Ljóður á afburða leikmanni. Gul spjöld á leikaraskap!

Brasilíumaðurinn Neymar er stórkostlegur knattspyrnuleikmaður en ekki eins góður leikari. 

Hann er að mínum dómi fremstur í flokki þeirra leikmanna, sem er með hvimleiðan leikaraskap í tíma og ótíma á HM. 

Þessi leikaraskapur birtist í mörgun myndum þegar menn eru að reyna að "fiska" vítaspyrnur og aukaspyrnur og láta sig falla til jarðar og "lúta í gras" líkt og gerðist þegar vítaspyrna Englendinga var "fiskuð" í gær. 

Vælukjóaháttur Neymars er úr hófi enda þótt stundum sé full hart sótt að honum. 

Halda mætti oft á tíðum að hann sé tveggja ára krakki frekar en fullorðinn maður, lætur eins og hann hafi sætt hryllilegri árás með limlestingum en er síðan byrjaður örskömmu síðar að hlaupa á hraða hins hraðskreiðasta 100 metra hlaupara. 

Það má alveg fara að lyfta gulu spjaldi yfir manninum þegar hann lætur svona. 

Um sumt af þessu gildir svipað og datt út úr Gumma Ben í gær: "Af hverju sér dómarinn þetta ekki?! Ég sé þetta alla leið til Íslands! 

Segir Neymar haga sér eins og trúður

Athugasemdir

[B.N. (IP-tala skráð) 4.7.2018 kl. 08:52]

Gummi Ben alltaf flottur! Já maður þarf ekki að hafa réttindi til að dæma Neymar því hann dæmir sig sjálfur. Ég hef ekki áhuga að fylgjast með Neymar í boltanum og veit því ekkert hvernig honum gengur eða komi til með að ganga það eru mín verðlaun vegna þessa sem síðuritaði hefur talað um hér fyrir ofan

Baldvin Nielsen

[Grímur (IP-tala skráð) 4.7.2018 kl. 20:10]

Bretar komust áfram og um leið grípur May til aðgerða til að halda ráðherrum og tignarfólki heimavið - https://www.bbc.com/news/uk-england-wiltshire-44707052

[Húsari. (IP-tala skráð) 5.7.2018 kl. 01:13]

Ómar segir að þú eigir að fá gult spjald, hverju svarar þú því?
Gult spjald???????????????????????????????!!!!!!!!!!!!