Athyglisverðar upplýsingar um raforkuverð.

Athyglisverðar upplýsingar um raforkuverð komu fram í útvarpsviðtali í hádeginu vegna lokunar kerskála í álverinu í Straumsvík.  

Sagt var svona í framhjáhlaupi í spjallinu um ljósbogann og tjónið í kerskálanum, að það væri bót í máli, að álverið nyti lægra orkuverðs en í öðrum löndum og það væri ein af helstu ástæðunum fyrir því að það væri starfrækt hér á landi. 

En síðan var því hnýtt við að bæði Alcoa og Norðurál greiddu enn lægra orkuverð. 

Gott að kaupa súrál frá sama birgja

Athugasemdir

[Bergmundur Hjálmarsson (IP-tala skráð) 23.7.2019 kl. 17:49]

Samkeppnishæfni álfyrirtækja ræðst af orkuverði og náttúrulega álverði á heimsmarkaði. Ef Ísland getur framleitt ódýrt rafmagn, með lágmarks spjöllum, og laðað til sín orkufrekan iðnað sem skilar mörgum skuldlausum virkjunum, skuldlitlu flutningskerfi og virðisaukanum af framleiðslunni þá er það bara hið besta mál. Ef álverin hættu starfrækslu á Íslandi vegna hás orkuverðs þá væru framleiðslan flutt t.d. til Kína þar sem orkan er fengin að stórum hluta með kolabrennslu sem væru slæm tíðindi fyrir allan heiminn. Stundum þarf að skoða alla myndina til að sjá það jákvæða fyrir allt samhengið. Ísland getur ekki skorast undan því að framleiða ál úr ódýrum endurnýtanlegum orkulindum en þetta ál mun síðan spara áfram næstu 100 árin vegna léttleika síns og endurvinnanleika.    

[Ómar Ragnarsson, 23.7.2019 kl. 19:12]

"Með lágmarks spjöllum"?  Orkan á háhitasvæðunum á svæðinu frá Þingvallavatni til Reykjanestáar fer stanslaust minnkandi vegna rányrkju. 50 megavatta ónotuð túrbína Reykjanesvirkjunar ber vitni um það. 

Í upphafi rammaáætlunar kom fram að Kárahnjúkavirkjun hefði mestu mögulegu neikvæðu og óafturkræfu umhverfisspjöll í för með sér hér á landi. 

Aðeins virkjun Jökulsár á Fjöllum er álíka slæm varðandi þetta. 

Það er ekkert gefið að Kínverjar myndu bæta við kolaorkuveri fyrir álver ef þeim fækkaði hér. 

Víða um lönd eru möguleikar við vatnsaflsvirkjana með mun minni umhverfissspjöllum en hér og með mun meiri áhrif á efnahag þeirra landa, þar sem virkjað yrði. Mörg eru fátæk og raforkan því kærkomin. 

[Haukur Kristinsson (IP-tala skráð) 23.7.2019 kl. 19:50]

Ekki í fyrsta skipti sem svona rugli er haldið fram eins og birtist hér fyrir ofan. Að Ísland sé að bjarga heiminum með ódýru rafmagni fyrir orkufrekan iðnað. Að við ættum skilið að fá friðarverðlaun Nóbels fyrir þær fórnir sem við færum mannkyninu. Bullshit. Málið er að minnka framleiðslu á álu um meira en helming með endurvinnslu - recycling. US endurvinnur 120.000 á mínútu, ca. 535 billion síðan 1972. Er samt aðeins 1% af þeim dósum sem eru í umferð. Afgangurinn, 99& er urðaður. 

[Vagn (IP-tala skráð) 23.7.2019 kl. 22:26]

Það eina sem er athyglisvert er að þér skuli þykja þessi gömlu sannindi athyglisverð. Þú hefur þá væntanlega haldið að álfyrirtækin hafi hundsað háan launakostnað, rekstrarkostnað og flutningskostnað til að geta ráðið súrálsmokara með yfirburða gáfnafar.