Allt tilbúið til að laga þriðju slysahæstu gatnamót landsins, en ekkert gerist.

Í bloggpistlum undanfarinna daga hér á síðunni hafa fjárveitingar til umferðarmála verið til umfjöllunar. Ef kostnaðaráætlun um endurgerð braggans fræga hefði staðist væri engin ástæða til að bera þá framkvæmd saman við framkvæmdir við umferðarmál. Vandlega yfirveguð og undirbúin verndun mikilsverðra sögulegra minja er hið besta mál og skylda núlifandi borgarbúa. 

En það má ekki liggja í þagnargildi hve sjálfsagt það ætti að vera að bæta úr sívaxandi ófremdarástandi á gatnamótum Bústaðavegar og Reykjanesbrautar, sem hefði átt að vera búið að bæta úr fyrir mörgum árum. 

Þessi gatnamót eru þriðju slysahæstu gatnamót landsins og ástandið fer síversnandi eins og stytting þess tíma, sem leyfilegt er að taka vinstri beygju af Bústaðavegi inn á Reykjanesbraut í norðurátt. 

Hjá Vegagerðinni liggur fyrir fullbúin áætlun um það hvernig hægt verði að breyta þessum gatnamótum fyrir miklu minna fé en áður var talað um og leiða umferðina þessa beygjuleið hindranalaust sem og aðrar leiðir án þess að snerta Elliðaárnar eða trufla umferðina um Reykjanesbraut.  

Þetta hefur í meginatrinum legið fyrir í nokkur ár en ekkert gerist.

Rétt eins og að endurbætur á göngu- og hjólastígum gagnast líka bílaumferð í formi minnkaðs álags á hana, gagnast endurbætur á gatnakerfinu öllum, líka þeim vegfarandum sem með því að fjölga geta minnkað álagið á bílaumferðina, en það er hinn algerlega vanrækti ferðamáti að nota sparneytin og ódýr vélhjól. 

Reykjanesbrautin er stofnbraut og maður hefði haldið að þetta kæmi ekki bara borgarfulltrúum við heldur líka þingmönnum Reykjavíkur. 

En hvar eru þeir? 

„Okkur blöskrar gríðarlega“

Athugasemdir

[P.Valdimar Guðjónsson, 11.10.2018 kl. 16:32]

Sé bara öngvan veginn tengingu ( ágæts bloggpistils) við þessa frétt mbl. kæri Ómar.

[Ásgrímur Hartmannsson, 11.10.2018 kl. 17:37]

Það yrði "vegagerð" eða "vegabætur."  það flokkast undir flutningskerfi, bæði einkabíla og fyrirtækja.  Ég hef ekki séð áhuga neins hjá RkV að dútla við svoleiðis.

Þið eruð heppin að þeir nenna að halda við skolpræsunum.

[kristinn geir steindórsson briem (IP-tala skráð) 11.10.2018 kl. 17:59]

 það þarf að laga þessi gatnamót keyrði þarna um daginn það mætti halda að dagur ætli að víggyrða borgina. hvar eiga stofnæðar að koma það fer að verða ódýrara að rífa blokkirnar við miklatorg en að breikka bústaðarveg var að vona að það væri hægt að setja sundabraut upp suðlandbraut .kringlu. bústaðarveg en þegar ég sé hversigbústaðarvegur hefur þreignst efast ég um að það sé góð lausn

[Ómar Ragnarsson, 12.10.2018 kl. 00:09]

Eins og segir í pistlinum nær tengingin í gegnum nokkra pistla undanfarna daga um ráðstöfun á opinberu fé. Þar koma við sögu Álftanesvegur, sem fékk sérstaklega flýtimeðferð ríkis og Garðabæjar á kostnað gatnamótanna sem um ræðir og fleiri mikilvægari viðfangsefni af opinberu fé, sem auk þess er víða farið illa með eins og í Nauthólsvík, þar sem á aðra milljón króna var eytt í að sækja strá til Danmerkur, sem hægt var að fá við Hvaleyrarvatn og víðar hér á landi. 

[Haukur Kristinsson (IP-tala skráð) 12.10.2018 kl. 00:29]

Hlýtur að koma að því að Reykjavík sæki hraun til Danmerkur.

[kristinn geir steindórsson briem (IP-tala skráð) 12.10.2018 kl. 07:56]

reyndar ekki sama plantan grassafræðíngur fór og skoðaði plönturna og sagði þetta ekki vera sömu plöntur. hann vissi ekki hvaða plöntur þetta væri ætlaði að skoða þetta betur. svo það virðist vera að einhver hafi verið plataður