Ómetanlega mikilvægur áfangi og tímamóta dómur, en ekki endanleg málalok.

Sýknudómarnir, sem kveðnir voru upp í Hæstarétti í dag yfir þeim, sem voru sakfelldir í Guðundar- og Geirfinnsmálinu, eru ómetanlega stór áfangi í því að hreinsa til í þessu hræðilega stóra máli, stærsta sakamáli í sögu landsins. Alger tímamótadómur sem mun lifa á spjöldum sögunnar. 

En því miður eru málalokin ekki alveg endanleg, því veldur að endurupptökunefnd vildi ekki taka upp mál Erlu Bolladóttur. 

Varð hún þó fyrir ekki minna harðræði í raun við yfirheyrslur en aðrir sakborningar og sakfelldir. 

Samkvæmt því virðist ekki haggað við þeim hluta yfirheyrslnanna, sem laut að því að handtaka fjóra saklausa menn á grundvelli rangra sakargiftna, en þessar röngu sakargifir voru laðaðar fram á engu minna óhæfan hátt en aðrar sakargiftir. 

Málinu er, þrátt fyrir að í meginatriðum sé dóminum frá 1980 hnekkt, ekki lokið að þessu leyti. 

Meðal annars vegna þeirrar spurningar, hvort þeir sakborgningar, sem stóðu með Erlu Bolladóttur að hinum röngu sakargiftum, voru í raun sýknaðir algerlega í dag, að því er virðist vegna þess að endurupptökunefnd lagði það ekki til. 

Í dómsorðunum er aðeins minnst á þá sakfellingu, að þeir hafi orðið Guðmundi og Geirfinni að bana. 

Hvað segja lögfróðustu menn um þetta? 

Mannorð Tryggva loksins verið hreinsað

Athugasemdir

[Gunnar Heiðarsson, 27.9.2018 kl. 15:55]

Góður dómur.

Reyndar held ég að þetta fólk hafi fengið uppreista æru frá flestum landsmönnum, fyrir nokkuð löngu síðan. En nú hefur það verið formfest.

Það er vissulega ljóður á að Erla skuli ekki hafa fengið að vera með í þessari endurupptekningu. En hvernig getur hún verið sek, þegar búið er að lýsa sakleysi á alla aðra aðila málsins?

[Þorsteinn Siglaugsson, 27.9.2018 kl. 15:58]

Það er eiginlega verst að brot þeirra smámenna sem pyntuðu þetta saklausa fólk til að játa á sig fáránlegar sakir og dæmdu það svo vitandi að sakargiftirnar voru rangar skuli nú fyrnd.

[Hábeinn (IP-tala skráð) 27.9.2018 kl. 16:24]

Eftir breytingar á lögum, sveigjur og beygjur til að gera endurupptöku þessa máls allt að því löglega ákvað hæstiréttur að láta almenningsálitið og vinda þjóðfélagsins stýra niðurstöðu eins og vonast hafði verið eftir.

[Húsari. (IP-tala skráð) 27.9.2018 kl. 17:01]

Sæll Ómar.

Miðað við dómsforsendur virðist Hábeinn hafa nokkuð til síns máls
en hvort svo er eða ekki þá er einsýnt að ljúka verður 
máli Erlu Bolladóttur á sama veg og virkilegur lapsus að það skyldi
ekki fylgja með við endurupptöku málsins.
Fyrst það var á annað borð tekið upp þá virðist það ótækt að
Erla Bolladóttir lægi óbætt hjá garði. 

[Þorvaldur S (IP-tala skráð) 27.9.2018 kl. 18:07]

Erla Bolladóttir var ekki sakfelld í Guðmundar og Geirfinnsmálum. Þess vegna var mál hennar ekki tekið upp. Hún var hins vegar sakfelld fyrir að ljúga upp á saklausa menn þannig að þeir sátu að ósekju svo mánuðum skipti í gæsluvarðhaldi. Og um það var hún sannarlega sek.

[Húsari. (IP-tala skráð) 27.9.2018 kl. 18:31]

Þorvaldur! Eins og Ómar bendir á þá virðist mál 
Erlu órjúfanlegur þáttur í máli flestra annarra 
sem við sögu komu. Hennar mál hefði átt að hafa
forgang svo augljóst sem það er nú og hefði 
þegar átt að vera á þessum tíma að allt var það
á sandi byggt. 

