Bára grunsamlega útbúin á Austurvelli?

Frettin um konu sem lægi í annarlegu ástandi i tengdri frétt á mbl.is er ekki sú eina af því tagi þassa dagana. 

Krafan um lögreglurannsókn á hinum raunverulegum afbrotamönnum i Klausturmálinu, sem rekin hefur verið daglega á samfélgasmiðlum síðustu vikur tekur nefnilega á sig æ athyglisverðari mynd. 

Hið nýjasta er að benda á grunsamlegan mun á þvi hvernig Bára Halldórsdóttir hefði verið útbúin og klædd, annars vegar á Austurvelli i gær, dúðuð, sitjandi í hjólastól, en hins vegar allt öðruvísi útbúin á Klausturbarnum 20. nóvember sl.

Það er verulega áhugavert að taka þátt í þessari rannsókn, því að sakbendararnir hafa ekki fyrir því að afla augljóslegra gagna í málinu með því að leita til upplýsinga Veðurstofunnar um aðstöðuna á þessum tveimur stöðum og leita skýringa á því af hverju Bára sat í hjólastóli á Austurvelli, því að verulega grunsamlegt sé hve miklu meiri tíma hun var á basrnum en á vellinum.  

Þessi gögn eru fljótfundin:  

 

Klausturbarinn 20. nov: 

Vindur:  Logn. 

Hiti ca 23 stig.

Hiti, ef vindndkæling er tekin með:  Sami, vindkæling engin, nema hugsanlega ?örlítill gustur þegar dyrnar voru opnaðar augnablik og ískur i hemlum reiðhjóls heyrðist í þann mund sem rætt var um hljóðin sem fylgdu persónu sem rætt var um.

 

Austurvöllur 27. jan: 

Vindur:  Norðan 5 - 7 m/sek, ( 10 - 15 hnútar) 

Hiti: Frost 3,5 stig. 

Hiti, ef vindkæling er tekin með: Meira en 10 stiga frost.

Snjóþekja á jörð.

 

Nú er hægt að bera þessi skilyrði saman með því að hafa þessi gögn í höndum. 

 

Bára sat í stól á báðum stöðunum. 

Grunsamlegt þykir að hún skyldi sitja i hjólastól á Austurvelli. Það þarf að komast til botns í því, - ekki satt? 

Ef hún sat við stól við borð inni á veitingastofunni, - af hverju sat hún ekki við borð á Austurvelli?

Og síðan er það sem þykir ekki standast: Að hún hafi haldist við í heilar 3,5 klukkustundir á barnum, úr því að hún þurfti að eigin sögn að sitja kappklædd í hjólastól á vellinum í aðeins rúman hálftíma.

Tölur, sem gætu hjálpað;

Austurvöllur í 0,5 klst í ca 30 stiga minni raunhita en á 3,5 klst fundi á Klausturbarnum.

 

Frekari ábendingar og gögn eru vel þegin í athugasemdum við bloggpistilinn. 

 

 

 

  

  

     

Var að njóta snjókomunnar

Athugasemdir

[Þorsteinn Siglaugsson, 28.1.2019 kl. 22:19]

Kosturinn við samsæriskenningar er sá, Ómar, að það er alveg sama hvað er reynt til að afsanna þær, þær sanna sig alltaf sjálfar aftur.

[Gunnar Heiðarsson, 28.1.2019 kl. 22:31]

Ég skil ekki alveg hvernig þú getur tengt þetta blogg þitt við viðhangandi frétt, Ómar. Reyndar skil ég ekki bloggið í heild sinni. Hef ekki orðið var við að menn hafi almennt verið að setja út á ferðamáta eða klæðnað Báru á Austurvelli.

Hins vegar hef ég lesið um að undarlegt gæti talist að hún hafi getað setið í á fimmta klukkutíma á Klausturbar en ekki treyst sér til að sitja í 30 mínútur í Héraðsdómi. Um þau skrif ætla ég ekki að dæma, enda hef ég ekki hugmynd um hvað hrjáir þessa konu, hvaða sjúkdóm hún er að berjast við. Vel getur verið skýring á þessu.

Eftir sem áður á þessi bloggpistill þinn lítið erindi við fréttina sem þú tengir hana við. Þar er hvorki verið að fjalla um Klaustursmálið né Báru eða klæðaburð hennar. Þessi frétt er úr dagbók lögreglunnar um atburði síðustu nætur og eins og fram kemur þurfti hún hvorki að skipta sér af meintum brotamönnum í Klaustursmálinu né af Báru Halldórsdóttur.

[Ómar Ragnarsson, 29.1.2019 kl. 01:31]

Í upphafi pistilsins eru tengslin útskýrð: Annars vegar umfjöllun á mbl.is um konu í meintu annarlegu ástandi úti í snjónum, og hins vegar umfjöllun á bloggsíðum, einkum einni, um annarlega hegðun konu úti í snjónum á Austurvelli.  

[Már Elíson, 29.1.2019 kl. 23:19]

Sumir hafa bara ekki húmor...ekki vott, eins og sjá má á umkunarverðum "svörum" á blogginu. - Skemmtileg pæling Ómar, og verðugt fyrir samsæringasinna....