Tonkin flói 1964, Írak 2003, - hvað nú?

Tonkin-flóa málið markaði tímamót í Víetnamstríðinu sumarið 1964. Tvö atvik, kennd við Tonkin-flóa, þar sem Norður-Víetamar voru ásakaðir um að hafa ráðist á bandaríkst herskip, voru notuð sem réttlæting og heimild Bandaríkjaþings til handa Lyndon B. Johnsons Bandaríkjaforseta til þess að beita bandaríska hernum beint gegn Norður-Víetnömum. 

Meintar árásir Norður-Víetnama áttu að hafa verið gerðar 2. ágúst og 4. ágúst. 

Þetta skóp jarðveginn fyrir sívaxandi átök sem nokkrum árum síðar leiddu til þess að meira en hálf milljón bandarískra hermanna var á vígstöðvunum í Víetnam og varpað var meira af sprengjumm á Norður-Víetnam en í allri Evrópu í Seinni heimsstyrjöldinni. 

Johnson forseti hrökklaðist frá völdum. 

Fjórum áratugum síðar kom loks í ljós, að bandaríska herskipið hafði hafið skothríð 2. ágúst og að 4. ágúst höfðu Norður-Víetnamar ekki gert neina árás.

2003 fékk George Bush Bandaríkjaforseti í hendur "óyggjandi" sannanir leynuþjónustunnar fyrir því að Írakar hefðu komið sér upp gereyðingarvopnum. 

Í krafti þess réðust Bandaríkjamenn og Bretar inn í Írak, studdir af opinberum stuðningsyfirlýsingum ýmissa vestrænna þjóða, þeirra á meðal Dana og Íslendinga. 

Í ljós kom, að engin gereyðingarvopn voru í Írak. 

Ofannefnd atvik segja að vísu út af fyrir sig ekkert til um það hvers eðlis Ómanflóaatvikið er núna, en benda þó til þess að ævinlega sé hætta á að það sannist hið fornkveðna, að það sem fyrst deyr í stríði sé sannleikurinn.  

 

Titringur vegna ótta um átök

Athugasemdir

[Grímur Kjartansson (IP-tala skráð) 15.6.2019 kl. 19:07]

Ef Clinton væri í Hvíta húsinu þá hefði ég áhyggjur

en Trump efnir það sem hann hefur lofað og hann ætlar ekki í stríð af ástæðulausu

[Ómar Ragnarsson, 15.6.2019 kl. 19:39]

Clinton stóð að vísu við kjarnorkusamkomulagið við Íran áður en Trump rifti því, svo að það er erfitt að sjá hvernig Clinton hefði átt að vera herskárri en Trump. 

[Þorsteinn Siglaugsson, 15.6.2019 kl. 20:23]

Trump mun án nokkurs vafa beita sér af alefli gegn því að farið verði í stríð við Íran. Bæði vegna þess að hann veit að slíkt yrði honum mjög erfitt og einnig vegna þess að það er greinilega stefna hans að draga Bandaríkin út úr átökum á heimsvísu fremur en að efla til þeirra. Hvort honum tekst það er annað mál, en hann virðst þó hafa talsverða hæfileika til að ná sínu fram. Stríðsvélin í Bandaríkjunum verður honum þó erfiður ljár í þúfu.

[Þorsteinn Sch Thorsteinsson, 15.6.2019 kl. 22:59]

Sæll Ómar,

Það er greinilegt að þú veist hvað false falg hryðjuverk er...svo og  moles og patsies. 
Í dag þá er allt gert fyrir þeirra  Stærra Ísrael (e. "Greater Israel") eins og t.d.  með réttlætingum og lygaátyllum (e. fake pretext). Eins og  áður segir þá er verið að fara eftir Oden Yinon planinu fyrir Stærra Ísrael. Nú eins og General Wesley Clark opinberaði okkur þann 2. mars 2007, þá var planið að hefja stríð og eyðileggja Írak, Líbýu, Líbanon,  Sýrland, Súdan, Sómalíu og síðan Íran, en það búið að stúta og eyðileggja öll þessi lönd samkvæmt planinu, nema það á eftir að hefja stríð gegn Íran fyrir þeirra Stærra Zíonista Ísrael.



Hann  Wesley Clark karlinn sagði reyndar satt með þetta allt saman , en hann Clark karlinn heldur uppi þessari vefsíðu  Stop Iran War.com. Ef þessi nýja lygaátylla (fake pretext) núna virkar ekki, þá verða þeir að reyna finna einhverja aðra góða lygaátyllu  í viðbót svo hægt sé að sprengja Íran í tætlur fyrir þeirra Stærra Zíonista Ísrael, ekki satt? 
KV.

[Þorsteinn Sch Thorsteinsson, 15.6.2019 kl. 23:06]

 Sjá hérna myndband : Wesley Clark Told The Truth

 

[Þorsteinn Sch Thorsteinsson, 16.6.2019 kl. 22:33]

Sjá einnig þetta myndband hérna : Corporate News Pushes Iran War For Trump

[Gunnlaugur Hólm Sigurðsson, 17.6.2019 kl. 18:37]

Já það er slæmt þegar þjóðir eru farnar að troða landamærum sínum svona nálægt Bandarískum herskipum og herstöðvum!

[Þorsteinn Sch Thorsteinsson, 18.6.2019 kl. 12:04]