"Fjölnota snarlpokinn" lagar málið strax.

 Plastpokavandi nútímans, sem er þegar orðinn að vaxandi ógn í lífríkinu, sem er meira en 99% tilkomin vegna þess að plastpokarnir eru yfirleitt einnota. 

Í mörg ár hefur síðuhafi gengið með sama litla plastpokann á sér hvar sem hann fer, og þarf ekki annan poka næstu misseri eftir margra ára notkun. 

Í honum er ein lítil 200 ml. fjölnota plastflaska með vatnim sem hægt að fylla á út um allt,  minnsta 4K gæða myndatökuvélin á markaðnum, örlítil plastaskja með barnamatskorni auk smáhluta eftir atvikum, lyklum, pennum og jafnvel lítilli minnisbók. 

Ég hafði notað pokann í nokkur ár þegar ég tók meðfylgjandi neðri mynd af honum með því, sem þá var í honum og aldurinn sést á honum. 

Þá var hálfs lítra vatnsflaska í honum og 200 ml Coke Zero flaska.

Ég á nokkra aðra fjölnota poka úr taui eða umhverfisvænu efni, þannig að bann eftir tvö ár snertir mig ekki. 

Sjá hefur mátt á samfélagsmiðlum þær skoðanir að fréttir um plastvandinn svonefnda séu "falsfréttir umhverfisöfgamanna."

Samkvæmt því var plastpokahroðinn á íslenskum ströndum,sem síðuhafi gat þegar sýnt í sjónvarpi fyrir aldarfjórðungi "falsaður" og þá væntanlega líka nýjustu rannsóknir, sem sýna, að plastagnir eru komnar inn í lífverur á sjó og landi, allt upp í mennina sjálfa. 

Satt að segja er það ekki síður ógnvænlegt hvernig harðsnúinn hópur manna afgreiðir allar fréttir af þessu tagi sem falsfréttir í síbylju, sem er orðinn að stækkandi vandamáli á samfélagsmiðlum vegna þess mikla ógagns sem hún gerir.  

Bannað verði að afhenda plastpoka

Athugasemdir

[Ingibjörg (IP-tala skráð) 31.1.2019 kl. 16:58]

Það er nauðsynlegt að setja bækur sem farið er með út af bókasöfnum í poka til að verja þær gegn úrkomu. Fjölnota taupokar gera það ekki. Best er auðvitað að gesturinn komi með sinn eiginn poka eða lokaða tösku, en hvað á að gera ef hann gleymir því og rigning er úti? Þá þarf safnið annað hvort að hafa poka, eða neita að afhenda honum bókina.