Til er fræðigrein sem nefnist líkindareikningur.

Það er rétt hjá samgönguráðherra að enginn veit fyrirfram hvar næst verður banaslys í umferðinni. 

En þessi óvissa út af fyrir sig á hins vegar ekki að ráða því á hvaða vegarkafla á að leggja mesta áherslu. 

Sú var tíðin að sá kafli Reykjanesbrautar, sem lá framhjá Kúagerði, var mesti slysakafli landsins. 

Þegar þessi kafli var tvöfaldaður gerbreyttist ástandið til hins betra. 

Eins og nú, var að sjálfsögðu ekki hægt að sjá það fyrir á hverjum tíma hvar næsta stórslys yrði, en engu að síður töluðu tölur því máli, að með því að nota þær í líkindareikningi, þeirri fræðigrein sem sérstaklega hefur verið þróuð til að taka á svona álitamálum, væri hægt að finna líklegustu leiðina til úrbóta. 

Í grófum dráttum má orða þetta þannig, að fara eigi helst eftir því hvar mest líkindi eru á alvarlegum slysum. 

Í síðasta banaslysinu er það augljóst, að ef búið hefði verið að tvöfalda brautina, gat framúraksturinn, sem olli slysinu, ekki orðið til þess að bíllinn í í framúrakstrinum lenti framan á bíl, sem kom á móti.  

Vitum ekki hvar verður næst slys

Athugasemdir

[Húsari. (IP-tala skráð) 29.10.2018 kl. 19:16]

Sæll Ómar.

Ég tek heilshugar undir varnaðarorð þín 
og að menn fari yfir þetta kyrfilega.
Hafðu kæra þökk fyrir ábendingar þínar.

---

Varðandi líkindareikning algerlega burtséð
frá þessu máli þá fer ekkert á milli mála
að hann stenst ekki.
Ég hef stundað þennan reikning eins og hvert annað
áhugamál/skemmtun í áratugi og það vantar eitthvað stórlega
uppá að svokallaður líkindareikningur standist nokkra prófun.
Vitanlega er vandalaust að reikna tiltekna þætti en eftir að því
sleppir þá er einhver sú skekkja fyrir hendi sem ekki verður 
komist fyrir.

Vissulega má gera sér það til skemmtunar að reyna ný módel frá
sjónarhorni sem ekkert hefur með líkindareikning að gera, - rétt að
hvetja menn til að gera það, ætti allajafna ekki að skaða nokkurn mann. 

[Óskar Helgi Helgason (IP-tala skráð) 29.10.2018 kl. 21:57]

Sæll Ómar - sem og aðrir gestir, þínir !

Ómar !

Því miður: hefur Sigurður Ingi Jóhannsson ekki snefil meðal- dómgreindar, til þess að meta hið alvarlega ástand nokkurs hluta Reykjaness brautar / fremur en annarra vega og gatna almennt:: hérlendis.

En - sé möguleiki á, persónulegri tignun Mammons í boði (á alþingi og í stjórnarráði, t.d.),, þá er Sigurður Ingi á heimavelli, enda, ....... vel uppfræddur af skóla fjármuna áfergju Engeyjar ættarinnar, líkt og þau önnur, sessunauta hans í stjórnarráðinu.

Við skyldum ekki láta okkur bregða Ómar: þá við fregnuðum jafnvel, að Sigurður Ingi fengizt við Gullát ásamt vinum sínum, líkt:: og plagaðizt hjá ýmsum úrkynjaðra samlanda okkar, á árunum 2003 - 2008, a.m.k.

Ríkissjóður Íslands - skuldar þorra heimila landsins, sem og fjölmargra fyrirtækja ógrynni fjár:: ofgreiddu af okkur, allt frá ársbyrjun 1991, til þessa dags, því ekki áttu Bifreiðagjöldin svo kölluðu, frá ársbyrjun 1989 að vara lengur, en í mesta lagi til ársloka 1990, skv. loforðum og svardögum Þorsteins Pálssonar og Jóns Baldvins Hannibalssonar, í einum Kastljóss þátta Ríkissjónvarpsins, í September 1988.

Trauðla: mun hinn síngjarni sérhagsmuna potari, Sigurður Ingi Jóhannsson treysta sér til, að svara nokkru til um örlög allra þeirra peninga, að minnsta kosti hefur lítið farið fyrir þeim, í framkvæmdum Vegagerðarinnar, til þessa.

Gætu verið - mögulega, í einhverjum felu skjólum fjölskyldu Bjarna Benediktssonar / líkt Síldarverksmiðju ríkisfjárins, ásamt svo mörgu öðru fjármagni.

Þú sjálfur: hefur nú reynsluna, af samskiptunum við þetta lið Ómar síðuhafi:: sbr. brott burð þinn og nokkurra félaga þinna úr Gálgahrauni:: sem Engeyingarnir voru búnir að slá eignarhaldi sínu á, um árið.

Húsari minn !

Ósköp: ert þú nú orðinn hógvær, í seinni tíð.

Það þarf meira til - en kurteisislegt hjal, til þess að ráða niðurlögum Rökkur lýðs gróða- og fjárplógsaflanna, í landinu, fornvinur góður.

Með beztu kveðjum: engu að síður, af Suðurlandi / 

[Húsari. (IP-tala skráð) 29.10.2018 kl. 23:51]

Óskar Helgi! Þakka kveðjuna!

             Ég kenni þetta sólblettunum!

             Vonandi verður bragarbót þar á 
             eftir góðan andafund á ungversku hásléttunni
             en það helsta á dagskránni er að kalla 
             drauginn Glám upp úr djúpi Hadesar sem og Reynistaðabræður!

[Húsari. (IP-tala skráð) 30.10.2018 kl. 02:20]

Sæll Ómar.

Andstæðan við líkindareikninginn er 
það sem kalla mætti tvenndarreikning.

Þar skiptir tímaásinn mestu máli og lygilegast af öllu er 
það að þá fyrst gengur það upp að setja inní formúlu 
þetta líf sem við lifum og þær tvenndir sem það rennur eftir.

Í ljós kemur að það sem segir í Prédikaranum að hvað hafi sinn tíma
er ekki það augljósa sem hver getur sagt sér sjálfur heldur 
er meiningin að baki orðum Prédikarans nákvæmlega samkvæmt
orðanna hljóðan að hvað eitt á sér sinn tiltekna tíma
uppá dag.

Þetta á ekkert skylt við forlagatrú heldur nákvæmlega það sem
að framan er ritað.

Það er eftirtektarvert t.d. í sonnettum Shakespears þá kemur
fyrir þetta einkennilega orðalag sem myndar samhljóm við 
orð Prédikarans um tímann.

Þetta stef er reyndar að finna allvíða í leikritum Shakespears
og er óneitanlega furðulegt aflestrar.

Læt frekari skrifum lokið um þetta málefni.