Orkumálið stóra komið lengra en sýnist?

Á fundi Landsvirkjunar fyrir nokkrum árum sagði forstjórinn: "Það er ekki spurning um hvort, heldur hvenær sæstrengur verður lagður til landsins." 

Um svipað leyti var gefin út sú stefna að orkuframleiðsla á Íslandi verði tvöfölduð á næstu tíu árum. 

Sem þýðir, að verði ekki sæstrengur kominn þá, í kringum 2025, munum við framleiða tíu sinnum meiri raforku en við þurfum til íslenskra fyrirtækja og heimila. 

Sem sagt, - fyrir nokkrum árum var sagt í anda ræningjanna í Kardimommubænum: Þá er það ákveðið. 

Það er unnið á fullu að því þótt lágt fari að þoka sæstrengsmálinu sem mest áfram. 

Nú er þrýst á að samþykkja þriðja orkupakkann, og því beitt innan EFTA að ríkin þrjú, Noregur, Ísland og Lichtenstein, hafi hingað til haft í forgangi að afgreiða svona mál saman á einn veg. 

En Ísland hefur þá sérstöðu að vera enn sem komið er í engu raforkusambandi við Evrópu. 

Hvers vegna þurfum við að elta hin ríkin ef við höfum ekki það sem þau hafa? 

Þurfum við nokkuð frekar að gera það en að taka upp reglugerðir um járnbrautir og járnbrautasamgöngur?

Norska þingið samþykkti orkupakkann með átta skilyrðum. En hvað á að gera ef stofnanir EFTA og ESB, svo sem ESA-dómstóllinn dæma skilyrðunum í óhag? 

Verður niðurstaðan sú að sætta sig við afdrif skilyrðanna eins og eins í einu með von um að betur gangi í skiptin, sem eftir eru? 

Hvenær ætti að segja í slíku ferli: Nú er nóg komið? Og verður það þá kannski orðið of seint? 

Þeir sem vilja láta samþykkja orkupakkann segja að vegna rafmagnssambandsleysis við Evrópu muni hann ekki hafa áhrif hér og því enginn skaði skeður. 

En ef það er þannig, að samþykkt pakkans, með einhverjum skilyrðum hugsanlega, hafi engin áhrif, - af hverju er þá ekki allt í lagi að vera ekkert að samþykkja hann?

Það er ábyrgðarlaust að skoða málið öðruvísi sem heila heild, þar em stefnt er að því að Ísland verði hluti af raforkukerfi Evrópu í gegnum sæstreng. 

Þá blasir við að þurfa að framleiða sem mesta orku því, að þetta er svo stórt mál, að menn fara ekkert að senda einhverja hungurlús um strenginn. 

Landið verður niðurnjörvað í allar þær risalínur sem Landsnet knýr á að verði lagðar. 

Á Byggðaþingi í Stykkishólmi tók Sigurður Ingi Jóhannsson undir kröfu Landsnets um stórauknar raflínuframkvæmdir. Hann sagði að vísu líka, að frekari stóriðja væri ekki á dagskrá, en hún verður að sjálfsögðu óþörf eftir að krafan um raforku um sæstreng til Evrópu kemst í gegn. 

Sæstrengur, sem kemur á land í Hornafirði, mun kalla á risalínur þaðan sem fylgja ferðafólki fram og til baka um Suðurland milli Hornafjarðar og Búrfellsvirkjuna og þaðan vestur um til Suðurnesja. 

Á endanum mun hátt í heila Kárahnjúkavirkjun fara forgörðum í viðnáminu í raflínunum og tengivirkjunum stóru við báða enda hans. 

Krafan verður að virkja alla virkjanlega orku landsins og herja á helstu náttúruverðmæti landsins. 

Vilja ekki innleiða orkupakkann

Athugasemdir

[Símon Pétur frá Hákoti (IP-tala skráð) 11.11.2018 kl. 20:38]

Heyr, heyr Ómar Ragnarsson.

Þriðji orkumálapakkinn mun rústa íslenskri náttúru og engu verður þar hlíft.  Allt út af skammtímagræðgi, sturlaðri græðgi nokkurra ráðherra hins svonefnda Sjálfstæðisflokks.

[Símon Pétur frá Hákoti (IP-tala skráð) 11.11.2018 kl. 20:55]

Allt á sokkaleistunum

allt á sokkaleistunum.

Allt á sokkaleistunum.

Það eru vesalingarnir sem ætla að samþykkja fullveldisafsal lands og þjóðar.

Það eru landráðamennirnir, og við vitum vel hverjir þeir eru.  Við munum ekki leyfa þeim að ræna landinu undan fótum okkar.  Við munum snúa bökum saman og stöðva illsku þeirra gegn landi og þjóð.

