Í hvað fer öll gífurorkan? Hellisheiðin færð til.

Þegar farið var mikinn í upphafi þessarar aldar við að gera skýjaborgaáætlanir um það sem síðar kom fram, að virkja 16 af 19 háhitasvæðum á Reykjanesskaganm og gera svæðið frá Þingvallavatni til Reykjanestáar að eins konar "ruslakistu rammaáætlunar", voru settar fram himinháar tölur um afköst þessara svæða. 

Þegar síðuhafi leitaði að upplýsingum um Krýsuvíkursvæðið var gert ráð fyrir 500 megavatta afli á þeim eina stað af þessum sextán! 

Og afl Hellisheiðarvirkjunar var auglýst 303 megavött. 

Upplýsingar frá Landmælingum í hitteðfyrra sýndu stórfellt landsig bæði á Nesjavalla- og Hellisheiðarsvæðinu annars vegar, og hins vegar á Svartsengis-Reykjanesvirkjunarsvæðinu sem rímaði við mikil orkufall á báðum svæðunum, allt að fjórðungs fall. 

Um daginn var mikið látið með nýja og mikla orku á Hellisheiði, en þegar betur var að gætt, var ekki að sjá annað en að nýja borsvæðið tilheyrði Mosfellsheiði. 

Þegar litið er á það að uppsettar afltölur á þessum virkjunarsvæðum eru mörgum sinnum hærri en nemur þeirri orku, sem þarf til heitaveitu fyrir þéttbýlið, vekur það óneitanlega spurningar, hvernig svo megi vera þótt það komi 4-7 stiga frost í nokkra daga. 

Ætlar enginn fjölmiðill að kanna það?

Kemur á óvart að Veitum sé brugðið

Athugasemdir

[Júlíus Valsson, 31.1.2019 kl. 17:13]

Varmaaflsvirkjanir eru langt frá því að vera sjálfbærar. Áhrif þeirra á grunnvatnið og aðgengi að heitu vatni eiga eftir að koma betur i ljós. Menn verða að gæta hófs í þessu eins og öðru. Æðibunugangurinn leiðir líklega til slappari heitavatnsbunu. 

[AMX (IP-tala skráð) 31.1.2019 kl. 17:37]

Nú þarf bara að virkja meira td Skjálfandafljót og Veita Jökulsá á fjöllum austur og virkja mætti einnig huga að eyjabökkum og veita vatni þannig að virkjun væri í Berufjarðabotni.Svo er lítið mál að leggja háspennulínu yfir hálendi ogsetja upp raforkukatla sem gætu nýst sem varaafl fyrir hitaveituna.Að lát þessi vatnsföll renna óbeisluð er bara þröngsýni og fyrra.Kárahnjúkavirkjun  á ekki langt eftir að verða sjálfbær peningalega ekki lang þangað til hún er skuldlaus.Orkan frá henni hefur skapað þúsundir ársverka og komið Austlendingum til góða með aukini atvinnu,bættum lífskjörum betra mannlífi og allir eru ánægðir sem njóta góða af orku Kárahnjúka.

[Ómar Ragnarsson, 31.1.2019 kl. 21:38]

Vatnsafl Jökulsár í Fljótsdal er þegar fullvirkjað fyrir Kárahnjúkavirkjun með því að láta það renna í gegnum hverflana í Fljótsdalsstöð neðst í Fljótsdal.

Gott væri að vita hvernig á að taka það vatn þar sem það kemur út úr Fljótsdalsstöð og koma því upp til baka upp á að Ufsarlóni til þess að leiða það niður i Berufjarðarbotn.  

[Eyjólfur Jónsson, 31.1.2019 kl. 22:02]

Ómar! ég held að úr þessu sé ekki lengur hægt að láta skrif og mótmæli næga til að rétta upp vanstýringuna í öllum orkumálum í landinu, upp með svipaðar aðferðir og frakkar hafa notað upp á síðkastið og þetta vita allir sem það vilja, en þrælsóttinn er orðinn landlægur hér,það er alveg klárt. Og nú á að ráðast í síðasta "ósnerta" fjalllendið í landinu.Ég er 75 ára og er alveg búinn í skrokknum eftir vélavinnu í grjóti mest alla æfi, en ég fer samt af stað með dínmit í vasanum til að spyrna á móti.

[AMX (IP-tala skráð) 31.1.2019 kl. 22:34]

Koma Jökulsá á Fjöllum austureftir  í hálslón og með auknu innstreymi í hálslón er komin möguleiki á að virkja meira td me um 17 km jarðgöngum í austur fyr vatnið eo virkjun í fljótsdal,en bewt er að horfa til Berufjarðar.Það eitt að nýta alla þá virkjunar kosti sem í boði eru er hagstætt þjóðini og jafnframt að nota rafmagnið til iðjuvera,Iðjuver hafa leitt þjóðina til hagsældar.Það er fáránlegt að lát vatn renna óbeislað til sjávar