Framkoman við lífeyrisþega hefur verið og er enn dæmalaus.

Orðið "dæmalaus" í fyrirsögninni hér að ofan á við framkomuna í samanburði við nágrannalöndin. 

Gamalreyndir verkalýðsforingjar á borð við Guðmund Gunnarsson hafa lýst því í frásögnum af fundum þeirra við erlenda kollega, hvernig skoltarnir sigu á undir uppglenntum augunum þegar þeir heyrðu um framferði íslenskra ráðamanna gegn lífeyrisþegum. 

Nú er verið að athuga hvort áfrýja eigi málinu til Hæstaréttar og allar klær hafðar úti til að koma í veg fyrir að ránsfengnum verði skilað. Það er jú alltaf von. 

Í skyldum málum hefur stungið í augun viljinn til þess að borga aftur í tímann í kjarasamningum og svipuðum málum þegar um hærri launaðir launþegar hafa verið í spilinu. 

Og ævinlega er þess gætt að allar leiðréttingar varðandi hina verst settu séu aftast í forgangsröðinni.   

Ríkið greiðir 5 milljarða

Athugasemdir

[Halldór Egill Guðnason, 1.6.2019 kl. 01:14]

 Þjófnaður væri þetta kallað í réttarkerfinu, ef almennir borgarar ættu í hlut og höguðu sér svona. Ef hinsvegar ´´gæslumenn fjárins´´ og innmúraðar kerfisrottur eiga í hlut, er fátt til varnar, fyrir hinn almenna borgara. Hvað þá eldri borgara. Hamborgarar hafa meiri réttindi en sá hópur í dag.

 Pólitísku sérhagsmunaseggirnir, einkavinavæðingarsorinn og kerfisrotturnar hafa ósanngjarnt forskot og komast ávallt undan vendi réttvísinnar. Þeir setja jú bara lög og reglur til að hylja glæpsamlega slóð sína. Eftir situr pöpullinn og fær að borga fyrir sukkið. Rísi hann upp og mótmæli er hann kafsigldur af varðhundum kerfisins. Kerfis sem hugsar um það eitt að viðhalda sjálfu sér og helst vaxa enn meir. Í brjálæðisdansi valdaelítunnar umhverfis gullkálfinn eru öll meðöl notuð og talin réttmæt.

 Íslenskir stjórnmálamenn hafa verið landeyður í áratugi. Á Íslandi hefur varla komið fram stjórnmálamaður með hagsmuni samlanda sinna að leiðarljósi í allt of langan tíma.  

 Vonandi að það breytist hið snarasta.

 Þakka góðan pistil.

 Góðar stundir, með kveðju að sunnan.

[Vagn (IP-tala skráð) 1.6.2019 kl. 03:29]

Þekki menn ekki muninn á kerfum norðurlandanna og hér þá er ekki nema von að þeir gapi. En kerfin eru ekki sambærileg, epli og appelsínur. Hin norðurlöndin eru með ríkisrekið lífeyriskerfi en við erum með sjálfstætt lífeyriskerfi og ríkisrekna fátækraaðstoð. Fátækraaðstoðin hefur verið kölluð ýmsum nöfnum en það breytir ekki eðli og tilgangi hennar. Um miðjan síðasta áratug síðustu aldar var kvartað yfir því að þessi fátækraaðstoð væri orðin svo há að þeir sem greitt höfðu í lífeyrissjóð væru með sömu eða lítið hærri tekjur og því væri enginn ávinningur af því að borga í og vera með lífeyrissjóðskerfi. í dag er kvartað yfir því að fátækraaðstoðin sé ekki laun fyrir að vera gamall eins og haldið er fram að hafi verið tilgangurinn.

[JR (IP-tala skráð) 1.6.2019 kl. 21:47]

Ómar, hér er greinilega einn sjálfstæðismaðurinn ,,Jón Gunnarsson"  að tjá sig  :

,, Hin norðurlöndin eru með ríkisrekið lífeyriskerfi en við erum með sjálfstætt lífeyriskerfi og ríkisrekna fátækraaðstoð. "

Þessir sjálfstæðismenn munu alltaf kalla samfélalagsverkefni kostnað  !   

Núna er það verkefni eldri borgara í íslensku samfélagi að búa sér til vettvang til að koma sínum málefnum inn í pólitíkina og framkvæma  !

[Vagn (IP-tala skráð) 2.6.2019 kl. 04:51]

Gleymum því ekki að það kerfi greiðslna frá skattgreiðendum sem eldri borgarar vilja breyta er rausnarlegra en það kerfi sem þeir sjálfir gerðu, studdu og töldu fullnægjandi fyrir þeirra foreldra. Aldrei í Íslandssögunni hafa eldri borgurum verið tryggðar hærri tekjur frá skattgreiðendum en í dag.