Trump: Minn er mátturinn og dýrðin; ríkið, það er ég.

Donald Trump stundar það sí og æ að miða athafnir sínar í embætti við það að verða endurkosinn forseti á næsta ári. 

Símtalið fræga við forseta Úkraínu þar sem shann beitti efnahagslegum þvingunum til að láta erlendan kollega beita sér gegn hugsanlegum keppinauti til forsetaframboðs, er aðeins eitt dæmið af mörgum um ófyrirleitni Trumps. 

Drápið á helsta herforingja Írans, sem framkvæmd var í Írak, hefur verið fordæmd af ráðamönnum í Írak, en eins og venjulega breiða menn Trumps út allt aðra mynd, þar sem Írakar eru sagðir fagna árásinni. 

Trump sakaði Obama 2011 og 2012 um að nýta sér hernaðaraðstöðu Kana í Írak til að auka á spennu og fá þannig aukið fylgi heima fyrir forsetakosningarnar. 

Nú trompar Trump fyrirrennara sinn hressilega.  Af þessu máli núna er svipuð lykt og af málatilbúnaðinum á Tonkin-flóa í Víetnamstríðinu, þar sem stórefldar hernaðaraðgerðir Bandaríkjamanna voru réttlætar á vægast sagt vafasaman hátt; hinni gömlu sögu af vaxandi og komandi aðgerða óvinanna. 

Johnson, þáverandi Bandaríkjaforseti, gekk þó ekki á jafn óskammfeilinn hátt á stjórnarskrárvarinn rétt þingsins til að samþykkja aðgerðir hersins og Trump gerir nú. 

En hættan og óvissan núna um framvindu mála er enn meiri 1964. 1964 leiddi stefnan til þess að meira en hálf milljón manna voru þegar flest var, í bandaríska hernum, sem beitt var í því viðbjóðslega stríði. 

Nú geta mun fleiri dregist inn í vaxandi átök í Miðausturlöndum og allt kvak Trumps um sig sem friðelskandi forseta afvopnunar gæti snúist upp í andhverfu sína. 

Ein aðal ástæðan er sögð vera sú að vitað sé um yfirvofandi árásir Írana í Miðausturlöndum, þar sem drepnir verði Bandaríkjamenn. Því hafi drápið á Soleimani verið í sjálfsvörn. 

 

Dýnamít í púðurtunnu?

Athugasemdir

[Grímur (IP-tala skráð) 3.1.2020 kl. 20:55]

Morðingi er tekinn af lífi og öll heimsbyggðin skelfur?

Nei þetta var nauðsynleg aðgerð, stundum verður að aflífa hundinn þegar hann tekur engum sönsum

[Anna Rognvaldsdottir (IP-tala skráð) 3.1.2020 kl. 22:42]

Í nóvember 2011 (einu ári áður en Obama var endurkjörinn) sagði Trump þetta í sjónvarpsviðtali:

“Our president will start a war with Iran because he has absolutely no ability to negotiate. He's weak and he's ineffective. So the only way he figures that he's going to get reelected — and as sure as you're sitting there — is to start a war with Iran.”

Og maðurinn hamrar á þessu, greinilega sannfærður um að Obama væri búinn að reikna það út að stríð við Íran væri það eina sem gæti dugað honum til að ná endurkjöri:

"In order to get elected, @BarackObama will start a war with Iran." (tíst nóv. 2011)

"Remember what I said about @BarackObama attacking Iran before the election--I hope the Iranians are not so (cont)" (apríl. 2012)

"Just as I predicted, @BarackObama is preparing a possible attack on Iran right before November." (tíst í júlí 2012)

"I always said @BarackObama will attack Iran, in some form, prior to the election." (tíst, ág. 2012)

"Don't let Obama play the Iran card in order to start a war in order to get elected--be careful Republicans!" (tíst, okt. 2012)

"Now that Obama’s poll numbers are in tailspin – watch for him to launch a strike in Libya or Iran. He is desperate." (tíst, okt 2012)

Svo heldur hann áfram eftir kosningarnar:

"Remember what I previously said--Obama will someday attack Iran in order to show how tough he is." (tíst, sept. 2013)

"I predict that President Obama will at some point attack Iran in order to save face!" (tíst, sept 2013)

"Remember that I predicted a long time ago that President Obama will attack Iran because of his inability to negotiate properly-not skilled!" (tíst, sept 2013)

https://www.businessinsider.com/old-trump-tweets-emerge-claim-obama-wanted-war-iran-2020-1?r=US&IR=T

[Sigurður Antonsson, 3.1.2020 kl. 23:39]

Hernaðarelítan í Bandaríkjunum eru enn á nýju ári að hefja stríðöxina á loft og endurtaka mistök fyrri stjórna. Margir fréttaskýrendur hafa spáð þessu. Stríð við Írani á nýju ári sagt vera bein afleiðing af langum aðdraganda herskárra.  Í yfirlitsriti The Economist 2020, sem kom út í desember er stríð við Írani sagt á næsta leiti. Dapurlegt að voldugasta lýðræðisríkið sé með þennan innbyggða hvata í sínu regluverki.

Viðskiptabann Bandaríkjanna á Íran hefur þegar dregið allan mátt úr þessu fátæka og gamla menningarríki. Eftirtektavert er að fjölmiðlar hér hafa lítið gert úr drápinu á herforingja Írana. Sagður "feldur" eins og gamall gæðingur. Feldur í orrustu sem ekki hefur átt sér stað? Hér er háþróaðri hernaðartækni með stýriflugum enn beitt í þessum heimshluta til að skapa óróa og viðhalda spennu. Bandaríkjamenn virðast engu hafa gleymt frá fyrri átökum sem feldi unga syni þeirra í stríði sem hægt hefði veriðið að forðast.