Jæja, gott að maður skrapp þarna yfir 1968.

1968 var sérstætt tilboð í gangi ef flogið var um Bandaríkin. Ef lent var og stansað í minnst sólarhring á fimm stöðum í landinu í ferðalaginu, fékkst helmings afsláttur á fargjaldi. Þetta var gert til að örva ferðamannastrauminn. 

Á ferli mínum sem skemmtikraftur hefur mér iðulega boðist að skemmta á skemmtunum Íslendingafélaga víða um lönd, og 1968 bauðst mér að skemmta í Los Angeles og myndi Íslendingafélagið greiða ferðakostnað til og frá Íslandi og nokkurra daga gistingu. 

Ég ákvað að nýta þetta tilboð og líka ameríska tilboðið með því að Helga kæmi með mér, við lentum á alls fimm stöðum í ferðalaginu og samtals ferðakostnaður því ekki mikið meiri en flug beint fram og til baka fyrir mig einan. 

Staðirnir voru New York - Washington - El Paso - Las Vegas og San Fransisco. 

El Paso varð fyrir valinu, vegna þess að sú borg liggur samhliða Mexíkósku borginni Ciudad Juarez, og því auðvelt að gista þar í tvær nætur, fara yfir landamærin í borginni fyrri daginn og til að skoða Carlsbad-hellana í New Mexíkó daginn eftir. 

Það var ákveðin upplifun fólgin í því að fara um svæði, sem var ein borg í raun, en samt með gerólíku umhverfi, kjörum og menningu sitt hvorum megin við ákveðna línu. 

Þótt þetta væri róstusamasta sumar sögunnar í bandarískum borgum, og eldar væru kveikir sums staðar á götum og nýbúið að drepa Robert Kennedy, ríkti friðsæld og óþvingað andrúmsloft í El Paso / Ciudad Juarez. 

Því hryggir það mig að Donald Trump ætli að byrja á þúsunda kílómetra múraframkvæmdum sínum einmitt á þessum stað, sem var tákn um friðsamlega sambúð Bandaríkjamanna og Mexíkóa 1968 og reisa þarna jafnvel svakalegri múr en reistur var í Berlín 1961 og Bandaríkjamenn fordæmdu manna mest. 

Við hann stóð Ronald Reagan í Berlínarheimsókn og sagði í ræðu sinni við múrinn: "Herra Gorbatsjof, rífðu þennan múr!" 

Nú er öldin önnur. Við eigum Bandaríkjaforseta sem stendur við mörk síns lands inni í miðri borg og segir í raun: "Hér reisi ég hundrað sinnum stærri múr en Reagan bað Gorbatsjof um að rífa niður!"

Ég er feginn að ég skyldi fá að fara þarna yfir á frjálslegan og eðlilegan hátt á sínum tíma og safna í ljúfan minningasjóð. 

Múr Trump byrjaður að rísa í Texas

Athugasemdir

[valdimar jóhannsson (IP-tala skráð) 22.9.2018 kl. 23:28]

 Fyrir 50 árum ?
https://abcnews.go.com/US/700-miles-fencing-us-mexico-border-exist/story?id=45045054

Var ekki Obama á undan með sinn 700 mílna vegg við landaamærin?

[Borgari (IP-tala skráð) 23.9.2018 kl. 08:47]

Fréttir af Trump eru einsog blaðrið í Dag. Minjastofnun bað aldrei um að dýri bragginn yrði "endurreistur" það er hvergi minnst á Borgarlínu í samkomulaginu sem undirritað var um bættar samgöngur um daginn og hann sigaði ekki embættismönnum á pólitíska andstæðinga sína.

[Þorsteinn Siglaugsson, 23.9.2018 kl. 11:14]

Já, auðvitað er þessi múr hans Trumps ekkert nýtt. Munurinn er hvort maður tekur umdeilt mál og blæs það upp eða framkvæmir bara á bakvið tjöldin. Trump valdi fyrri kostinn. Obama og Bush þann síðari.

[Jónas Gunnlaugsson, 23.9.2018 kl. 11:29]

Þið hafið líklega allir rétt fyrir ykkur.

Valdimar segir, að Obama hafi reist 700 mílna vegg.

Ómar notar orðið múr.

Þessi veggur Óbama, sem var demókrati, er þá 700 mílur, eða 1.126, kílómetrar.

Vegalengdin, frá Íslandi til Græmlands er 290 kílómetrar.

Þá er veggur Óbama, Demókrata 1.126 kílómetrar, eitt þúsund eitt hundrað og tuttugu og sex kílómetrar.

Það er 3,9 eða 4 sinnum vegalengdin á milli Íslands og Grænlands.

Greinilegt er að Óbama og Demókrötum, hefur fundist þetta mikið nauðsynja mál.

Ómar, við notum alltaf vegabréf til að fara til Bandaríkjanna.

Það eru þeir sem hafa ekki vegabréf, en kaupa oft aðstoð smiglara, til að komast ólöglega til Bandaríkjanna, sem þessi veggur á að stöðva.

Gangi ykkur allt í haginn.

Egilsstaðir, 23.09.2018  Jónas Gunnlaugsson 

[Haukur Kristinsson (IP-tala skráð) 23.9.2018 kl. 13:34]

Furðu mig oft á því hvað fávitinn í Hvíta húsinu virðist eiga marga stuðningsmenn hér norður á skerinu. Skýrt merki um analfabetisma of margra innbyggja.

[Haukur Kristinsson (IP-tala skráð) 23.9.2018 kl. 13:48]

Edit: Skýrt merki um pólitískan analfabetisma....

[Jónas Gunnlaugsson, 23.9.2018 kl. 14:16]

Já, ef einhver segir satt og er ekki stóryrtur, er hann þá stuðningsmaður Trunp?

Já auðvitað styðjum við alla menn til betri þroska, og öll góð málefni, það kemur öllum til góða.

Ekki segja ósatt, fyrir einhverja áróðursvél.

Egilsstaðir, 23.09.2018  Jónas Gunnlaugsson

[valdimar jóhannsson (IP-tala skráð) 23.9.2018 kl. 15:10]

 http://www.friatider.se/michael-moores-film-om-trump-floppade-totalt

Þegar vinstrisinnar með Michael Moore urðu fyrir miklum vonbrigðum þegar demokratinn Barack Obama hélt áfram stríðsbrölti í Miðausturlöndum á eftir Bush, þá einbeitti Michael sér að baráttu gegn "rasisma" og HBTQ réttindum og þessháttar trams
Það vita allir að þessi maður er ómerkingur og lygalaupur og fólk er búið að fá leið á honum, en vinstra tramsið elskar hann.
Glæpakvendið, sem studdi innrásinna inn í Líbýu og á íhlutun í mögum morðum, Hillary, er líka afskaplega vinsæl hjá vinstri ofstækis mönnum.