Var árið 2016 mjög slæmt ár?

Nú er mikið og stanslaust rætt um samdrátt á ýmsum sviðum ferðaþjónustu, eins og sést á fyrirsögn tengdrar fréttar á mbl.is:  "Flugumferð langt undir fyrri spám." 

 

Af slíkum fyrirsögnum mætti ráða að mikil vá sé fyrir dyrum, samanber orðin "langt undir". 

Þegar nánar er rýnt í textann bregður því fyrir á einum stað að flugumferðin sé svipuð og hún var 2016. Agalegt að svo skuli vera? 

Rifjum upp að árið 2016 var algert metár þegar litið var á þróunina þar á undan. 

Og þá var vandamálið stórfelldur skortur á innviðum til þess að ráða við jafn gríðarlegan fjölda flugferða og ferðafólks og magnast hafði á gríðarlegum hraða síðan 2011. 

Spáð er lítilsháttar hagvexti á þessu ári þrátt fyrir að flugumferð hafi hrunið, þegar miðað er við fyrri spár. 

Spárnar byggðust meðal annars á því að gera ráð fyrir áframhaldandi vexti nýs stórs íslensks flugfélags, sem varð gjaldþrota og hætti starfsemi í snamma á þessu ári. 

Í kjölfar þess er eðlilegt og raunar ágætt, að nú sé andað með nefinu og tíminn notaður til þess að byggja betri undirstöður undir jöfnu og farsælu gengi ferðaþjónustunnar og efnahagslífsins.  

Flugumferð langt undir fyrri spám

Athugasemdir

[Vagn (IP-tala skráð) 28.12.2019 kl. 16:09]

Ástæðulaust að hafa áhyggjur ef launakostnaður ferðaþjónustunnar hefði ekki hækkað um 20~30% per starfsmann frá 2016. Hvaðan eiga tekjurnar að koma til að borga hærri laun? Og fyrir ríkið eru laun og bætur heldur ekki eins og 2016, einhverstaðar þarf þá væntanlega að skera niður. En þetta er ekkert mál, engin vá fyrir dyrum, Ómar fattaði meðan hann tuggði jólasteikina að flugumferð er svipuð og 2016 og því liggur beinast við að lækka laun og bætur til þess sem var 2016.

[Þorsteinn Styrmir Jónsson (IP-tala skráð) 29.12.2019 kl. 13:16]

 Ef menn geta ekki spáð ferðamannafjölda þrjú ár fram í tímann hvernig eiga menn þá að geta spáð veðrinu 100 ár fram í tímann?