Hver segir að HM þurfi að vera leiðinlegt? "Hraðinn drepur."

Það hafa af og til heyrst raddir um að leikirnir á HM séu ekki nógu skemmtilegir. 

En það er ómöguleigt að segja slíkt í dag. 

Að vísu gerðist ekki margt í fyrri hálfleik Brasilíu og Mexíkó en í síðari hálfleik var boðið upp á aukinn hraða og snilldarleik Brassanna. 

Sem dæmi um hraða Neymars hefur hann verið mældur á 35 kílómetra hraða og það í hlaupi við að rekja boltann eins og það er kallað. 

Það samsvarar rúmum 10 sékundum á 100 metrum. 

Engin leið er að kvarta yfir leik Balga og Japans sem bauð upp á allt sem góð og ástríðufull knattspyrna getur boðið upp á. 

Stundum hefur verið sagt: "Hraðinn drepur" og þá átt við það, hvað gríðarlegur hraði getur sprengt upp hinar sterkustu varnir. 

Gildir einu hvort um er að ræða flokkaíþróttir eða einstaklingsíþrótt eins og hnefaleika. 

Japanir hafa áður komið á óvart á HM, en fyrsta Asíuþjóðin, sem gerði garðinn frægan voru Norður-Kóreumenn 1966 sem komust langt, en féllu út í leik, sem var svipaður leiknum í dag hvað það varðaði að þeir voru lengi yfir ef ég man rétt.  

Hádramatískur belgískur sigur

Athugasemdir

[Jón Valur Jensson, 2.7.2018 kl. 20:17]

Já, leikur Japans og Belgíu (það sem ég sá af honum, seinni hálfleikinn) var mjög spennandi, hraður og skemmtilegur.

[Vagn (IP-tala skráð) 3.7.2018 kl. 01:12]

Þrátt fyrir að hafa lagt í pott og giskað á úrslit. Sofið til hádegis og undirbúið allt sem best. Þá sofnaði ég yfir Ísland Króatía. Hjá mér er því spurningin: Hver segir að HM sé ekki leiðinlegt?

Og ég hafði staðið í þeirri trú í yfir hálfa öld að "Hraðinn drepur" væri aðvörun um að fara ekki of hratt. Ekki hafði ég hugmynd um að það væri íþróttafrasi um hvernig best væri að komast gegnum varnir andstæðinganna. Svona getur maður nú verið fávís.

[Gunnar Sigfusson (IP-tala skráð) 3.7.2018 kl. 10:34]

Frábær leikur og sá besti sem ég hef séð í þessari keppni. Japanir með "íslenska" liðsheild og baráttu (en aðeins meir boltatækni :) ) gegn stjörnum prýddu liði Belga. Ég vil sjá tölfræði yfir tekna spretti frekar en yfir "heppnaðar" sendingar.