Vandamál, sem verður að taka alvarlega.

Þótt sjávarútvegurinn hafi yfir heildina litið gengið vel um árabil, eru blikur á lofti varðandi fiskvinnslu innanlands, sem verður að taka alvarlega og vera á tánum. 

Líta verður bæði heildstætt og í einstökum atriðum á það, sem er að gerast og hafa úrræði og úrbætur á takteinum, sem hægt sé að grípa til. 

Enn óvíst með framtíð Ísfisks

Athugasemdir

[Jósef Smári Ásmundsson (IP-tala skráð) 15.10.2019 kl. 11:51]

" Lítið gengið vel um árabil" Hvaða bull er þetta ? Sjávarútvegurinn hefur verið í stöðugum vexti frá því að kvótakerfið var sett á. Það að einstök fyrirtæki fari á hausinn segir ekkert til um sjávarútveginn í heild. það er samkeppni í þessari grein þar sem hinir sterku lifa af en aðrir verða undir. þessi samkeppnir er grunnurinn að framför í þessari grein rétt eins og í öðrum greinum. Það vantar alla samkeppni í landbúnaðinum og þessvegna stendur hann á brauðfótum. Enda undir verndarvæng ríkisins. Sérstaða sjávarútvegsins felst meðal annars í því að þetta er eina greinin sem getur borgað auðlindagjald ofaná skatttekjur. 

[Kolbrún Hilmars, 15.10.2019 kl. 12:09]

"Yfir heildina litið..." má ekki lesa sem "yfir heildina lítið...".
Er annars sammála Ómari hér.

[Þorsteinn Siglaugsson, 15.10.2019 kl. 15:29]

Ég held að ef við viljum horfa heildstætt á málið þurfum við að horfa heildstætt á það, þ.e. út frá virðiskeðjunni allri, en ekki hagsmunum einstakra framleiðenda.

Á endanum er spurningin sú hvað viðskiptavinurinn vill. Ef viðskiptavinurinn vill ferskan fisk sem hann kaupir á markaði í heimalandi sínu, þá þjónar fiskvinnsla innanlands viðskiptavininum ekki. Margir viðskiptavinir sækjast eftir þessu. Aðrir sækjast eftir frosinni vöru, og þessum hópi þjónar fiskvinnsla innanlands væntanlega best. Enn aðrir sækjast eftir tilbúnum réttum, frosnum eða ferskum. Þá mætti framleiða hér, eða nær mörkuðunum.

Þarfir og óskir kaupenda breytast með tímanum. Það hefur áhrif á framleiðendur og framleiðsluhætti. Það er ekki vandamál, svo lengi sem viðskiptavinir fá það sem þeir óska eftir. Það er hið endanlega markmið allrar framleiðslu.