"Ekki spurning um hvort, heldur hvenær..."

Síðustu sex ár hafa íslenskir ráðamenn þrætt fyrir það að sæstrengur væri á dagskrá.

Síðast í Kastljósi í gærkvöldi útskýrði Sigmundur Davíð Gunnlaugsson stofnun sameiginlegs vinnuhóps Breta og Íslendinga um athugun á sæstreng þegar hann var forsætisráðherra á þann veg að könnunin hefði átt að vera gerð til þess að fá rök fyrir því að strengur yrði ekki lagður!

En um svipað leyti lýsti forstjóri Landsvirkjunar yfir hinu sanna: "Það er ekki spurning um hvort, heldur hvenær sæstrengur verður lagður."

Og að sjálfsögðu verða strengirnir minnst tveir til þess að tryggja afhendingaröryggi eins og það er kallað. 

Risalínur verða lagðar sem fylgja ferðamönnum um allt land, allt frá landtökustað nálægt Hornafirði vestur um land, norður um Austurland og þvers og kruss um hálendið. 

Sæstrengirnir og risalínurnar eru meðal þeirra 12 vegvísa í átt að umturnun íslenskrar náttúru sem hafa birst síðustu árin. 

Vonast eftir stuðningi við sæstreng

Athugasemdir

[Vagn (IP-tala skráð) 31.8.2019 kl. 00:56]

Mikill er máttur Sigmundar og starfsmanns Landsvirkjunar.

[Gunnar Heiðarsson, 31.8.2019 kl. 07:13]

Mikið rétt Ómar, ekki spurning hvort heldur hvenær. Þegar sú stund kemur skiptir öllu fyrir okkur sem þjóð að hafa á okkar hendi öll yfirráð yfir orkunni okkar. Þannig getum við ákveðið hvort, hversu mikið og fyrir hvað, orkan okkar verði flutt úr landi.

[Kolbrún Hilmars, 31.8.2019 kl. 12:48]

Breytast ekki forsendur þessa breska (fyrirhuguða?) sæstrengs eftir Brexit?
Þótt við vildum væri ólíklegt að Acer leyfði okkur að tengja við utan-ESB/EES lönd.

[Grímur (IP-tala skráð) 31.8.2019 kl. 15:51]

Lausnin er að leggja sæstrenginn til Kananda

Við það fá skrifstofublækurnar í Brussel engin yfiráð yfir raforkuverðinu sem skattgreiðandur á Íslandi eru neyddir til að greiða

[Vagn (IP-tala skráð) 31.8.2019 kl. 16:38]

Það er allt eins líklegt að á næstu árum takist að fullkomna kaldan samruna og þá kaupum við ódýrt rafmagn að utan og hættum með allar virkjanir. Að sæstrengur lækki rafmagnsverð á Íslandi eða skortur á sæstreng geri Íslenskt rafmagn það dýrasta í heimi. Er það hin eina rétta "hvort heldur hvenær" spurning?

"hvort heldur hvenær" hljómar gáfulega en hefur verið notað um svo margt sem aldrei varð að það er bara hljómfagurt bull. Enda veit enginn hvort "hvenær" sé eftir korter eða 10.000 ár. Lengi höfum við beðið eftir "hvort heldur hvenær" eldgosum, fljúgandi bílum, innrás Sovétríkjanna, pillu sem læknar alla kvilla, strætó til tunglsins og hraðlest til Akureyrar.

Ég er nokkuð viss um að forvitni misheppnaðs siðspillts stjórnmálamanns fyrir nokkrum árum síðan og skoðun starfsmanns orkufyrirtækis á sama tíma hafi lítil áhrif á hvort sæstrengur verði einhvern tíman lagður. Hvorugur þeirra hefur nokkuð alvöru vald í þeim efnum.

[Kolbrún Hilmars, 31.8.2019 kl. 17:37]

Vagn, ertu að tala um Cerc neðanjarðar í Sviss sem nær yfir til Frakklands?  Veistu annars nokkuð hvernig því verkefni miðar - það fer ekki mikið fyrir því í fréttum.

[Haukur Kristinsson (IP-tala skráð) 31.8.2019 kl. 18:11]

The 27-kilometer Large Hadron Collider at the European Center for Particles Physics (CERN) in Geneve, Switzerland has nothing to do, is unlelated with nuclear fusion.

[Kolbrún Hilmars, 31.8.2019 kl. 18:28]

Takk Haukur, Cern átti þetta að vera hjá mér.  En snýst sú tilraun ekki um kaldan samruna - öfugt við kjarnorku?  Hvað er annars að frétta af henni?

[Haukur Kristinsson (IP-tala skráð) 31.8.2019 kl. 20:00]

Í LHC hjá Cern er uppbygging efnis rannsökuð með því að keyra saman prótónur (róteindir) með ógnar miklum hraða, nálægt hraða ljóssins, þ.e.a.s. 300.000 km/sek. Við áreksturinn splundrast róteindin í minni öreindir (elemntar particles), sem eru greindar. Árið 2015 tóks að finna og mæla svokallaða Higgs-öreind. Mikið afrek. Fusion gerist aðeins við mikin hita, eða ca. 15 milljón stig. Hiti sem við getur ekki ímyndað okkur á nokkurn hátt. Vandinn við fusion er því að ná þessum mikla hita.