[Símon Pétur frá Hákoti (IP-tala skráð) 11.11.2018 kl. 21:15]

Nakið mun landið verða, öll sú alúð og væntumþykja sem þjóðin hefur sýnt landinu eftir að hún fékk fullveldi fyrir aðeins hundrað árum síðan með uppgræðslu og auknum áhuga á verndun landsins gæða ... mun verða spottuð af örfáum mönnum sem við vitum vel hverjir eru, sturluðum gróðapungum og gróðabuddum sem skömmtuðu sér launin langt umfram aðra.  Er þar hina svokölluðu Vinstri grænu að finna?  Er þar forystumenn og ráðherra Sjálfstæðisflokksins að finna? Eitt er alveg víst og það er að Framsóknarflokkurinn er sem þú segir af Sigurði Inga í pistlinum, opinn að aftan og framan.

[Gunnar Heiðarsson, 11.11.2018 kl. 21:34]

Þakka þennan pistil þinn Ómar.

Þú hefur verið andlit umhverfisverndar hér á landi um langa hríð. Samþykkt þessa pakka kemur vissulega mikið að umhverfisvernd og hætt við að við munum missa tökin á þeim málum fljótt, verði pakkinn samþykktur.

Víst er að samþykkt þessa orkupakka mun leiða af sér sæstreng til annarra landa, mun fyrr en haldið hefur verið fram. Eftir að einn strengur hefur verið lagður og tengdur, jafnvel fyrr, mun koma fram krafa um lagningu á öðrum streng, í nafni afhendingaröryggis. Þriðji og fjórði strengur mun svo væntanlega fylgja á eftir. Framleiða þarf orku fyrir alla þessa strengi.

Fyrir fyrsta strenginn þarf samsvarandi einni Kárahnjúkavirkjun, að lágmarki, til að fóðra strenginn með orkutöpum. Þá er miðað við að orkunotkun okkar muni ekki aukast.

Þá komum við að næsta atriði er snýr að umhverfisvernd. Til að fóðra bílaflotann, eftir að hann hefur verið rafvæddur, þarf að virkja. Það er bull þegar menn halda því fram að svo sé ekki, enda er orkunotkun eins rafbíls, m/v meðal keyrslu bíla í dag, nánast jafn mikil og orkunotkun eins meðal heimilis. Menn hafa komist að þeirri niðurstöðu að með stýringu á hleðslu bíla þurfi ekki að virkja. Að raforkukerfið verði þá full lestað hverja stund sólahringsins alla sólahringa ársins. Það sjá allir að slíkur Exelreikningur er bara tálsýn.

Ef lagður verður strengur getum við blásið á þá hugmynd að rafvæða bílaflotann. Rammaáætlun býður ekki upp á slíkt magn raforku. Hvort viljum við frekar? 

Þú hefur gjarnan notað hugtakið "túrbínutrix", sem er í raun samhljóða alþjóðlegu hugtaki sem nefnt hefur verið "salami aðferðin". Túrbínutrix á sannarlega við þegar rætt er um 3. orkumálapakka ESB, enda býður 4. pakkinn opinberunnar þar til allir hafa samþykkt þann þriðja.

Hér á landi hefur allt of lítið verið rætt um áhrif þessa orkupakka á umhverfismál, ólýkt því sem umræðan í Noregi snerist. Vonandi fara augu manna að opnast og að sá þáttur fái sinn sess í umræðunni. Þar er af fleiru að taka en ég nefni hér fyrir ofan, s.s. stýring á söfnun í lón orkuvera, en það atriði notuðu umhverfissamtök í Noregi mikið í sínum málflutningi.

Hvað sem öllu líður, þá er ljóst að áhrif þessa pakka eru mjög víðtæk, ekki einungis gagnvart þjóðinni, heldur einnig landinu. Haldi einhver að við munum fengið einhverju ráðið í framtíðinni hvaða landsvæði fái frið frá virkjunum og hvaða landsvæði verði lögð undir lón, fer sá hinn sami villu vegar. Þó vissulega er ekkert sé í 3. orkupakkanum sem beinlínis tekur á því, má fastlega búast við að völd ACER aukist verulega á því sviði í þeim orkupökkum sem eftir eiga að koma.

Enn höfum við einungis samþykkt tvo fyrstu pakkana og því enn hægt að stíga skrefið til baka. Eftir að sá 3. verður samþykktur og lagning strengs hafin samkvæmt honum, erum við orðin föst í netinu og getum ekkert að gert.

Þeir sem eru í vafa um hvort samþykkja eigi þennan streng, þurfa bara að spyrja sig einnar spurningar; um hvað snýst þessi orkupakki ESB?

Svarið er einfalt: um stýringu á orkuflæði milli landa. Það segir sig þá væntanlega sjálft hver áhrif samþykktar hans verða og til hvers er spilað.

