Hagkvæmni nýju hreyflanna mun ráða úrslitum.

Bæði Boeing og Airbus hafa misreiknað ýmislegt í spám sínum um heppilegustu farþegaþoturnar. 

Airbus ofmat til dæmis markaðinn fyrir hina risavöxnu A380 og vanmat um leið möguleikana, sem endurbætur Boeing á 747 þotunum gáfu til þess að framleiða hagkvæmustu stórþoturnar (Bumburnar). 

En stóraukin fjölgun farþega í markhópi sem mætti skilgreina sem lægri millistétt og sættir sig við að fljúga í mjóum þotum, sem knúnar eru nýjustu gerð sparneytnustu hreyfla sem þar að auki bjóða upp á aukna langdrægni, olli því að samkeppni flugvélarisanna varð áköfust í smíði Boeing 737 Max og Airbus 320 neo. 

Ef 737 Max verður ekki komin í gagnið næsta vor, er varla annað í boði en að taka inn Airbus í staðinn, jafnvel þótt það kosti algera kúvendingu í þotukaupum að fara frá hinum ameríska framleiðanda til hins evrópska. 

Það yrðu þáttaskil hjá Icelandair.   

Icelandair velji Airbus-vélar

Athugasemdir

[Þórhallur Pálsson, 7.8.2019 kl. 21:10]

Hver mun treysta 737 Max eftir einhverja hugbúnaðaruppfærslu, sem á að leiðrétta fyrir missmíði flugvélarinnar sjálfrar?
Það er ekki nóg að einhverjar eftirlitsstofnanir gefi grænt ljós á þetta apparat, ef almenningur kýs ekki að ferðast með því.
Er ekki vandamálið einfaldlega það að 737-byggingarlagið hentar einfaldlega ekki þessum nýju mótorum ?

[Ómar Ragnarsson, 7.8.2019 kl. 21:32]

Það sést þegar þú sérð samanburðarmyndir á Airbus 320 neo og Boeing 737 Max.