Auðvelt að hefja stríð og skeyta ekkert um afleiðingarnar.

Það er því miður auðvelt að hefja stríð og skeyta ekkert um afleiðingarnar. Hernaðarsagan geymir mörg dæmi um þetta. 

Þjóðverjar dulbjuggu menn sem póska hermenn og settu á svið þegar þeir réðust yfir á þýskt landssvæði 1. september 1939.  

Hitler hélt að Bretar og Frakkar myndu ekki segja Þjóðverjum stríð á hendur þótt þýskur her réðist inn í Pólland, en misreiknaði sig herfilega í þeim efnum. 

Heimsstyrjöldin endaði réttum sex árum síðar. 

Það að senda dróna á loft yfir á svæði, sem erfitt er að sanna hvort sé í lofthelgi óvinaþjóðar, er auðveld aðferð til að hefja stríð, ef dróninn er skotinn niður. 

Trump hefur markvisst unnið að því að rífa niður og ógilda samninga, sem búið var að gera við Írani, og nánast allt sem hann segir veldur vaxandi óvissu og spennu, eykur ófriðarhættuna, hækkar olíuverð á heimsmarkaði og býr til nýjar ástæður fyrir því að stigmagna stríðshættuna. 

 

Olíuverð hækkar í kjölfar tísts Trump

Athugasemdir

[Grímur (IP-tala skráð) 21.6.2019 kl. 10:27]

Að minna á að maður sé með stóran lurk og jafnvel sveifla honum aðeins þýðir ekki að maður ætli að berja einhvern með honum.

Trump væri að svíkja kosningarloforð ef hann færi að senda sína hermenn í eitthvað stríð. Sá tími er liðinn að slíkt auki vinsældir leiðtoga heima fyrir líkt og það gerði hér áður fyrr

[Þorsteinn Siglaugsson, 21.6.2019 kl. 11:03]

Trump mun gera allt sem hann getur til að forðast stríð. Hann veit fullvel hvaða afleiðingar slíkt myndi hafa, hvað þá gagnvart jafn öflugu ríki og Íran er.