Enn eimir af því hvernig litið var niður á þá sakfelldu frá upphafi.

Allur hinn skelfilegi málatilbúnaður á hendur sakborningunum í Guðmundar- og Geirfinnsmálunum byggðist á múgsefjun gegn fólki, sem þótti liggja vel við að ákæra, bera hinum þyngstu sökum  og dæma fyrir tvö morð, sem aldrei hefur verið sannað að hafi verið framin. 

Grunnurinn var fyrirlitningin, sem skein í gegn þegar sagt var til að réttlæta aðfarirnar: "Þetta eru nú engir kórdrengir." 

Hennar virðist því miður gæta enn og er hvað ságrætilegust varðandi meðferðina frá upphafi til þessa dags á Erlu Bolladóttur, máls, sem er fjarri því að hafa verið leyst úr á boðlegan hátt.  

Það verður áfram blettur á sögu þjóðarinnar þangað til hún verður sýknuð eins og karlmennirnir. 

Eina úrlausnin að leita til dómstóla

Athugasemdir

[Þorsteinn Siglaugsson, 27.5.2019 kl. 10:18]

Erla var pyntuð til að bera rangar sakir á menn. Það er hneyksli að hennar mál skuli ekki hafa verið endurupptekið og hún sýknuð.