Eina leiðin til að tapa 100% er að gera ekki neitt. "Hvort eð er" rökin.

"Hvort eð er" röksemdin er ein þeirra aðferða, sem notuð ér í andstöðu við ýmis atriði í umhverfis- og náttúruverndarmálum. 

"Það er hvort eð er ekki hægt að ná markmiðunum fyrir 2030." 

Svar: Eina leiðin til að tapa baráttunni er að gera ekki neitt. Allt annað er skárra en uppgjöf. 

"Íslensk náttúra er hvort eð er alltaf að breyta landinu svo að við gerum það sem okkur sýnist." 

Svar: Með þessu er hægt að réttlæta nánast hvað sem er. Hægt að réttlæta það að virkja til dæmis í Öskju, Kverkfjöllum og á Landmannalaugasvæðinu vegna þess að það muni hvort eð er gjósa þar einhvern tíma í framtíðinni og valda miklum breytingum, - hvort eð er. Hægt að réttlæta að gera stíflu við suðurenda Þingvallavatns og auka afl Steingrímsstöðvar af því að Þingvallavatn muni hvort eð er einhvern tíma í framtíðinni fara yfir Vellina þegar þeir síga næst. 

"Mývatn mun hvort eð er fyllast upp með tímanum. Þess vegna á ekki að vera eyða fé í að reyna að vernda lífríki þess."

Svar: Núlifandi kynslóð hefur ekki siðferðilegt leyfi til þess að standa að aðför gegn Mývatni og lífríki þess á kostnað næstu kynslóða og stytta með því þann tíma sem lífríki vatnsins lífir. Eða væri það siðlegt að slá af 67 ára gamalt fólk og græða á því (spara útgjöld og lífeyri) af því að þetta gamla fólk muni hvort eð er drepast. 

 

12 ár stuttur tími

Athugasemdir

[Örn Einar Hansen, 12.10.2018 kl. 18:11]

"hvort eð er", hefur ekkert með málið að gera. "Hvort eð er", eru rök sem notuð eru af umhverfisverndarsinnum, ekki andstöðunni.

Ísinn í Antarktik, sýnir fram á að þetta er ekki rétt ... og sem Íslendingur, áttu að vita að þetta sé ekki rétt. Ég segi enn og aftur, þegar "Vìkingatímabilið" kom upp, var ÖLL skandinavía vaxin EIK. þetta er ein af aðal ástæðum að baki "skipa" víkinganna. Fyrir um 4-5000 árum, var skandinavía alvaxinn hitabeltis trjám.

Þessar "staðreyndir" eru ekki einu sinni á lista hjá ykkur ... þetta er bara trúarofstæki, sem á sér stoð, men enga "verulega" stoð í raunveruleikanum. Til dæmis, hugsun þín um "eldvirkni" og CO2.

Heldurðu virkilega að bíllinn þinn muni "drekkja" heilu landsvæðunum, og gera fólk að "stein" eins og Veúvíus á sínum tíma? Eða kannski valdið nýjum "móðurharðinum"?

Fólk sem heldur slíkt, er ekki í tengingu við raunveruleikann.

[Ómar Ragnarsson, 12.10.2018 kl. 18:57]

Þetta með að Skandinavía hafi verið vaxin hitabeltistrjám hef ég hvergi séð hingað til og hefur þá alveg farið fram hjá þeim sem gerðu hina frábæru sjónvarpsþætti um sögu Danmerkur.

[Hábeinn (IP-tala skráð) 12.10.2018 kl. 20:28]

Núlifandi kynslóð hefur fullt siðferðilegt leyfi til þess að standa að aðför gegn Mývatni og lífríki þess á kostnað næstu kynslóða telji hún þess þurfa. Lífskjör núlifandi munu ætíð vera rétthærri en möguleg áhrif á hugsanlegar komandi kynslóðir. Þetta vissu okkar forfeður og þess vegna er byggð í landinu. Það kostaði skógana og uppblástur. Og gaf okkur eina stærstu manngerðu eyðimörk í heimi, sem nú er aðdráttarafl fyrir ferðamennina sem okkur eru svo kærir.

[kristinn geir steindórsson briem (IP-tala skráð) 13.10.2018 kl. 07:11]

 eflaust má deila um markt í umhverfisvermd. skrítinn staðreynd að stuttu eftir að hætt var að nota freon á vesturlöndum stækkaði ósonlagið.  mér fynst það ótrúlega stuttur tími svo varla var freonið eini orsakavaldurinn. nú er að horfa til mývatns afhverfu minkaði kúalupastofninn.?. eflaust hafa eldumbrot, kísilnám, borholur, einhver áhrif ekki vitum við hvort stofninn minkaði við fyrri eldsumbrot. ef seinustu fréttir eru réttar er stofninn að jarna við. hvað hefur breyst.?. miðað við jarðsöguna hefur stundum verið hlýrra á íslandi hvort þetta er náttúruleg sveifla eða ekki verður bara að koma í ljós nú má spyrja. er hlýrra við borgir sem menga mikið er hlýra á svæiðum sem kolaorkuver eru o.s.f. 

[Húsari. (IP-tala skráð) 14.10.2018 kl. 01:58]

Sæll Ómar.

Etershopparar og loftslagsvitfirringar hljóta
að sjá að rök þeirra fyrir einhverjum breytingum
öðrum en náttúrulegum eru haldlaus.
Enda sjá flestir að þetta 1% eða 10 af mannafla
notar þetta sjálfu sér til skemmtunar og ætti
vitanlega að halda sig við legókubbana í stað þess
að brótast og berjast um sem óðir í græðgi sinni
og eftirsókn eftir vindi.

Enda gæti náttúrlegra skýringa innan kerfisins verið
að leita í þyngdarafli og hvernig það virkar frá einum tíma
til annars.

Eins og Bjarne virðist ýja að þá gæti farið svo að
svokölluð vísindi yrðu í flestu tilliti gerð afturreka
á komandi áratug og skýringa hvar að leita nema í græðginni
að segja hvítt svart þegar það hentar.

Bjarne nefnir tiltekinn tímaramma sem er afar áhugaverður þó ekki væri
nema í skilningi Carl Gustaf Jung um geymdina en mestar líkur eru á
að hún nái til allra hluta.
Ef þetta er rétt þá er ekki ólíklegt að ætla að sá tími sem hentar
Kötlu næst (ekki náðu gos 1955, 1999 og 2011 að þeyta hettunni af)
sé 14. júní 2038.