"Stjórnskipuleg óvissa". Líka stjórnmálaleg pressa varðandi Noreg og ESB.

Friðrik Árni Friðriksson Hirst sagði í samtali við mbl.is að því fylgdi "stjórnskipuleg óvissa" að innleiða 3. orkupakkann eins og nú væri ætlunin. 

Baudenbacher bætti um betur í Íslandsheimsókn sinni og sagði, að aðalatriðið væri stjórnmálaleg óvissa varðandi ESB og Norðmenn. 

Hann benti á að stærð Norðmanna í EFTA væri yfirþyrmandi og nú yrði ekki um lagalega dómstólaleið að ræða eins og varðandi Icesave á sínum tíma. 

Úr þessu er aðeins hægt að lesa eitt: Það er mikil pressa í gangi, sem ekki hefði verið, ef við hefðum farið strax inn á þá leið 2017 að ganga tryggilega frá hnútum í gegnum sameiginlegu EES nefndina. 

Við eigum þó enn völ á því að ákveða að fara þá leið núna, þó seint sé, og þótt það verði gert undir þrúgandi pressu ESB og Norðmanna. 

Það er nú eða aldrei eða hvað?. Hvers vegna að draga þetta?  Fyrr eða síðar kemur að því. Lagið "it´s now or never" var spilað núna rétt áðan í Óskastundinni í útvarpinu. 

Orkupakkinn bæti samkeppnisumhverfi

Athugasemdir

[Þorsteinn Siglaugsson, 10.5.2019 kl. 11:36]

Mér finnst það athyglivert Ómar, að nú er komið fram að samtökin sem þú tekur þátt í, "Orkan okkar", vilja viðhalda leynd yfir orkuverði til stóriðju. Þessi leynd hefur fram til þessa auðveldað stjórnmálamönnum að þrýsta í gegn virkjanaframkvæmdum sem engar fjárhagslegar forsendur eru fyrir og valda þannig óbætanlegu tjóni á náttúru landsins.

Þetta baráttumál samtakanna finnst mér benda til þess, að raunverulegur tilgangur samtakanna sé sá einn að verja hagsmuni erlendra stórfyrirtækja, sem leitast við að fá hér orku á útsölu til framleiðslu sinnar.

Þess vegna er ég undrandi á því að þú og ýmsir aðrir náttúruverndarsinnar skuli taka þátt í þessari baráttu. Ég get ekki að því gert, en mér finnst margt benda til að þið séuð einfaldlega nytsamir sakleysingjar.

[Högni Elfar Gylfason, 10.5.2019 kl. 12:29]

Þorsteinn Siglaugsson þú þarft nú að vísa í áreiðanlegar heimildir ef þú vilt ekki fá á sig vont orð um að vera með tilhæfulausan rógburð.

[Þorsteinn Siglaugsson, 10.5.2019 kl. 12:48]

Hvað áttu við með þessari athugasemd Högni? Ég segi frá vangaveltum mínum um tilganginn og hvers vegna þær koma upp. Hvaða þvaður er þetta um heimildir og rógburð í slíku samhengi?

[Pétur Örn Björnsson (IP-tala skráð) 10.5.2019 kl. 13:26]

Nú veit ég ekki Þorsteinn hvort "vangaveltur" þínar séu þínar, eða hvort þær séu til komnar vegna "vangaveltna" Björns Bjarnasonar, en hann skrifar einmitt pistil í dag sama efnis og "vangaveltur" þínar, eða eru þær Björns?  

[Pétur Örn Björnsson (IP-tala skráð) 10.5.2019 kl. 13:34]

Langar svo bara að þakka þér Ómar fyrir athyglisverðan og góðan pistil.

[Kolbrún Hilmars, 10.5.2019 kl. 13:40]

Það er aðeins ein leið fær; að hafna Orkupakkanum.  Þeas vilji íslendingar halda sjálfir forræði orkuauðlinda sinna í framtíðinni.

[Gústaf Adolf Skúlason, 10.5.2019 kl. 13:41]

It´s now or never Ómar, syngjum það saman á meðan hægt er  

[Þorsteinn Siglaugsson, 10.5.2019 kl. 13:59]

Það eru fluttar fréttir af þessu máli í Fréttablaðinu í morgun Pétur Örn. Samtökin Orkan okkar mæla gegn því að leynd yfir orkuverði til stóriðju verði aflétt.

[Pétur Örn Björnsson (IP-tala skráð) 10.5.2019 kl. 14:16]

Takk fyrir svarið Þorsteinn.  Heimild ykkar Björns er þá Fréttablaðið.  Hélt að þið vitnuðu fremur í Morgunblaðið.  Verð að viðurkenna að ég les ekki Fréttablaðið, blað sem liggur fyrir hunda og katta fótum.  Óttalega subbuleg þannig blöð, finnst mér.