[Símon Pétur frá Hákoti (IP-tala skráð) 11.11.2018 kl. 22:02]

Mér þykir vænt um að lesa, og vita, að nú hefur Ómar Ragnarsson einnig brugðið upp mynd hryllingsins á svipaðan og Gunnar Heiðarsson hafði gert í pistli sínum og nú í athugasemd hér.  Mér virðist nú sem nær allir moggabloggararnir ætli að berjast af krafti í orustunni um land okkar, aðeins Björn Bjarnason er sem fastur í sinni gjótu sem Gollum í Hringadróttinssogu.  Leyfum greyinu að vera í sinnu gjótu í friði við að leita sem sturlaður að -my precious- Það hæfir honum greinilega vel, því þar virðist hann vilja vera, einn.

[Dagný (IP-tala skráð) 11.11.2018 kl. 23:24]

Engan streng. Við getum hvort sem er ekki framleitt nóg rafmagn til að flytja út nema með því að virkja allt sem virkjanlegt er á Íslandi og ég tel að frekar fáir íslendingar hafi áhuga á því.

[Símon Pétur frá Hákoti (IP-tala skráð) 11.11.2018 kl. 23:57]

Ratcliffe og öll landa og jarðakaup hins moldríka breta liggja óhuggulega nærri Dettifossi.

[Ómar Ragnarsson, 12.11.2018 kl. 10:21]

Stóriðjan gleypir slík ósköp af orku, ég tala nú ekki um ef á að tvöfalda orkuvinnsluna frá því sem nú er, að forstjóri Orku náttúrunnar skaut á að það næmi um 3 prósentum af orkuframleiðslu landsins. 

En þessi 3 prósent eru hins vegar stór hluti af þeim innan við 20 prósentum af orkuframleiðslunni, sem falla til íslenskra fyrirtækja og heimila eins og molar af hinu stóra borði. 

[Pétur Örn Björnsson (IP-tala skráð) 12.11.2018 kl. 11:02]

Hafðu miklar og góðar þakkir fyrir þennan pistil þinn Ómar.

Það er skelfilegt til þess að hugsa, ef þingið samþykkir, að

herja á öll helstu náttúruverðmæti landsins

og þjóðarinnar.

með hagsmuni evrópskra stórfyrirtækja helst í huga, meðan hagsmunir lands og þjóðar verða fyrir borð bornir.  Hvers konar lyddur erum við sem þjóð, ef við leyfum þingliðadruslunum það?  Hve hjárænulegt verður þá allt tal t.d. VG um umhverfisvernd, eða Framsóknar um hag íslenskra bænda, eða Sjálfstæðisflokks um sjálfstæði og fullveldi lands og þjóðar!

Það er með ólíkindum hversu græðgin getur borið vit manna ofurliði.

Það er þó með enn meiri ólíkindum hversu lágt þingmenn og ráðherrar geti lagst, ef þeir samþykkja þennan 3. orkumálapakka og það með þeim afleiðingum sem þinn góði pistill lýsir.

[Elías B Elíasson (IP-tala skráð) 12.11.2018 kl. 17:07]

Þakka þér fyrir þennan pistil Ómar. Ég hef lengi beðið eftir því, að náttúruverndin láti í sér heyra um málið. Ég hef stundum sagt, að ef þessi orkupakki verði samþykktur verður náttúruverndin okkar síðasta vörn fyrir landið. Samþykkt hans hefur ótrúlega víðtækar afleiðingar.

Það er alveg ljóst, að ef þriðji orkupakkinn er samþykktur eins og hann er, þá erum við föst í netinu og verðum að samþykkja framhaldið. 

Enn og aftur, takk Ómar. Ég er sammála þér um alla þá punkta sem þú setur fram.

Kveðja. Elías B Elíasson

[Sigurður Kristján Hjaltested, 12.11.2018 kl. 22:20]

Maður spyr sig, hvað er að í höfðinu

á þeim sem á þinig sitja...??

Er þingmanneiðurinn svo ómerkilegur, að

hann fyrir þetta lið, er bara til að uppfylla

skilyrðin fyrir laun..??

En takk fyrir frábæran pistil Ómar

Ég held samt, að aldrei hafi komist á sá tími sem er í dag,

þegar þjóðin þarf að horfa uppá það, varnarlaus,

því ekki höfum við ÓRG,

að alþingi ætli sér að koma þessu í gegn, þrátt

fyrir að meirihluti þjóðarinna sé á móti þessum

gjörningi. Talandi um gjánna á milli þings og þjóðar.!!

Þá er sú gjá svo stór, að forsetinn og allt þingið

eins og leggur sig, er þar á botni.

Sorglegt en satt.