Óþægileg staðreynd, áttfalt bruðl með næringu í nautgriparækt.

Þegar einn sona síðuhafa var kornungur gerðist hann grænkeri, Hann kvaðst líta á hina stórfelldu framleiðslu á heimsvísu, samanber kjörorðið  "hugsaðu á heimsvísu - aðhafstu á landsvísu!" 

Hann tilgreindi þá ástæðu að við nautakjötsframleiðslu í heiminum væri notað grænfóður á borð við maís þar sem áttfalt færri hitaeiningar og næring fengjust úr hnerju kílói af nautakjöti en myndu fást við beina neyslu úr hverju kílói af maísnum sjálfum. 

Í þessu fælist gríðarlegt bruðl kolefnisfótspor og mengun í heimi þar sem hundruð milljóna byggju við sultarkjör.

Ég benti honum á að á Íslandi væri gras meginuppstaðan í fóðri holdanauta, án þess þó að ég vissi nákvæmlega hvort og þá hve mikið væri aðkeypt í formi kraftfóðurs. 

En líklegt væri að meinlæti hans bæri snöggt um minni árangur hér á landi en sunnar á hnettinum. 

Nema að hægt væri að framleiða matvöru til manneldis hér á landi. 

Kom þá upp í hugann frásögn Gísla sögu Súrssonar af því þegar menn sem leituðu að Gísla komu að Ingjaldsfíflinu í lautu að bíta gras.

 

„Besta ákvörðun sem ég hef tekið“

Athugasemdir

[Ævar Austfjörð (IP-tala skráð) 5.1.2019 kl. 11:01]

Sæll Ómar.

Mín reynsla er súað þeir sem aðhyllast vegan lífstílinn kunni illa að fara með staðreyndir og vilji helst bara segja hluta sannleikans.

Sannleikurinn er að meira en 80% af fæði matardýra á heimsvísu er óætt fyrir menn. Það er ekki maískornið sjálft eða sojabaunin sem dýrin éta í miklu magni heldur aukaafurð ræktunarinnar eins og t.d. plantan. Þetta á lika við um hveiti bygg og fleira. Einnig er hrat af korni úr brugghúsum notað í dýrafóður. Er ekki frábært að hafa þessar stórkostlegu skepnur sem jórturdýrin eru til að breyta annars óætri aukaafurð kornræktar í einhvern næringarríkasta mat sem völ er á fyrir menn.

Raunin er sú að af fóðri matardýra sem er ætt mönnum þarf 0.6 kg af korni til að framleiða 1 kg af kjöti. Það er dýrmætt.

Bestu kveðjur

https://www.sciencedirect.com/science/article/pii/S2211912416300013