Þegar lagt var til að sýna HM fjórum mánuðum eftir mótið.

Einu sinni var ekkert sjónvarp í júli og ekkert sjónvarp neinn fimmtudag ársins. Í fundargerðum Útvarpsráðs þess tíma mátti einu sinni sjá umræður um það, hvað ætti til bragðs að taka vegna þess að HM var í júlí. 

Heitur áhugamaður um stærsta mótið í þessari vinsælustu íþróttagrein heims talaði fyrir daufum eyrum varðandi þegar hann benti á þann möguleika að senda út á einfaldasta mögulegan hátt algerlega hrátt, án dagskrárþulu eða leiklýsanda. 

(Dagskrárþulurnar voru reyndar samt lagðar niður um 15 árum seinna) 

Ekki fannst tími í dagskrárdrögum fyrir ágúst ef sent yrði út eftir á. 

Allt var í steik á áríðandi fundi um málið. 

En á næsta fundi kom einn fundarmaður með áhugaverða tillögu. Hann sagðist hafa farið gaumgæfilega í gegnum allar heimildir um dagskrána fram að jólum og fundið auð pláss í nóvember, sem myndu henta vel. 

Hann var spurður hvernig í ósköpunum það gengi að draga svona lengi að senda HM út. 

Og svarið lét ekki standa á sér: Sjónvarpsáhorfendur myndu finna rækilega fyrir missinum af beinn útsendingu í ágúst eða septemberm, en í nóvember yrði svo langt um liðið frá mótinu, að þeir yrðu búnir að gleyma hvernig leikirnir hefðu verið og setjat æstir fyrir framan sjónvarpstækin, gagnteknir af spenningi!

Verður klippt á útsendinguna?

Athugasemdir

[Grímur (IP-tala skráð) 27.10.2019 kl. 19:29]

Góð skýring á hversvegna það tók 7 ár að "uppgötva" ástæðu þess að  RUV var mætt til Akureyrar þegar svokölluð húsrannsókn var gerð hjá Samherja

[Ómar Ragnarsson, 27.10.2019 kl. 23:43]

Sögnin að mæta er að útrýma sögnunum að fara og koma. En RUV þurfti ekki að "mæta til" Akureyrar fyrir 7 árum, því að RUV er og hefur verið í áratugi með bækistöð og starfsfólk á Akureyri og því hæg heimatökin.