[Þorsteinn Siglaugsson, 10.5.2019 kl. 14:46]

Ef þú telur að þetta sé rangt haft eftir Frosta Sigurjónssyni þá skaltu endilega senda blaðinu athugasemd.

[Ómar Ragnarsson, 10.5.2019 kl. 15:48]

Þetta er það nýjasta, að ég sé orðinn handbendi og stuðningsmaður álveranna. 

Og þar áður að ég hafi gengið til liðs við Miðflokkinn. 

Hve langt er hægt að ganga í svona málflutningi? 

Ég er sömu skoðunar varðandi þá auðlind sem ósnortin íslensk náttúra er og ég var þegar fyrir 20 árum og hef ekki breytt neinu í þeim efnum. Eða átti ég að skipta um skoðun bara vegna þess að Miðflokkurinn kæmi til sögunnar 18 árum síðar og að ég yrðí sakaður um að hafa gengið til liðs við hann?

Fyrir 20 árum var hægt að komast ansi nálægt því að finna út hvert orkuverðið væri hjá Alcoa og það er hægt enn í dag og ég er enn sömu skoðunar um það að það eigi ekki að vera launungarmál og að stóriðjustefna síðustu 25 ára sé glapræði. 

Á ég að skipta um skoðun nú, bara vegna þess sem Frosti Sigurjónsson heldur fram 20 árum síðar og bara vegna þess, hvort stóriðjan hagnist á aframhaldi hernaðarins gegn landinu eða einhverjir aðrir?  

Á hvaða plani er þetta eiginlega?

Skoðun Frosta Sigurjónssonar 

[Júlíus Valsson, 10.5.2019 kl. 15:53]

Gegnsæi, neytendavernd og orkuöryggi eru ekki meginatriði varðandi innleiðingu á orkutilskipun ESB (3. orkupakka ESB) eins og sumir halda fram heldur það, hvort Íslendingar ætli sjálfir að hafa forræði og ráða yfir orkuauðlindum sínum og afurðum þeirra, raforkunni sem er nátengd auðlindinni. Um það snýst málið. Tal um eitthvað annað er einungis smjörklípa. 

[Ómar Ragnarsson, 10.5.2019 kl. 16:11]

"Smjörklípa", já, Júlíus, það er rétta orðið og einnig fleiri eins og  "túrbínutrix", "að hjóla í manninn en ekki boltann" og "að gera mönnum upp skoðanir", - allt þetta er nú í fullri notkun, líka hjá þeim mönnum sem fyrrum voru hörðustu talsmenn stóriðjustefnunnar áratugum saman og stóðu að því að viðhalda leyndinni á orkuverðinu. 

Nánar tiltekið var og er með einfaldri þriliðu með magni hins selda og tekjunum af því hægt að fara nálægt um það þriðja, söluverð á hverja orkueiningu. 

[Sigurður Sunnanvindur (IP-tala skráð) 10.5.2019 kl. 16:22]

O3 hefur ekkert með auðlindastjórnun, auðlindaráðstöfun og orkuistefnu að gera.
Það er fyrir löngu búið að opna á að hver sem er geti framleitt raforku en því hefur ekki verið fylgt eftir með opinberri stefnumótun.
Í raun skánar núverandi ástand mikið við O3  með bættri neytendavernd og virkara eftirliti OS sem hefur hingað til verið bullandi meðvirk orkufyrirtækjunum sem stofnunin á að haf eftirlit með.

Margir aðstandendur "Orkunnar Okkar" stóðu áður að "Auðlindirnar Okkar" og börðust á móti hækkuðu raforkuverði til Norðuráls.
Það sama virðist liggja að baki núverandi áróðursherferð, -Frosti vill viðhalda leynd yfir hrakvirði raforkunnar sem fer til álveranna og verkalýðsformaðurinn á Skaganum er á móti O3 af því hann óttast hærra verð til Grundartangastóriðjunnar.

Forstjórni Landsvirkjunar segir hreint út að regluverk O3 komi til með að hækka raforkuverð til álveranna og álverin eru ekki langt að baki innsta kjarna "Orkunnar Okkar".

Aukin markaðsvæðing, sem er þegar orðin, O3 er einfaldlega regluverk um orðinn hlut, hefur dregið að bæði erlenda (HS) og innlenda braskara í orkuframleiðsluna. Það þarf að halda þeim í skefjum með skýrri orkustefnu og slíkt er óháð O3.

Vonandi næst að hækka ALLA raforku í verði því á meðan fyrirtæki í almannaeigu framleiða nær 95% orkunnar en einungi 5% fara til heimila og 12 til almenns atvinnurekstrar sem stendur að baki 98% þjóðarframleiðslunnar þá skiptir miklu að fá hærra meðalverð.

