Auðlindarenta, hugtak sem of mikil þögn hefur ríkt um.

Síðuhafi átti þess kost fyrir nokkrum árum að hlýða á merkan fyrirlestur Indriða H. Þorlákssonar um hugtakið auðlindarentu, og ekki var siðra að heyra hann svara ýmsum fyrirspurnum hans um þetta efni. 

Niðurstaða Indriða var sú, að langur vegur væri frá að greidd væri eðlileg auðlindarenta til þjóðarinnar af afnotum fyrirtækja af auðlindum landsins. 

Indriði nefndi ýmsar tölur máli sínu til stuðnings, og voru þær sláandi. 

Nýjar tillögur hans í þessu efni koma síðuhafa því ekki á óvart, en kalla á frekari kynningu á eðli auðlindarentu og nauðsyn þess að hún sé notuð á mun fleiri sviðum en verið hefur. 

Veiðigjöld verði 75% af umframarði

Athugasemdir

[Jóhannes Laxdal Baldvinsson, 7.2.2019 kl. 19:27]

Auðlindarenta er bara hugtak sem hljómar vel en er í reynd illframkvæmanlegt að leggja á og innheimta. Miklu nær er að tala bara um leigugjald eða afnotagjald eða hráefnisgjald allt eftir eðli verðmætanna.

[Haukur (IP-tala skráð) 7.2.2019 kl. 22:28]

Það er vel framkvæmanlegt að innheimta auðlindarentu. Það eina sem þarf að gera er að bjóða út aflaheimildir á frjálsum markaði.

[Sigurður Antonsson, 7.2.2019 kl. 22:35]

Takk fyrir stórmynd kvöldsins um göngusvæði á Mosfellsheiði. Þar er ekki tekið af litlu og endurauðgað. Sjálft göngusvæði Nóbelsskáldsins.

Óskar Magnússon og kona hans hafa gert fagrar vefmyndir  af bróðir Stalin. Stóra átrúnaðargoðinu sem blekkti fjölmarga.

Sérstæðar vefmyndir, standa sínum eigin fótum. Eins og myndir Stórvals málara kenndum við Möðrudal. Hesturinn og Herðubreið voru hans yrkisefni. Óður þessara listamanna beindist fyrst og fremst að íslenskri náttúru. Með því að kynna íslenska náttúru í verkum sínum hafa þau dregið að erlenda ferðamenn. Sérkennilegt og hógvært náttúrufólk. 

Frumkvöðlar hafa stækkað auðlindina sem af áfergju er nú sótt í. Heitir nú ferðamannaþjónusta. Margir skoðanabræður Stalins vilja eigna sér síbreytilega náttúru, taka nýskatta af þeim sem umgangast hana. Orðskrípið auðlindarenta er búið til af hagfræðingum og embættismönnum sem engu eira og eiga alltaf erfitt með að útskýra hinu sönnu auðlind, sem er sjálfsprottin. Þér hættir einnig við að fara út af laginu þegar þú byrjar að tala um peninga.

[Jóhannes Laxdal Baldvinsson, 8.2.2019 kl. 14:25]

Haukur, þú ert að misskilja hugtakið auðlindarenta.  Auðlindarenta er ákveðið hlutfall af umframhagnaði! Og nú eru menn komnir á sprengjusvæði. 

Það sem þú ert að tala um, að bjóða upp aflaheimildir kallast einfaldlega leigugjald.Það sem ég hef hins vegar bent á mörg ár, er að aðskilja veiðar og vinnslu og skylda útgerðir til að selja allan afla á markað.  Af brúttóaflaverðmæti sem þannig er ákveðið af markaði, myndi ákveðinn hundraðshluti renna í innviðasjóð sem hefði það hlutverk, að fjármagna innviðaverkefni svo ekki þurfi að koma til notendagjalda og/eða einkavæðingar á innviðum.

Í dag er verðmæti sjávarafla 30% lægra í opinberum tölum, heldur en raunverulegt verðmæti. Þetta skýrist af því hve stór hluti afla er seldur beint í innbyrðisviðskiptum útgerðar og vinnslu sem eru að 99% í eigu sömu aðila. 

Þegar menn átta sig á þessu þá er öruggt mál að útgerðarstórveldin eru að svíkjast undan að greiða sanngjarnan skatt til samfélagsins. Af hverju halda menn að Þorsteinn Samherji leggi svona mikið kapp á að fjarlægja Már úr Seðlabankanum? Gæti það verið að Seðlabankinn hefði "OF" miklar upplýsingar um bókhaldsfærslu fyrirtækisins og tilheyrandi skattasniðgöngu??????