Slæm jólafrétt: því meiri hraði, því styttri viðbragðstími og gereyðingarhætta.

Síðastliðina hálfa öld hefur GAGA-kennisetningarinnar, skammstöfun fyrir "Gagnkvæm Altryggð Gereyðing Allra") gilt um svonefnt ógnarjafnvægi risa kjarnorkuveldanna, Bandaríkjanna og Rússlands. 

GAGA er lausleg þýðing á MAD, "Mutual Assured Destruction". Forsenda GAGA felst í orðinu "assured", eða "altryggð" sem merkir það að hvor aðili um sig verður að gera ráð fyrir að hinum sé trúandi til þess að hefja kjarnorkuárás. 

Helsta ástæða þess, að annar aðilinn kynni að hefja fyrirvaralausa árás er sú að hún væri af hans hálfu hugsuð sem "fyrirbyggjandi árás", þ. e. með svo algera gereyðingu að ekkert andsvar yrði og árásaraðilinn stæði því uppi sem sigurvegari. 

Þessi kennisetning hefur verið í gildi og er enn, jafnvel þótt vitað sé, að slík árás, sem ekki yrði svarað, myndi hafa svo hroðalegar afleiðingar fyrir allt líf á jörðinni og valda slíku hruni á mannlífi, að það yrði í skásta falli aðeins leifar þess sem nú er. 

Og árásaraðilinn, "sigurvegarinn" myndi líklegast ganga frá sjálfum sér í leiðinni. 

Raunar á þessi hugsun, GAGA, sér fordæmi rúmlega öld aftur í tímann, hvað varðar heri stórveldanna, sem þá bárust á banaspjótum í Fyrri heimsstyrjöldinni.

Einn af hershöfðingjum Breta sagði þá, að jafnvel þótt að aðeins stæðu eftir á lífi 1000 hermenn Bandamanna eftir en allir þýsku hermennirnir hefðu verið drepnir, væru slíkar mannfórnir verjandi, "sigursins" vegna.

Það blasir við hvað GAGA-kennisetningin er mikil geggju, og síðustu hálfa öld hafa risaveldin reynt á veikburða hátt að draga úr ógn hennar með því að fækka vopnum, og gera ráðstafanir til þess að gereyðingarstríð hefjist fyrir slysni. 

Þegar stefndi í það að komið yrði upp skammdrægum kjarnorkueldflaugum í Evrópu blasti við, að viðbragðstíminn vegna notkunar slíkra vopna gæti orðið óviðráðanleg ógn í sjálfu sér. 

Þess vegna tókst að ná samkomulagi um að binda kjarnorkuheraflann við langdrægari eldflaugar. 

Hársbreidd munaði þó 1983 að gereyðingarstríð hæfist fyrir slysni vegna bilunar í tölvuvæddum viðbragðsbúnaði Rússa. 

Það var að þakka einum manni, sem sá hve viðbragðstíminn var skammur við þeirri árás allmargra flugskeyta frá Bandaríkjunum, sem bilað tölvukerfi sýndi, að hann tók strax af skarið og ákvað að láta þessa vitneskju sína fara lengra.

GAGA byggist líka á því að hvor aðilinn um sig geti svarað árás með gagnárás. 

Þegar Reagan tilkynnti um "Stjörnustríðsáætlun" sína sem átti að gera Bandaríkjamönnum kleyft að eyða hvaða árás Rússa sem væri með varnareldflaugum utan úr geimnum, setti það GAGA kennisetninguna í uppnám, því að það hefði þýtt, að Rússar gætu ekki ráðist á Bandaríkjamenn, heldur aðeins öfugt. 

"Ógnarjafnvæginu" hefði verið eytt. 

Samningar Gorbatsjofs við Reagan og Bush eldri miðuðust við það að minnka gereyðingarvopnabúr stórveldanna, ógnarjafnvægið héldist að vísu, en viðbragðstíma við árás yrði ekki of stuttur. 

Nú ógnar tvennt GAGA-kenningunni, annars vegar hugsanleg uppsetning skammdrægra eldflauga í Evrópu, og hins vegar fullkomnari og hraðfleygari langdræg flugskeyti, sem Pútin greinir frá á hátíð friðarins, jólunum, að Rússar séu að koma sér upp. 

