Átti aldrei að sniðganga HM að neinu leyti..

Seint ætla menn að læra af reynslunni varðandi samskipti þjóða á sviði íþrótta og menningar. 

Þegar litið er til baka sést hvað sniðganga Vesturveldanna gagnvart ÓL í Moskvu 1980 og Kommúnistaríkjanna gagnvart ÓL í Los Angeles 1984 var fráleit aðgerð, og hefur það verið rakið fyrr hér á síðunni hvernig atburðarásin í Afganista olli því. 

Hvað varðar það að láta Suður-Afríku ekki fá aðgang að leikunum á tíma Apartheid, var um það að ræða, að í vali þátttakenda á leikana var algert misrétti kynþátta í gangi í Suður-Afríku. 

Hitler aflétti mismunun gagnvart Gyðingum á Ólympíuleikunum 1936 og raunar var meira jafnrétti svartra og hvítra á leikunum en í þeirra eigin heimalandi, Bandaríkjunum.  

Macron til Rússlands en ekki Bretar

Athugasemdir

[Halldór Egill Guðnason, 7.7.2018 kl. 00:31]

 Íslensk stjórnvöld skitu upp á bak, með fjarveru sinni á HM, enda bundin í lykkju á snúru evrópusambandsins, eins og leikskólabörn í göngutúr. Forsetinn hefði átt að vera þarna manna fremstur þó restin hefði mátt missa sig, enda gagnslaus flest fyrir sína þjóð.

 Íþróttir eru íþróttir, stjórnmál eru stjórnmál. 

 Góðar stundir, með kveðju að sunnan.

[Ómar Ragnarsson, 7.7.2018 kl. 04:16]

Forsetinn gekk eins langt og honum var unnt með því að senda frú sína. Samkvæmt stjórnarskrá á forsetinn afar erfitt með að ganga gegn utanríkisstefnu stjórnar og þings ef undan er skilin 26. greinin sem fjallar aðeins um lagafrumvörp. 

[Haukur Kristinsson (IP-tala skráð) 7.7.2018 kl. 17:57]

„...enda bundin í lykkju á snúru ESB, eins og leikskólabörn í göngutúr.“ Mikið er þetta kjánalegt, barnalegt. Ísland er hluti af Evrópu, agnar lítill hluti. Samt háðir Evrópu og þar með EU á ótal vegu. En við, með okkar stórmennsku brjálæði, „stórasta land í heimi“ syndrome, þykjumst vera of stórir fyrir Sambandsríkið EU. Samt eru engin 10 ár liðinn síðan við vorum með allt niðrum okkur, á hnjánum og báðum EU um að redda skerinu.

[Óskar Helgi Helgason (IP-tala skráð) 7.7.2018 kl. 20:11]

Sæll Ómar - sem og aðrir gestir, þínir !

Halldór Egill og Haukur !

Fínir punktar: ykkar beggja megin frá / og hnitmiðaðir.

Ómar !

Stjórnarskrá - hvað ?

Frá 1848 - 1874 - 1944, eða uppkast ykkar Stjórnlagaþingsfólks, frá 2010 ?, eða ???

Síðan hvenær: hafa terroristar, hins svokallaða íslenzka Lýðveldis (alþingismenn / embættismenn, s.s Sýslumenn o.fl.) virt þá stafkróka, sem almenningi er ætlað, að lifa eftir aftur á móti, Ómar minn ?

Guðni Th. Jóhanesson - Háskólagenginn snobb- Haninn, þykir víst fínni pappír til þess að gegna sínu embætti / en Sturla Hólm Jónsson Bifr. stjóri og vélfr. hefði gert, enda, ......... fína fólkinu í landinu ekki bjóðandi, að hafa Glussa- og Gírolíu lyktandi mann í þessu hlutverki, í stað staðlaðrar steríótýpu Háskólagengins fínimnanns, Ómar fjölfræðingur.

Eða: hvað ? 

Tek fram - að ég ákvað, fyrir Forseta kosningarnar 1980 (öðlaðizt kosninga rétt minn 1978), að taka aldrei þátt í kosningum til þessa embættis, enda löngu komið á daginn, að endanlegt rof yfirráða Dana hér á landi í Júní 1944, hefur einungis haft stjórnmálalegt stórtjón í för með sér í landinu, eins og vinnubrögð : Bjarna Benediktssonar - Katrínar Jakobsdóttur og Sigurðar Inga Jóhannssonar sýna okkur hvað ljósazt, í samtímanum.

Sjáum: t.d.,, vinnubrögð Sigurðar Inga, hvað samgöngumálin snertir, ekki ennþá,, hafin brúarsmíðin marg- margumtalaða, um Laugardæla eyju austan Selfosskaupstaðar / fremur en Teigs kjarrs vegarlagningin, vestur í Reykhólasveit.

Svo - aðeins séu tiltekin 2 dæmi, sem undir Sigurð Inga heyra.

Árið 1944: þegar gamla brúin við Selfoss (frá 1891) hrundi:: reyndist vatnsmagn í Ölfusánni vera með minnsta móti / og hefur það átt sinn stærsta þátt í, að Bifr. stjórar Mjólkurbús Flóamanna, sem með bílum sínum fóru niður, skyldu komazt lífs af.

Ómar !

Hugleiddu betur þinn gang - áður en þú tekur frekar til við, að mæra Guðna Th. Jóhannesson eða afsaka hann frekar, sem  og hið Myrka ráðuneyti (Ríkisráð) hans, ágæti fjölfræðingur !

Með sæmilegum kveðjum: engu að síður, af Suðurlandi /