 

[Ómar Ragnarsson, 27.9.2018 kl. 20:10]

Erla var núna rétt áðan að benda á það í Kastljósi, að frássagnir hennar, til dæmis um meinta aðför að Geirfinni í Dráttarbrautinni, þar sem hún játaði að hafa skotið Geirfinn, og verið þar í slagtogi með Magnúsi, Einari og kó, er í sömu skýrslunni og fleira, en síðan vinsar lögreglumennirnir úr "framburði" hennar sumt, sem þeir telja vera rétta játningu, en vinsa líka úr annað, sem þeir telja vera tilbúning, allt eftir því hvernig það hentar lögreglunni og ákærendumm. 

Að sjálfsögðu gildir um slíkar "játningar" og "rangar sakargiftir" í einni og sömu skýrslunni, - allt fengið fram með ólöglegum aðferðum og harðræði, - að það er ekkert að marka neitt af því þegar verið er að reiða fram sönnunargögn. 

Erla sætti ekki minna harðræði en aðrir, jafnvel meira, þótt það væri gert á annan hátt. 

[Þorsteinn Siglaugsson, 27.9.2018 kl. 20:23]

Erla, rétt eins og aðrir sakborningar, var pyntuð til að játa á sig alls kyns upplognar sakir og bera á aðra.

Hinir raunverulegu glæpamenn í þessu máli eru þeir sem stóðu að "rannsókn" þess og dæmdu í því. Það er mikilvægt að gera greinargóðan lista yfir þessa einstaklinga svo annað fólk geti varað sig á þeim. Því svona fólk er hættulegt.

[Anna Sigríður Guðmundsdóttir (IP-tala skráð) 27.9.2018 kl. 21:11]

Sæll Ómar. Hvað starfa hinir raunverulegu lögmannahvítþvegnu og flibbuðu glæpamenn og nauðgunargerendur þessara sorglegu og óverjandi pyntingamála við í dag? Kannski háttsettir embættismenn bak við leiksviðsmynd blekkinga-fjölmiðlanna?

Starfa kannski við t.d. að skipuleggja "me-too" mannorðsmorðs leikritshandrit fyrir orkupakkann og jafnlaunavottunar glæpakjaftæðið rándýra, sem sendir þrælandi almenning í torfkofana eða beint í gröfina?

Eða eru kannski að skipuleggja og markaðssetja eiturlyfjaframleiðslu landsins og barnaníðingsglæpahringja atvinnustarfsemi?

Málinu er langt í frá lokið.

M.b.kv.

[Húsari. (IP-tala skráð) 27.9.2018 kl. 22:35]

Sæll Ómar.

Sjálfur Móse átti allt undir því að fórnin mikla
að láta hann frá sér var færð.

Enn í dag eru þessar fórnir færðar fram af hendi móður 
og þær tilbúnar að gera það sem þarf til að geta varið 
börn sín eða verið hjá þeim.

Allt frá árdögum mannkyns til þessa dags og um alla tíð 
verður þetta þannig.

Sú fróma ósk er borin upp við Dómsmálaráðherra að hann beiti 
sér fyrir því í krafti embættis síns að ljúka þessum þætti 
málsins sem út af stendur. 

[Anna Sigríður Guðmundsdóttir (IP-tala skráð) 28.9.2018 kl. 21:12]

Erla Bolladóttir var pyntuð andlega og líkamlega í fangaklefa nauðgandi laganna varðhunda "réttlætis", á svívirðilegan og óverjandi hátt af svikulli siðblindu-valdstjórninni lögmanna/dómsstólavörðu.

Að taka nýfætt barn frá tvítugri og varnarlausri móður, hóta henni með barnaverndarnefndar rændu barninu ef hún segði ekki það sem valdníðingarnir heimtuðu? Og nauðga henni læknadópaðri til hlýðni í fangaklefa valdstjóranna spilltu, er enn þann dag í dag jafn svartur blettur á lögmanna og dómarastétt löggulífs-Íslands, eins og fyrir fjórum áratugum síðan. Læknar þurfa ekki að skrifa uppá ávísun á getnaðarvarnarpillur fyrir konur í fangelsi! En einhver læknir var samstarfsviljugir til að skrifa uppá getnaðarvörn fyrir naugara innan fangelsins? Hvað starfa sá læknir við í dag?

Gerendur allra valdníðandi stéttanna hvítflibbuðu, kúgandi og nauðgandi ganga enn lausir? Með lögmanna/dómstóla-varða ytrabyrðis hvítflibba-sloppana sína ofurlaunuðu og "kusklausu"? Nauðgandi og rænandi áfram, í reynslunnar öruggu og vernduðu skjóli "laga og réttar" lögmanna/dómara-dópseljandi/barnarænandi ríkisins Íslands? 

Málinu er langt í frá lokið.

M.b.kv.