Í svona pælingum má ekki gleyma fánýti GAGA-kenningarinnar og ógnarjafnvægisins hvað snertir það, að auðvitað er tilvist vopna, sem geta gereytt hugsanlegum stríðsaðlinum fimm sinnum eða oftar hreint brjálæði og að því lengur sem slíkt brjálæði er sagt hafa tryggt frið og eigi að tryggja frið, því meiri líkur eru á því að það, hvað friður hefur þó haldist lengi, skapi trú á það, að kenningin sé árangursrík. 

En það er hins vegar alger hundaheppni ef GAGA-kenningin hefur gert það og ekki spurning um hvort, heldur hvenær mistekst að láta hana gera það.  

Þvert á móti er tilvist vopna, sem geta eytt lífi á jörðinni mörgum sinnum, mesta ógnin, og eina leiðin til að tryggja varanlegan frið og tilvist mannkynsins er að eyða þessu tryllingslega og vitfirringslega vopnabúri.  

 

 

 

Rússar með ný hljóðfrá kjarnorkuflugskeyti

Athugasemdir

[Jón Þórhallsson, 26.12.2018 kl. 20:23]

Fólk á öðrum plánetum í geimnum hefur áttað sig á þessum málum fyrir löngu síðan og það fólk ákvað að hafa bara eina jarðarstjórn á plánetunni.

=Svipað og ef að allir herirnir hér á jörðu myndu flagga fána SAMEINUÐUÞJÓÐANA  OG ÞYRFTU AÐ LÚTA SITJANDI FRAMKV.STJ. ÞAR HVERJU SINNI: 

https://thjodarskutan.blog.is/blog/thjodarskutan/entry/2220418/

[Örn Einar Hansen, 26.12.2018 kl. 21:08]

Petta er kjánalegt, og heimskulegt ...

Vandamálið í þessu samhengi er að allir reyna að finna leið til að sigra andstæðinga sína. Bandaríkjamenn heilaþvoðu Íslenska fávita (og aðra) og fengu settar eldflaugar í Evrópu, sem gera þeim kleift að skjóta niður Rússneskar kjarnorkuflaugar þegar þeim er skotið.

Hillary Clinton, gortaði af þessu ... með að segja að það tæki bara 5 mínútur að gera allt tilbúið til að skjóa á Rússa.

MAD, er því ekki lengur til staðar og Rússar eru nauðbeygðir til að finna aðra möguleika til að tryggja "lif" sitt.

Vandamálið er, hversu "heimskur" þú ert ... og allir aðrir, sem eru þér líkir. Hvernig dettur þér í hug, að þú eða börn þín lifi af ... ef bandaríkjamenn takist að gereyða Rússum.

Hversu lág, er greyndarvísistala þín... er hún á algerru núlli?

Bandaríkjamenn hafa reiknað út, að þeir munu lifa af ... ef Rússland eyðist, en ÆLL EVRÓPA mun gereyðast. Bandaríkjamenn eru hér, ekki að "vernda" Evrópu, á nokkurn hátt ... og allir þeir, sem fylkjast að bandaríkjunum í þessu samhengi, eru FÖÐURLANDSVIKARAR ... þetta er fólk, sem gefur skít í börn sín, og afkomendur ... svo lengi sem það sjálft getur lifað góðu lífi á Saudi Arabískum peningum.

Þetta er ekki "illa sagt", heldur staðreynd ...

Ekkert okkar, lifum af árás á Rússland ... og þetta er það sem Rússar nota, sem vernd fyrir tilveru sinni ... að ef einhver ræðst á Rússa, mun það kosta líf árásar aðilans. En Bandaríkjamenn gefa skít í lifnaðarhætti, og líf Evrópumanna yfir höfuð. Þeir eru nasistar nútímans ... nota Evrópu sem "buffer zone" ... fórna Evrópu, fyrir eigin lífi.

Íslendingar, eru hér ... mitt á milli. Þið verðið að velja, hvort þið séuð EVRÓPU megin, eða með bandaríkjunum ...

[Jón Þórhallsson, 26.12.2018 kl. 23:17]

Ef að 1 kjarkorkusprengja er send í loftið frá USA á rússa eða öfugt 

þá er fjandinn laus og erfitt að stoppa dominos-spilið.

[Halldór Jónsson, 27.12.2018 kl. 03:52]

I dr. Strangelove segir brjálaði generállinn þegar hann fréttir að Rússar hafi smíðað svo mikla sprengju að hún slái allt annað út: Gee, I wish we had one of them Doonmsday-Machines.