
til að tiltekið markmið náist. Þetta er ekki flóknara!

Á öðrum sviðum gerist hið sama t.d. á sviði bókmennta, -
fram koma þeir sem fljúga með himinskautum eins og t.d.
Halldór Kiljan Laxness og Guðbergur Bergsson.

Bentu mér á einhverja sem komast þó ekki væri nema í hálfkvisti
við þessa tvo á ofanverðri 20. öld og þeirri sem nú er.

Hnignunarskeið ríkir í íslenskum bókmenntaheimi, ljóðið er 
að verða úrelt tjáningarform, svo virðist sem glæpir og ríðingar
dugi ekki til langframa sem andlegt fóður.

[Már Elíson, 1.7.2018 kl. 22:24]

Halldór Kiljan Laxness ??  - Guðbergur er maður fólksins. Frábær. - "húsari" verður að leita betur, þetta er hálfkák og vanþekking.

[Húsari. (IP-tala skráð) 2.7.2018 kl. 11:50]

Már Elíson! Þú fékkst verðskuldaða hirtingu 
            og "boomerang í smettið" fyrir skemmstu:

https://fornleifur.blog.is/blog/fornleifur/entry/2219286/

Lærðu af því!