Íslands þúsund ár

28.5.2019 | 11:27

Svona flaug Howard Hughes. Ógleymanleg upplifun í Teigsskógi.

Ekki er fyrr búið að fjalla um nýja möguleika til flugs með því að nota sér svokallað "ground effect" frá sjó eða landi, að dýrleg mynd flýgur um netið af skallaerni á flugi, sem á því andartaki, sem myndin er tekin, nýtir sér þann ósýnilega loftbúða sem er á milli hinna stóru og breiðu vængja hans og vatnsins undir skallaerninum.

Vænglagi arnarins hafa menn reynt að líkja eftir við smíði flugvéla, sem ætlað er að nota stuttar brautir og hafa mikinn borð.

Þegar horft er á millilandaþotu sem er í lendingarham, sést hvernig vængjunum er breytt með flöpum og vænbörðum í þá átt að vera íhvolfir og búa til burð úr loftrýminu sem vængirnir fljóta á og ryðja frá sér.

Þegar Howard Hughes fór í eina flugið, sem þáverandi langstærsta flugvél heims, "Grenigæsin", tók, flaug hann aðeins lárétt lágt yfir haffletinum og lét það nægja.

Á það var minnst í bloggpistli hér á síðunni í gær.

Fólkinn og örninn hafa ólíkt vænglag, enda er fálkinn hraðskreiðasta dýr jarðarinnar.

Örninn er hins vegar með vængi, sem miðast við að geta borið sem stærsta bráð og skapað sem besta hægflugseiginleika við veiðarnar.

Myndin af skallaerninum í loftpúðaflugi sínu sýnir vel, hve hárnákvæm samspil sjónar hans og meðvitund um flughæð og stöðu vængja og vængenda upp á sentimetra.

Það var ógleymanleg stund í snemma hausts 2005 á gönguferð um Teigsskóg að upplifa það þegar örn hóf sig þar á loft og kom yfir hinn einmana aðkomummann svona rétt eins og að tékka á honum.

Fuglaskoðun er dýrlegt áhugamál. Bæti hér inn mynd af fugli á flugi sem hallar sér 90 gráður.

Að hafa slíkan risafugl með sína ógnarbreiðu vængi yfir sér er eitthvað sem aldrei gleymist, ekki síst flugmanni sem hefur alla sína tíð legið yfir loftflæðisflæði fræðigreininni, sem er alfa og omega alls flugs.

Takið eftir, að á öllum þremur myndunum er höfuð fuglsins lárétt þótt fuglarnir sé annars vegar í láréttu flugi en hins vegar í flugi með 80 gráðu "halla.

Höfuðið samsvarar stjórnklefa á flugvél, og það verður langt þar til mennirnir geta búið til jafn fullkominn stjórnklefa og móðir náttúra hefur skapað fuglunum.