26.3.2019 | 06:36
Aðferð heimsmeistara: Að taka sér tíma og þreyta andstæðinginn.
Tveir fyrstu leikir íslenska landsliðsins í undankeppni EM karla voru næsta keimlíkir hvað það varðaði að í báðum var annað liðið klassa ofar hinu að getu og nýtti sér það.
Íslendingar tóku sér góðan tíma í Androrra til þess að yfirspila andstæðinginn af þolinmæði og fara ekkert á taugum þótt síðara markið kæmi ekki strax.
Smám saman þreyttist lið örþjóðar, sem er fimm sinnum fámennari en Íslendingar og á ekki jafn mikið úrval af leikmönnum sem spila með þeim bestu í atvinnumennsku í öðrum löndum.
Í París voru sjálfir heimsmeistararnir í stöðu stórþjóðar á heimavelli í leik gegn liði 150 sinnum fámennari þjóðar.
Þegar staða leikmanna beggja liða er skoðuð sést vel, að heimsmeistararnir eiga sterkara lið mann fyrir mann, fleiri menn í byrjunarliðum þeirra besgtu í atvinnumennskunni.
Frakkarnir tóku sér nógan tíma og urðu ekkert ´órólegir, þótt mörkin stæðu á sér.
Á kköflum léku þeir leiðinlega knattspyrnu sem buyggðist á meiri færni í samspili og sterkara liði mann fyrir mann, sem hélt boltanum og lét andstæðingina hlaupa langtímum saman án boltans.
Þegar leið á leikinn fóru mikil hlaup íslenska liðsins í þessum eltingaleik að taka sinn toll í snerpu.
Í flestum markanna munaði kannski ekki nema einu feti í staðsetningum leikmanna á því hvort árás heppnaðist eða ekki, ævinlega heimsmeisturunum í vil.
Íslenska liðið reyndi hvað það gat að hamla gegn augljósum og eðlilegum gæðamun á heimsmeisturum og næstu liðum fyrir neðan þá.
Það er engin skömm að tapa slíkum leik, þótt margir felli harða dóma.
Áfram, Ísland!
Flokkur: Pepsi-deildin | Breytt s.d. kl. 06:40 | Facebook
Athugasemdir
Frakkland, Þýskaland,Brasilía?, þessi lið vinna Íslendingar líklega aldrei, en mögulega öll önnur á góðum degi.
Þetta er aðalega spurning um tvennt, gæði einstaklinganna í liðunum og liðsheildina. Íslendingar geta unnið lið skipuð miklu betri einstaklingum á liðsheildinni.
Liðsheildin virðist inngróin hjá Þjóðverjum og nú um stundir hjá Frökkum, Brassarnir þrátt fyrir frábæra einstaklinga eiga til að klúðra liðsheildinni, þess vegna spurningamerkið.
Bjarni Gunnlaugur Bjarnason, 26.3.2019 kl. 14:02
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.