Aumlegt yfirklór.

Fyrirgefningin er eitt af höfuðatriðum kenninga Krists og kristinnar trúar og gerir hana að trúarbrögðum mannskilnings, mannúðar og umburðarlyndis.

En samhliða fyrirgefningunni verður sönn iðrun og yfirbót að fylgja með. 

Barnalegar tilraunir til útúrsnúninga og aumlegs yfirklórs og málsbóta eru ekki til þess fallnar að lækna og milda, heldur geta gert illt verra, því að með slíku er verið að breyta málinu í misskilning og vænisýki þess sem misgert er við.  

Selahljóðin „líklega stóll að hreyfast“

Athugasemdir

[Guðmundur Jónsson, 3.12.2018 kl. 10:38]

Það er fyrir neðan mína virðingu að liggja á hleri og ég ætla ekki að hlusta á þessar uptökur.

En hvernig veist þú að þetta er ekki stóll ?

[Guðmundur Eyjólfur Jóelsson, 3.12.2018 kl. 14:48]

Sá sem tók upp hlýtur að vita það hvort um hljóð frá stól eða eitthvað annað sé að ræða. þetta er samt aumt yfirklór og að reyna segja fólki að um einhvern vegg hafi verið að ræða, ég trúi ekki á svona tilviljanir bara alls ekki.

[Ómar Ragnarsson, 3.12.2018 kl. 16:46]

Ég veit ekkert um hvort þetta var hljóð í stóli eða manni, af því að ég hef ekki hlustað á þessar upptökur en treysti því að rétt sé farið með það sem sagt var eða kom fram í hljóðum. 

Það, sem er óumdeilt að sagt var, var langt yfir strikið og skiptir ekki máli hvort hljóðið, sem hægt var að túlka sem selahjóð, kom úr hreyfðum stóli eða einhverju öðru. 

[Guðmundur Jónsson, 4.12.2018 kl. 17:28]

Þú leggur sem sagt meira traust á drullusokka sem liggja á hleri og taka upp einkasamtöl til þess að dreifa þeim klippum til fjölmiðla, en þingmanna og fyrrum forsætisráðherra.