Sæstrengur er hreinræktað kjaftæði þar sem öll áform um hann miðast við 1.000 - 1.2000 MW afkastagetu. Slíkt er deleríum í rafkerfi þar sem meðalálag er uþb 2.000 MW.
Í engu ríki í Evrópu væri til umræðu að fara í staka og áhættusama fjárfestingu í raforkugeiranum, sem byggður hefur verið upp á heilli öld, sem yki í einu vetvangi  umfangið um 50%.
Markmið EU miðast við að árið 2030 verði millilandatengingar farnar að  afkasta 15% af viðkomandi landskerfi. Þar er um að ræða margþættar og ódýrar tengingar yfir landmæri sem yfirleitt eru ekki annað en strik á korti en ekki heilt úhaf.

Menn ættu að skoða gögn og stærðargráður og átta sig á því hvert ástandið er nú þegar áður en menn fara á límingun yfir bættri stjórnsýslu.

Afstaða manna til EU og EES er svo einfaldlega allt annað mál.

[Þorsteinn Siglaugsson, 10.5.2019 kl. 17:02]

Orkuverð á vitanlega ekki að vera launungarmál og það á að leitast við að fá sem hæst verð fyrir orkuna. En samkvæmt Frosta er það stefnumál samtakanna Orkan okkar að verðinu sé haldið leyndu. Samkvæmt mörgum talsmönnum þessara samtaka á verðið líka að vera sem lægst. Það er gott að vita að þetta sé ekki stefna allra þeirra sem að samtökunum standa.

Þessi orkupakki leiðir ekki til aukinna virkjanaframkvæmda. Það er fjarri lagi. En hann leiðir til aukins gagnsæis varðandi orkuverð.

Það að berjast gegn orkupakkanum er ekki leiðin til að koma í veg fyrir að hér verði hver spræna virkjuð. Leiðirnar til þess er miklu fremur þessar:

1. Að gagnsæi sé sem mest og komið í veg fyrir að orkan verði seld á undirverði.

2. Að gerð verði sú krafa að náttúruspjöll verði metin til kostnaðar þegar framkvæmdir eru á teikniborðinu. Eins og Ragnar Árnason prófessor færði rök fyrir í skýrslu fyrir Fjármálaráðuneytið fyrir nokkrum árum er sá fórnarkostnaður líklega miklu hærri en flestir gera sér grein fyrir.

3. Að dregið verði úr stóriðjustarfsemi hérlendis og þannig úr eftirspurn eftir raforku. Besta leiðin til þess er einmitt sú að gagnsæi ríki um orkuverð og niðurgreiðslur verði hindraðar með skilvirku eftirliti.

Af þessum ástæðum tel ég, sem náttúruverndarsinni, að þriðji orkupakkinn verði til góðs, því hann felur í sér þessar kröfur.

[Þorsteinn Siglaugsson, 10.5.2019 kl. 17:04]

... og einmitt af þessum sökum skil ég að einörðustu talsmenn stóriðjunnar, líkt og Bjarni Jónsson, berjist af hörku gegn orkupakkanum. Og af sömu ástæðu skil ég ekki að náttúruverndarsinnar eins og þú Ómar, taki undir þann söng.

[Jósef Smári Ásmundsson (IP-tala skráð) 10.5.2019 kl. 17:23]

Átta mig ekki alveg á hvernig orkupakkinn komi til með að hafa áhrif á verð raforku til álveranna. Það er samningur í gildi milli RARIK og þessarra álvera þar sem verðið er ákveðið. Menn hrófla nú ekki við honum sísona.

[Þorsteinn Siglaugsson, 10.5.2019 kl. 17:36]

Gagnsæi og bann við niðurgreiðslum hefur áhrif til hækkunar á verði fremur en hitt.

[Stefán Örn Valdimarsson (IP-tala skráð) 10.5.2019 kl. 19:30]

Þorsteinn hvaða virkjaframkvæmdir hefur verið farið í sem eiga sér ekki fjárhagslegar forsendur?

[Jósef Smári Ásmundsson (IP-tala skráð) 11.5.2019 kl. 06:16]

En það gildir ekki í þessu samhengi Þorsteinn. Þá er verið að tala um niðurgreiðslur til landsbyggðarinnar sem dæmi og það er ríkið sem borgar þessar niðurgreiðslur. Í tilfelli álveranna er samningur í gangi. Það verður fyrst að segja þessum samningi upp áður en verðið er hækkað. Það er ekkert afturvirkt með orkupakkanum. Annars svo að það misskiljist ekki : Ég er mótfallinn orkupakkanum. Hann er gagnslaus fyrir okkur ef við tölum um að það sé rétt að hann muni ekki breyta neinu eins og Guðlaugur og Co halda fram. Annars mun hann valda miklum skaða.

[Þorsteinn Siglaugsson, 12.5.2019 kl. 15:39]

Vitanlega er þetta ekki afturvirkt. En með kröfu um gagnsæi og að verð sé ákveðið út frá markaðsforsendum hefur það þau áhrif að minni líkur verða á að óhagstæðir samningar verði gerðir í framtíðinni og að þegar endursamið verður við þann stóriðnað sem þegar er til staðar þarf að gera þá samninga á markaðsforsendum einnig.