Hamast við að gera Klausturmálið að nýju sakamáli.

Tveimur mánuðum eftir að ný tegund klausturlifnaðar var stundaður  er hamast við það í fjölmiðlum og á samfélagsmiðlum hjá sumum í hópi stuðningsmanna Klastursfólksins að reyna að halda málinu gangandi á þeim nótum að hið raunverulega sakamál sé samtvinnað samsæri, nú orðið að hefndarherferð Steingríms J. í kjölfar saknæmrar árásar Báru Halldórsdóttur inn í einkalif Alþingismanna. 

Á bloggsíðu eru viðraðar grunsemdir um að upptaka Báru sé fölsuð.

Sé svo, hvað þá um játningar Klausturfólsins?

Segir þingforseta svala hefndarþorsta

Athugasemdir

[Þorsteinn Siglaugsson, 21.1.2019 kl. 16:08]

Játningarnar eru líka falsaðar. Eins og í Geirfinnsmálinu. Bíddu bara eftir næstu grein frá aðal.

[Richard Þorlákur Úlfarsson, 21.1.2019 kl. 17:45]

Ég segi einsog góða fólkið:

Sannleikurinn er sagna bestur, nema þar sem það á ekki við.

Ef Bára upptakari og lögfræðigengið hennar hefur ekkert að fela, af hverju eru þau þá að hindra að allt komi uppá borð?

[Borgari (IP-tala skráð) 21.1.2019 kl. 18:33]

Á meðan HAMAST Samfylkingin á að Braggamálið sé einugis pólitískt upphlaup sem sé komið út í skurð

[Thorvaldur Sigurdsson (IP-tala skráð) 21.1.2019 kl. 22:09]

Mér finnst síðasta orðið í pistlinum langflottast, og ekkert víst að það hafi verið innsláttarvilla.

[Ómar Ragnarsson, 21.1.2019 kl. 23:16]

Takk fyrir að benda mér á innsláttarvilluna. Úr því sem komið er mega lesendur ráða hver fyrir sig, hvort k-ið, sem datt út, er í orðinu eða ekki.